헬라어 문장 검색 - Πλυταρ́Σολον́04́

(플루타르코스, Σόλων, chapter 4)

γενέσθαι δὲ μετ’ ἀλλήλων ἔν τε Δελφοῖσ ὁμοῦ λέγονται καὶ πάλιν ἐν Κορίνθῳ, Περιάνδρου σύλλογόν τινα κοινὸν αὐτῶν καὶ συμπόσιον κατασκευάσαντοσ. ἔτι δὲ μᾶλλον εἰσ ἀξίωμα καὶ δόξαν αὐτοὺσ κατέστησεν ἡ τοῦ τρίποδοσ περίοδοσ καὶ διὰ πάντων ἀνακύκλησισ καὶ ἀνθύπειξισ μετ’ εὐμενείασ φιλοτίμου γενομένη. Κῴων γάρ, ὥσ φασι, καταγόντων σαγήνην, καὶ ξένων ἐκ Μιλήτου πριαμένων τὸν βόλον οὔπω φανερὸν ὄντα, χρυσοῦσ ἐφάνη τρίπουσ ἑλκόμενοσ, ὃν λέγουσιν Ἑλένην πλέουσαν ἐκ Τροίασ αὐτόθι καθεῖναι χρησμοῦ τινοσ ἀναμνησθεῖσαν παλαιοῦ.

γενομένησ δὲ τοῖσ ξένοισ πρῶτον ἀντιλογίασ πρὸσ τοὺσ ἁλιέασ περὶ τοῦ τρίποδοσ, εἶτα τῶν πόλεων ἀναδεξαμένων τὴν διαφορὰν ἄχρι πολέμου προελθοῦσαν, ἀνεῖλεν ἀμφοτέροισ ἡ Πυθία τῷ σοφωτάτῳ τὸν τρίποδα ἀποδοῦναι. καὶ πρῶτον μὲν ἀπεστάλη πρὸσ Θαλῆν εἰσ Μίλητον, ἑκουσίωσ τῶν Κῴων ἑνὶ δωρουμένων ἐκείνῳ περὶ οὗ πρὸσ ἅπαντασ ὁμοῦ Μιλησίουσ ἐπολέμησαν.

Θάλεω δὲ Βίαντα σοφώτερον ἀποφαίνοντοσ αὑτοῦ πρὸσ ἐκεῖνον ἧκεν· ἀπ’ ἐκείνου δ’ αὖθισ ἀπεστάλη πρὸσ ἄλλον ὡσ σοφώτερον. εἶτα περιϊὼν καὶ ἀναπεμπόμενοσ οὕτωσ ἐπὶ Θαλῆν τὸ δεύτερον ἀφίκετο, καὶ τέλοσ εἰσ Θήβασ ἐκ Μιλήτου κομισθεὶσ τῷ Ἰσμηνίῳ Ἀπόλλωνι καθιερώθη. θεόφραστοσ δέ φησι,πρῶτον μὲν εἰσ Πριήνην Βίαντι τὸν τρίποδα πεμφθῆναι, δεύτερον δ’ εἰσ Μίλητον Θαλῇ Βίαντοσ ἀποπέμψαντοσ·

οὕτω δὲ διὰ πάντων πάλιν εἰσ Βίαντα περιελθεῖν, τέλοσ δὲ εἰσ Δελφοὺσ ἀποσταλῆναι. ταῦτα μὲν οὖν ὑπὸ πλειόνων τεθρύληται, πλὴν ὅτι τὸ δῶρον ἀντὶ τοῦ τρίποδοσ οἱ μὲν φιάλην ὑπὸ Κροίσου πεμφθεῖσαν, οἱ δὲ ποτήριον Βαθυκλέουσ ἀπολιπόντοσ εἶναι λέγουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Σόλων, chapter 4

(플루타르코스, Σόλων, chapter 4)

상위

목록

SEARCH

MENU NAVIGATION