호흡부호 보기
강세부호 보기
장단부호 보기
작은 Iota 보기
모든 부호 보기
οὐ μὴν ἀλλ’ ἐπεὶ φαύλουσ γε ὄντασ αὐτοὺσ ἑτέροισ τε τοιούτοισ ὁμιλοῦντασ ἐξάγει τὸ πράγματα πολλάκισ εἰσ τὸ νουθετεῖν, ἐπιεικέστατοσ ἂν εἰή τρόποσ ὁ συνεμπλέκων καὶ συμπεριλαμβάνων ἁμηγέπη τῷ ἐγκλήματι τὸν παρρησιαζόμενον· ἐφ’ ᾧ λέλεκται καὶ τὸ Τυδείδη, τί παθόντε λελάσμεθα θούριδοσ ἀλκῆσ;
καὶ τὸ ’νῦν δ’ οὐδ’ ἑνὸσ ἄξιοί εἰμεν Ἕκτοροσ καὶ ὁ Σωκράτησ οὕτωσ ἀτρέμα τοὺσ νέουσ ἤλεγχεν, ὡσ μηδ’ αὐτὸσ ἀπηλλαγμένοσ ἀμαθίασ, ἀλλὰ μετ’ ἐκείνων οἰόμενοσ;
δεῖν ἀρετῆσ;
ἐπιμέλεσθαι καὶ ζητεῖν τἀληθέσ. καὶ γὰρ εὔνοιαν καὶ πίστιν ἔχουσιν οἱ ταὐτὰ μὲν ἁμαρτάνειν, ἐπανορθοῦσθαι δὲ τοὺσ φίλουσ ὥσπερ αὑτοὺσ δοκοῦντεσ. καὶ ἀπαθήσ, ἂν μὴ πολὺ καθ’ ἡλικίαν προήκων μηδ’ ἔχων ἀρετῆσ ὁμολογούμενον ἀξίωμα καὶ δόξησ, ἐπαχθὴσ φανεὶσ καὶ βαρὺσ οὐδὲν ὠφέλησεν.
ὅθεν οὐχ ἁπλῶσ ὁ Φοῖνιξ ἐνέβαλε τὰ περὶ αὑτὸν ἀτυχὴ ματα, δι’ ὀργὴν ἐπιχειρήσαντοσ ἀνελεῖν τὸν πατέρα καὶ ταχὺ μεταγνόντοσ, ὡσ μὴ πατροφόνοσ μετ’ Ἀχαιοῖσιν καλεοίμην, ἵνα μὴ δοκῇ νουθετεῖν ἐκεῖνον ὡσ αὐτὸσ ἀπαθὴσ ὢν ὑπ’ ὀργῆσ καὶ ἀναμάρτητοσ.
ἐνδύεται γὰρ ἠθικῶσ τὰ τοιαῦτα, καὶ μᾶλλον εἴκουσι τοῖσ ὁμοιοπαθεῖν ἀλλὰ μὴ περιφρονεῖν δοκοῦσιν.
ἐπεὶ δ’ οὔτε φῶσ λαμπρὸν ὄμματι φλεγμαίνοντι προσοιστέον, οὔτ’ ἐμπαθὴσ ψυχὴ παρρησίαν ἀναδέχεται καὶ νουθεσίαν ἄκρατον, ἐν τοῖσ χρησιμωτάτοισ ἐστὶ τῶν βοηθημάτων ὁ παραμιγνύμενοσ ἐλαφρὸσ; ἔπαινοσ, ὥσπερ ἐν τούτοισ ὑμεῖσ δ’ οὐκέτι καλὰ μεθίετε θούριδοσ ἀλκῆσ πάντεσ ἄριστοι ἐόντεσ ἀνὰ στρατόν.
οὐδ’ ἂν ἔγωγε ἀνδρὶ μαχεσσαίμην ὅστισ πολέμοιο μεθείη λυγρὸσ ἐών· ὑμῖν δὲ νεμεσσῶμαι περὶ κῆρι καὶ Πάνδαρε, ποῦ τοι τόξον ἰδὲ πτερόεντεσ ὀιστοὶ καὶ κλέοσ, ᾧ οὒ τίσ τοι ἐρίζεται ἐνθάδε γ’ ἀνήρ;
σφόδρα δ’ ἐμφανῶσ ἀνακαλεῖται καὶ τὰ τοιαῦτα τοὺσ ὑποφερομένουσ παι ὁ δ’ Οἰδίπουσ ποῦ καὶ τὰ κλείν’ αἰνίγματα;
’ ὁ πολλὰ δὴ τλὰσ Ἡρακλῆσ λέγει τάδε; οὐ γὰρ μόνον ἀνίησι τοῦ ψόγου τὸ τραχὺ καὶ κολαστικόν, ἀλλὰ καὶ ζῆλον ἐμποιεῖ πρὸσ ἑαυτὸν αἰδουμένῳ τὰ αἰσχρὰ τῇ τῶν καλῶν ὑπομνήσει καὶ παράδειγμα ποιουμένῳ τῶν βελτιόνων ἑαυτόν.
"τί οὖν οὐκ ἄπει πρὸσ τοὺσ ἐμοῦ κρείττονασ, ἐμοὶ δὲ μὴ παρέχεισ πράγματα;
φυλακτέον οὖν ἑτέρουσ ἐπαινεῖν παρρησιαζόμενον πρὸσ ἑτέρουσ, ἂν μὴ νὴ Δία γονεῖσ ὦσιν. καὶ ὁ ἐν τοῖσ Σκυρίοισ Ὀδυσσεὺσ σὺ δ’, ὦ τὸ λαμπρὸν φῶσ καταισχύνων γένουσ, ξαίνεισ, ἀρίστου πατρὸσ Ἑλλήνων γεγώσ;
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기