Plutarch, Quaestiones Naturales, chapter 3

(플루타르코스, Quaestiones Naturales, chapter 3)

διὰ τί παραβάλλουσι τοῖσ θρέμμασιν ἅλασ οἱ νομεῖσ; πότερον, ὡσ οἱ πολλοὶ νομίζουσι, πλήθουσ τροφῆσ ἕνεκα καὶ τοῦ παχύνειν;

τήν τε γὰρ ὄρεξιν ἡ δριμύτησ ἐκκαλεῖται καὶ τοὺσ πόρουσ ἀναστομοῦσα μᾶλλον ὁδοποιεῖ τῇ τροφῇ πρὸσ τὴν ἀνάδοσιν· καὶ τοὺσ ἰσχνοὺσ καὶ τοὺσ ἀτρόφουσ Ἀπολλώνιοσ ὁ Ἡροφίλειοσ ἐκέλευε μὴ γλυκεῖ μηδὲ χονδρῷ τρέφειν ἀλλὰ τοῖσ ταριχευτοῖσ καὶ ὑφαλμυρίζουσιν, ὧν ἡ λεπτότησ, ὥσπερ ἐντρίχωμα γενομένη, τὰ σιτία τοῖσ σώμασι διὰ τῶν πόρων προστίθησιν.

ἢ μᾶλλον ὑγιείασ ἕνεκα καὶ συγκοπῆσ πλήθουσ τὸν ἅλα λείχειν ἐθίζουσι τὰ βοσκήματα;

νοσεῖ γὰρ ἄγαν πιαινόμενα, τὴν δὲ πιμελὴν τήκουσιν οἱ ἅλεσ καὶ διαχέουσιν ὅθεν εὐμαρῶσ καὶ ῥᾳδίωσ ἀποδέρουσιν αὐτὰ σφάξαντεσ·

ἡ γὰρ κολλῶσα καὶ συνδέουσα τὸ δέρμα πιμελὴ λεπτὴ καὶ ἀσθενὴσ γέγονεν ὑπὸ τῆσ δριμύτητοσ. λεπτύνεται δὲ καὶ τὸ αἷμα τῶν τὸ ἅλασ λειχόντων οὐδὲ πήγνυται τὰ ἐντόσ, ἁλῶν μιγέντων.

σκόπει δέ, μὴ καὶ γονιμώτερα καὶ προθυμότερα πρὸσ τὰσ συνουσίασ·

πλείουσ τρέφει μῦσ διὰ τὸ πολλάκισ συμπλέκεσθαι.

SEARCH

MENU NAVIGATION