Ancient Greek Text

Plutarch, Quaestiones Naturales, chapter 7

(플루타르코스, Quaestiones Naturales, chapter 7)

διὰ τί τὰ πλοῖα χειμῶνοσ ἐν τοῖσ ποταμοῖσ πλεῖ βράδιον, ἐν δὲ τῇ θαλάττῃ οὐ παραπλησίωσ; πότερον ὁ ποτάμιοσ ἀὴρ ἀεὶ δυσκίνητοσ ὢν καὶ βαρὺσ ἐν δὲ χειμῶνι μᾶλλον παχυνόμενοσ διὰ τὴν περίψυξιν, ἐμποδών ἐστι τοῖσ πλέουσιν · ἢ τοῦτο μᾶλλον τοῦ ἀέροσ πάσχουσιν οἱ ποταμοί;

ἐλαύνουσα γὰρ ἡ ψυχρότησ τὸ ὕδωρ ποιεῖ βαρὺ καὶ σωματῶδεσ, ὡσ ἔστιν ἐν ταῖσ κλεψύδραισ καταμαθεῖν·

βράδιον γὰρ ἕλκουσι χειμῶνοσ ἢ θέρουσ· ἐν δὲ Θρᾴκῃ περὶ τὸ Πάγγαιον ἱστορεῖ Θεόφραστοσ εἶναι κρήνην, ἀφ’ ἧσ ταὐτὸ γέμον ἀγγεῖον ὕδατοσ ἱστάμενον χειμῶνοσ ἕλκειν διπλάσιον σταθμὸν ἢ θέρουσ.

ὅτι δ’ ἡ πυκνότησ τοῦ ὕδατοσ τὴν βραδυτῆτα ποιεῖ τοῦ πλοῦ, δῆλόν ἐστι τῷ πλείονα γόμον φέρειν τὰ ποτάμια πλοῖα τοῦ χειμῶνοσ· τὸ γὰρ ὕδωρ μᾶλλον ἀντερείδει πυκνότερον καὶ βαρύτερον γιγνόμενον, τὴν δὲ θάλατταν ἡ θερμότησ κωλύει πυκνοῦσθαι, δι’ ἣν οὐδὲ πήγνυται·

πύκνωσισ.