Plutarch, Quomodo adulator ab amico internoscatur, chapter, section 27 8:

ἀκρασίασ μετ’ ἔχθρασ τὸ τοιοῦτον εἶδοσ, ᾧ χρώμενοι προσαπολλύουσιν αὑτούσ, τὴν περὶ τὸ φρέαρ ὄρχησιν ἀτεχνῶσ ὀρχούμενοι. καὶ γὰρ Ἀντιφῶν ἀπέθανεν ὑπὸ Διονυσίου καὶ Τιμαγένησ ἐξέπεσε τῆσ Καίσαροσ φιλίασ, ἐλευθέρᾳ μὲν οὐδέποτε φωνῇ χρησάμενοσ, ἐν δὲ τοῖσ συμποσίοισ καὶ τοῖσ περιπάτοισ ἑκάστοτε πρὸσ οὐδ’ ἡντινοῦν σπουδὴν ἀλλ’ ὅ τι οἱ εἴσαιτο γελοίιον Ἀργείοισιν αἰτίαν φιλίασ ὥσπερ σόφισμα λοιδορίασ προφερόμενοσ.