Plutarch, Quaestiones Naturales, chapter 7

(플루타르코스, Quaestiones Naturales, chapter 7)

διὰ τί τὰ πλοῖα χειμῶνοσ ἐν τοῖσ ποταμοῖσ πλεῖ βράδιον, ἐν δὲ τῇ θαλάττῃ οὐ παραπλησίωσ; πότερον ὁ ποτάμιοσ ἀὴρ ἀεὶ δυσκίνητοσ ὢν καὶ βαρὺσ ἐν δὲ χειμῶνι μᾶλλον παχυνόμενοσ διὰ τὴν περίψυξιν, ἐμποδών ἐστι τοῖσ πλέουσιν · ἢ τοῦτο μᾶλλον τοῦ ἀέροσ πάσχουσιν οἱ ποταμοί;

ἐλαύνουσα γὰρ ἡ ψυχρότησ τὸ ὕδωρ ποιεῖ βαρὺ καὶ σωματῶδεσ, ὡσ ἔστιν ἐν ταῖσ κλεψύδραισ καταμαθεῖν·

βράδιον γὰρ ἕλκουσι χειμῶνοσ ἢ θέρουσ· ἐν δὲ Θρᾴκῃ περὶ τὸ Πάγγαιον ἱστορεῖ Θεόφραστοσ εἶναι κρήνην, ἀφ’ ἧσ ταὐτὸ γέμον ἀγγεῖον ὕδατοσ ἱστάμενον χειμῶνοσ ἕλκειν διπλάσιον σταθμὸν ἢ θέρουσ.

ὅτι δ’ ἡ πυκνότησ τοῦ ὕδατοσ τὴν βραδυτῆτα ποιεῖ τοῦ πλοῦ, δῆλόν ἐστι τῷ πλείονα γόμον φέρειν τὰ ποτάμια πλοῖα τοῦ χειμῶνοσ· τὸ γὰρ ὕδωρ μᾶλλον ἀντερείδει πυκνότερον καὶ βαρύτερον γιγνόμενον, τὴν δὲ θάλατταν ἡ θερμότησ κωλύει πυκνοῦσθαι, δι’ ἣν οὐδὲ πήγνυται·

πύκνωσισ.

SEARCH

MENU NAVIGATION