헬라어 문장 검색 - Πλυταρ́ΜαρξυσΞ́16́

(플루타르코스, Marcus Cato, chapter 16)

τῆσ δ’ ὑπατείασ κατόπιν ἔτεσι δέκα τιμητείαν ὁ Κάτων παρήγγειλε. κορυφὴ δέ τίσ ἐστι τιμῆσ ἁπάσησ ἡ ἀρχὴ καὶ τρόπον τινὰ τῆσ πολιτείασ ἐπιτελείωσισ, ἄλλην τε πολλὴν ἐξουσίαν ἔχουσα καὶ τὴν περὶ τὰ ἤθη καὶ τοὺσ βίουσ ἐξέτασιν. οὔτε γὰρ γάμον οὔτε παιδοποιίαν τινὸσ οὔτε δίαιταν οὔτε συμπόσιον ᾤοντο δεῖν ἄκριτον καὶ ἀνεξέταστον, ὡσ ἕκαστοσ ἐπιθυμίασ ἔχοι καὶ προαιρέσεωσ, ἀφεῖσθαι. πολὺ δὲ μᾶλλον ἐν τούτοισ νομίζοντεσ ἡ ταῖσ ὑπαίθροισ καὶ πολιτικαῖσ πράξεσι τρόπον ἀνδρὸσ ἐνορᾶσθαι, φύλακα καὶ σωφρονιστὴν καὶ κολαστὴν τοῦ μηδένα καθ’ ἡδονὰσ ἐκτρέπεσθαι καὶ παρεκβαίνειν τὸν ἐπιχώριον καὶ συνήθη βίον ᾑροῦντο τῶν καλουμένων πατρικίων ἕνα καὶ τῶν δημοτικῶν ἕνα.

τιμητὰσ δὲ τούτουσ προσηγόρευον, ἐξουσίαν ἔχοντασ ἀφελέσθαι μὲν ἵππον, ἐκβαλεῖν δὲ συγκλήτου τὸν ἀκολάστωσ βιοῦντα καὶ ἀτάκτωσ, οὗτοι δὲ καὶ τὰ τιμήματα τῶν οὐσιῶν λαμβάνοντεσ ἐπεσκόπουν, καὶ ταῖσ ἀπογραφαῖσ τὰ γένη καὶ τὰσ πολιτείασ διέκρινον· ἄλλασ τε μεγάλασ ἔχει δυνάμεισ ἡ ἀρχή.

διὸ καὶ τῷ Κάτωνι πρὸσ τὴν παραγγελίαν ἀπήντησαν ἐνιστάμενοι σχεδὸν οἱ γνωριμώτατοι καὶ πρῶτοι τῶν συγκλητικῶν. τοὺσ μὲν γὰρ εὐπατρίδασ ὁ φθόνοσ ἐλύπει, παντάπασιν οἰομένουσ προπηλακίζεσθαι τὴν εὐγένειαν ἀνθρώπων ἀπ’ ἀρχῆσ ἀδόξων εἰσ τὴν ἄκραν τιμὴν καὶ δύναμιν ἀναβιβαζομένων, οἱ δὲ μοχθηρὰ συνειδότεσ αὑτοῖσ ἐπιτηδεύματα καὶ τῶν πατρίων ἐκδιαίτησιν ἐθῶν ἐφοβοῦντο τὴν αὐστηρίαν τοῦ ἀνδρόσ, ἀπαραίτητον ἐν ἐξουσίᾳ καὶ χαλεπὴν ἐσομένην. διὸ συμφρονήσαντεσ καὶ παρασκευάσαντεσ ἑπτὰ κατῆγον ἐπὶ τὴν παραγγελίαν ἀντιπάλουσ τῷ Κάτωνι, θεραπεύοντασ ἐλπίσι χρησταῖσ τὸ πλῆθοσ, ὡσ δὴ μαλακῶσ καὶ πρὸσ ἡδονὴν ἄρχεσθαι δεόμενον.

τοὐναντίον δ’ ὁ Κάτων οὐδεμίαν ἐνδιδοὺσ ἐπιείκειαν, ἀλλ’ ἄντικρυσ ἀπειλῶν τε τοῖσ πονηροῖσ ἀπὸ τοῦ βήματοσ καὶ κεκραγὼσ μεγάλου καθαρμοῦ χρῄζειν τὴν πόλιν, ἠξίου τοὺσ πολλοὺσ, εἰ σωφρονοῦσι, μὴ τὸν ἥδιστον, ἀλλὰ τὸν σφοδρότατον αἱρεῖσθαι τῶν ἰατρῶν τοῦτον δὲ αὐτὸν εἶναι καὶ τῶν πατρικίων ἕνα Φλάκκον Οὐαλλέριον·

μετ’ ἐκείνου γὰρ οἰέσθαι μόνου τὴν τρυφὴν καὶ τὴν μαλακίαν ὥσπερ ὕδραν τέμνων καὶ ἀποκαίων προὔργου τι ποιήσειν, τῶν δ’ ἄλλων ὁρᾶν ἕκαστον ἄρξαι κακῶσ βιαζόμενον, ὅτι τοὺσ καλῶσ ἄρξοντασ δέδοικεν. οὕτω δ’ ἄρα μέγασ ἦν ὡσ ἀληθῶσ καὶ μεγάλων ἄξιοσ δημαγωγῶν ὁ Ῥωμαίων δῆμοσ, ὥστε μὴ φοβηθῆναι τὴν ἀνάτασιν καὶ τὸν ὄγκον τοῦ ἀνδρόσ, ἀλλὰ τοὺσ ἡδεῖσ ἐκείνουσ καὶ πρὸσ χάριν ἅπαντα ποιήσειν δοκοῦντασ ἀπορρίψασ ἑλέσθαι μετὰ τοῦ Κάτωνοσ τὸν Φλάκκον, ὥσπερ οὐκ αἰτοῦντοσ ἀρχήν, ἀλλ’ ἄρχοντοσ ἤδη καὶ προστάττοντοσ ἀκροώμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 16

(플루타르코스, Marcus Cato, chapter 16)

상위

목록

SEARCH

MENU NAVIGATION