헬라어 문장 검색 - Πλυταρ́ΜαρξυσΞ́23́

(플루타르코스, Marcus Cato, chapter 23)

ταῦτα δ’ οὐχ, ὡσ ἔνιοι νομίζουσι, Καρνεάδῃ δυσχεράνασ ἔπραξεν, ἀλλ’ ὅλωσ φιλοσοφίᾳ προσκεκρουκὼσ καὶ πᾶσαν Ἑλληνικὴν μοῦσαν καὶ παιδείαν ὑπὸ φιλοτιμίασ προπηλακίζων, ὅσ γε καὶ Σωκράτη φησὶ λάλον καὶ βίαιον γενόμενον ἐπιχειρεῖν τρόπῳ δυνατὸσ ἦν, τυραννεῖν τῆσ πατρίδοσ, καταλύοντα τὰ ἔθη καὶ πρὸσ ἐναντίασ τοῖσ νόμοισ δόξασ ἕλκοντα καὶ μεθιστάντα τοὺσ πολίτασ. τὴν δ’ Ἰσοκράτουσ διατριβὴν ἐπισκώπτων γηρᾶν φησὶ παρ’ αὑτῷ τοὺσ μαθητάσ ὡσ ἐν Αἵδου παρὰ Μίνῳ χρησομένουσ ταῖσ τέχναισ καὶ δίκασ ἐροῦντασ.

τὸν δὲ παῖδα διαβάλλων πρὸσ τὰ Ἑλληνικά φωνῇ κέχρηται θρασυτέρᾳ τοῦ γήρωσ, οἱο͂ν ἀποθεσπίζων καὶ προμαντεύων, ὡσ ἀπολοῦσι Ῥωμαῖοι τὰ πράγματα γραμμάτων Ἑλληνικῶν ἀναπλησθέντεσ. ἀλλὰ ταύτην μὲν αὐτοῦ τὴν δυσφημίαν ὁ χρόνοσ ἀποδείκνυσι κενήν, ἐν ᾧ τοῖσ τε πράγμασιν ἡ πόλισ ἤρθη μεγίστη καὶ πρὸσ Ἑλληνικὰ μαθήματα καὶ παιδείαν ἅπασαν ἔσχεν οἰκείωσ.

ὁ δ’ οὐ μόνον ἀπηχθάνετο τοῖσ φιλοσοφοῦσιν Ἑλλήνων, ἀλλὰ καὶ τοὺσ ἰατρεύοντασ ἐν Ῥώμῃ δι’ ὑποψίασ εἶχε. καὶ τὸν Ἱπποκράτουσ, ὡσ ἐοίκεν, ἀκηκοώσ λόγον, ὃν εἶπε τοῦ μεγάλου βασιλέωσ καλοῦντοσ αὐτὸν ἐπὶ πολλοῖσ τισι ταλάντοισ, οὐκ ἄν ποτε βαρβάροισ Ἑλλήνων πολεμίοισ ἑαυτὸν παρασχεῖν, ἔλεγε κοινὸν ὁρ́κον εἶναι τοῦτον ἰατρῶν ἁπάντων, καὶ παρεκελεύετο φυλάττεσθαι τῷ παιδὶ πάντασ· αὑτῷ δὲ γεγραμμένον ὑπόμνημα εἶναι, καὶ πρὸσ τοῦτο θεραπεύειν καὶ διαιτᾶν τοὺσ νοσοῦντασ οἴκοι, νῆστιν μὲν οὐδέποτε διατηρῶν οὐδένα, τρέφων δὲ λαχάνοισ ἢ σαρκιδίοισ νήσσησ ἢ φάσσησ ἢ λαγώ καὶ γὰρ τοῦτο κοῦφον εἶναι καὶ πρόσφορον ἀσθενοῦσι, πλὴν ὅτι πολλὰ συμβαίνει τοῖσ φαγοῦσιν ἐνυπνιάζεσθαι τοιαύτῃ δὲ θεραπείᾳ καὶ διαίτῃ χρώμενοσ ὑγιαίνειν μὲν αὐτόσ, ὑγιαίνοντασ δὲ τοὺσ ἑαυτοῦ διαφυλάττειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 23

(플루타르코스, Marcus Cato, chapter 23)

상위

목록

SEARCH

MENU NAVIGATION