헬라어 문장 검색 - Πλυταρ́Πραεξεπ́1́27́

(플루타르코스, Praecepta gerendae reipublicae, chapter, section 27)

ἡ δὲ φιλοτιμία, καίπερ οὖσα σοβαρωτέρα τῆσ φιλοκερδείασ, οὐκ ἐλάττονασ ἔχει κῆρασ ἐν πολιτείᾳ· παρὰ τῶν ὄχλων ῥόθιον πολλάκισ συνεξαῖρον αὐτὴν καὶ συνεξωθοῦν τοῖσ ἐπαίνοισ ἀκατάσχετον ποιεῖ καὶ δυσμεταχείριστον.

ὥσπερ οὖν ὁ Πλάτων ἀκουστέον εἶναι τοῖσ νέοισ ἔλεγεν ἐκ παίδων εὐθύσ, ὡσ οὔτε περικεῖσθαι χρυσὸν αὐτοῖσ ἔξωθεν οὔτε κεκτῆσθαι θέμισ, οἰκεῖον ἐν τῇ ψυχῇ συμμεμιγμένον ἔχοντασ, αἰνιττόμενοσ οἶμαι τὴν ἐκ γένουσ διατείνουσαν εἰσ τὰσ φύσεισ αὐτῶν ἀρετήν·

οὕτω παραμυθώμεθα τὴν φιλοτιμίαν, λέγοντεσ ἐν ἑαυτοῖσ ἔχειν χρυσὸν ἀδιάφθορον καὶ ἀκήρατον καὶ ἄχραντον ὑπὸ φθόνου καὶ μώμου τιμήν, ἅμα λογισμῷ καὶ παραθεωρήσει τῶν πεπραγμένων ἡμῖν καὶ πεπολιτευμένων αὐξανόμενον διὸ μὴ δεῖσθαι γραφομένων τιμῶν ἢ πλαττομένων ἢ χαλκοτυπουμένων, ἐν αἷσ καὶ τὸ εὐδοκιμοῦν ἀλλότριόν ἐστιν·

ἐπαινεῖται γὰρ οὐχ ᾧ γέγονεν ἀλλ’ ὑφ’ οὗ γέγονεν ὡσ ὁ σαλπικτὴσ καὶ ὁ δορυφόροσ.

λαβόντασ αὑτοῖσ καὶ βαρεῖσ εἶναι, οἱο͂ν ἐπὶ μισθῷ τὰσ χρείασ ἀπαιτοῦντασ.

ὥσπερ οὖν ὁ παραπλεύσασ τὴν Σύρτιν εἶτ’ ἀνατραπεὶσ περὶ τὸν πορθμὸν οὐδὲν μέγα πεποίηκεν οὐδὲ σεμνόν, οὕτωσ ὁ τὸ ταμιεῖον φυλαξάμενοσ καὶ τὸ δημοσιώνιον ἁλοὺσ δὲ περὶ τὴν προεδρίαν ἢ τὸ πρυτανεῖον, ὑψηλῷ μὲν προσέπταικεν ἀκρωτηρίῳ βαπτίζεται δ’ ὁμοίωσ.

ἄριστοσ μὲν οὖν ὁ μηδενὸσ δεόμενοσ τῶν τοιούτων ἀλλὰ φεύγων καὶ παραιτούμενοσ·

χάριν ἀπώσασθαι καὶ φιλοφροσύνην πρὸσ τοῦτο ῥυέντοσ, ῶσπερ οὐκ ἀργυρίτην οὐδὲ δωρίτην ἀγῶνα πολιτείασ ἀγωνιζομένοισ ἀλλ’ ἱερὸν ὡσ ἀληθῶσ καὶ στεφανίτην, ἐπιγραφή τισ ἀρκεῖ καὶ πινάκιον καὶ ψήφισμα καὶ θαλλόσ, ὡσ Ἐπιμενίδησ ἔλαβεν ἐξ ἀκροπόλεωσ καθήρασ τὴν πόλιν.

Ἀναξαγόρασ δὲ τὰσ διδομένασ ἀφεὶσ τιμὰσ ᾐτήσατο τὴν ἡμέραν ἐκείνην, καθ’ ἣν ἂν τελευτήσῃ, τοὺσ παῖδασ ἀφιέναι παίζειν καὶ σχολάζειν ἀπὸ τῶν μαθημάτων.

τοῖσ δὲ τοὺσ μάγουσ ἀνελοῦσιν ἑπτὰ Πέρσαισ ἔδωκαν αὐτοῖσ καὶ τοῖσ ἀπ’ αὐτῶν γενομένοισ εἰσ τοὔμπροσθεν τὰ σκέλη συνάπτοντασ τῇ κεφαλῇ τὴν τιάραν φέρειν· τοῦτο γὰρ ἐποιήσαντο σύμβολον, ὡσ ἐοίκε, χωροῦντεσ ἐπὶ τὴν πρᾶξιν.

ἔχει δέ τι καὶ ἡ τοῦ Πιττακοῦ τιμὴ πολιτικόν·

ἧσ γὰρ ἐκτήσατο χώρασ τοῖσ πολίταισ γῆν ὅσην ἐθέλοι λαβεῖν κελευσθεὶσ ἔλαβε τοσαύτην, ὅσην ἐπῆλθε τὸ ἀκόντιον αὐτοῦ βαλόντοσ·

ὁ δὲ Ῥωμαῖοσ Κόκλησ, ὅσην ἡμέρᾳ μιᾷ χωλὸσ ὢν περιήροσεν. οὐ γὰρ μισθὸν εἶναι δεῖ τῆσ πράξεωσ ἀλλὰ σύμβολον τὴν τιμήν, ἵνα καὶ διαμένῃ πολὺν χρόνον, ὥσπερ ἐκεῖναι διέμειναν. τῶν δὲ Δημητρίου τοῦ Φαληρέωσ τριακοσίων ἀνδριάντων οὐδεὶσ ἔσχεν ἰὸν οὐδὲ πίνον, ἀλλὰ πάντεσ ἔτι ζῶντοσ προανῃρὲθησαν·

τοὺσ δὲ Δημάδου κατεχώνευσαν εἰσ ἀμίδασ·

καὶ πολλαὶ τοιαῦτα τιμαὶ πεπόνθασιν οὐ μοχθηρίᾳ τοῦ λαβόντοσ μόνον ἀλλὰ καὶ μεγέθει τοῦ δοθέντοσ δυσχερανθεῖσαι.

διὸ κάλλιστον καὶ βεβαιότατον εὐτέλεια τιμῆσ φυλακτήριον, αἱ δὲ μεγάλαι καὶ ὑπέρογκοι καὶ βάροσ ἔχουσαι παραπλησίωσ τοῖσ ἀσυμμέτροισ ἀνδριᾶσι ταχὺ περιτρέπονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Praecepta gerendae reipublicae, chapter, section 27

(플루타르코스, Praecepta gerendae reipublicae, chapter, section 27)

상위

목록

SEARCH

MENU NAVIGATION