헬라어 문장 검색 - Πλυταρ́Σολον́10́

(플루타르코스, Σόλων, chapter 10)

οὐ μὴν ἀλλὰ τῶν Μεγαρέων ἐπιμενόντων πολλὰ κακὰ καὶ δρῶντεσ ἐν τῷ πολέμῳ καὶ πάσχοντεσ, ἐποιήσαντο Λακεδαιμονίουσ διαλλακτὰσ καὶ δικαστάσ. οἱ μὲν οὖν πολλοὶ τῷ Σόλωνι συναγωνίσασθαι λέγουσι τὴν Ὁμήρου δόξαν· ἐμβαλόντα γὰρ αὐτὸν ἔποσ εἰσ νεῶν κατάλογον ἐπὶ τῆσ δίκησ ἀναγνῶναι· Αἰάσ δ’ ἐκ Σαλαμῖνοσ ἄγεν δυοκαίδεκα νῆασ, στῆσε δ’ ἄγων ἵν’ Ἀθηναίων ἵσταντο φάλαγγεσ. αὐτοὶ δ’ Ἀθηναῖοι ταῦτα μὲν οἰόνται φλυαρίαν εἶναι, τὸν δὲ Σόλωνά φασιν ἀποδεῖξαι τοῖσ δικασταῖσ ὅτι Φιλαῖοσ καὶ Εὐρυσάκησ, Αἰάντοσ υἱοί, Ἀθήνησι πολιτείασ μεταλαβόντεσ παρέδοσαν τὴν νῆσον αὐτοῖσ, καὶ κατῴκησαν ὁ μὲν ἐν Βραυρῶνι τῆσ Ἀττικῆσ, ὁ δὲ ἐν Μελίτῃ·

καὶ δῆμον ἐπώνυμον Φιλαίου τῶν Φιλαϊδῶν ἔχουσιν, ὅθεν ἦν Πεισίστρατοσ. ἔτι δὲ μᾶλλον ἐξελέγξαι τοὺσ Μεγαρέασ βουλόμενον ἰσχυρίσασθαι περὶ τῶν νεκρῶν ὡσ οὐχ ὃν τρόπον ἐκεῖνοι θάπτουσι κεκηδευμένων, ἀλλ’ ὃν αὐτοί.

θάπτουσι δὲ Μεγαπεῖσ πρὸσ ἑώ τοὺσ νεκροὺσ στρέφοντεσ, Ἀθηναῖοι δὲ πρὸσ ἑσπέραν. Ἡρέασ δὲ ὁ Μεγαρεὺσ ἐνιστάμενοσ λέγει καὶ Μεγαρεῖσ πρὸσ ἑσπέραν τετραμμένα τὰ σώματα τῶν νεκρῶν τιθέναι· καὶ μεῖζον ἔτι τούτου, μίαν ἕκαστον Ἀθηναίων ἔχειν θήκην, Μεγαρέων δὲ καὶ τρεῖσ καὶ τέσσαρασ ἐν μιᾷ κεῖσθαι. τῷ μέντοι Σόλωνι καὶ Πυθικούσ τινασ βοηθῆσαι λέγουσι χρησμούσ, ἐν οἷσ ὁ θεὸσ Ιαὀνίαν τὴν Σαλαμῖνα προσηγόρευσε.

ταύτην τὴν δίκην ἐδίκασαν Σπαρτιατῶν πέντε ἄνδρεσ, Κριτολαί̈δασ, Ἀμομφάρετοσ, Ὑψηχίδασ, Ἀναξίλασ, Κλεομένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Σόλων, chapter 10

(플루타르코스, Σόλων, chapter 10)

상위

목록

SEARCH

MENU NAVIGATION