헬라어 문장 검색 - Πλυταρ́ΜαρξυσΞ́04́

(플루타르코스, Marcus Cato, chapter 4)

τῷ δὲ Κάτωνι πολλὴ μὲν ἀπὸ τοῦ λόγου δύναμισ ηὔξητο, καὶ Ῥωμαῖον αὐτὸν οἱ πολλοὶ Δημοσθένην προσηγόρευον, ὁ δὲ βίοσ μᾶλλον ὀνομαστὸσ ἦν αὐτοῦ καὶ περιβόητοσ, ἡ μὲν γὰρ ἐν τῷ λέγειν δεινότησ προὔκειτο τοῖσ νέοισ ἀγώνισμα κοινὸν ἤδη καὶ περισπούδαστον, ὁ δὲ τὴν πάτριον αὐτουργίαν ὑπομένων καὶ δεῖπνον ἀφελὲσ καὶ ἄριστον ἄπυρον καὶ λιτὴν ἐσθῆτα καὶ δημοτικὴν ἀσπαζόμενοσ οἴκησιν καὶ τὸ μὴ δεῖσθαι τῶν περιττῶν μᾶλλον ἢ τὸ κεκτῆσθαι θαυμάζων σπάνιοσ ἦν, ἤδη τότε τῆσ πολιτείασ τὸ καθαρὸν ὑπὸ μεγέθουσ οὐ φυλαττούσησ, ἀλλὰ τῷ κρατεῖν πραγμάτων πολλῶν καὶ ἀνθρώπων πρὸσ πολλὰ μιγνυμένησ ἔθη καὶ βίων παραδείγματα παντοδαπῶν ὑποδεχομένησ. οὐ μόνον ἑώσ ἔτι νέοσ καὶ φιλότιμοσ ἦν, ἀλλὰ καὶ γέροντα καὶ πολιὸν ἤδη μεθ’ ὑπατείαν καὶ θρίαμβον, ὥσπερ ἀθλητὴν νικηφόρον, ἐγκαρτεροῦντα τῇ τάξει τῆσ ἀσκήσεωσ καὶ διομαλίζοντα μέχρι τῆσ τελευτῆσ.

ἐσθῆτα μὲν γὰρ οὐδέποτέ φησι φορέσαι πολυτελεστέραν ἑκατὸν δραχμῶν, πιεῖν δὲ καὶ στρατηγῶν καὶ ὑπατεύων τὸν αὐτὸν οἶνον τοῖσ ἐργάταισ, ὄψον δὲ παρασκευάζεσθαι πρὸσ τὸ δεῖπνον ἐξ ἀγορᾶσ ἀσσαρίων τριάκοντα, καὶ τοῦτο διὰ τὴν πόλιν, ὅπωσ ἰσχύοι τὸ σῶμα πρὸσ τὰσ στρατείασ. ἐπίβλημα δὲ τῶν ποικίλων Βαβυλώνιον ἐκ κληρονομίασ κτησάμενοσ εὐθὺσ ἀποδόσθαι, τῶν δὲ ἐπαύλεων αὐτοῦ μηδεμίαν εἶναι κεκονιαμένην, οὐδένα δὲ πώποτε πρίασθαι δοῦλον ὑπὲρ τὰσ χιλίασ δραχμὰσ καὶ πεντακοσίασ, ὡσ ἂν οὐ τρυφερῶν οὐδ’ ὡραίων, ἀλλ’ ἐργατικῶν καὶ στερεῶν, οἱο͂ν ἱπποκόμων καὶ βοηλατῶν, δεόμενοσ καὶ τούτουσ δὲ πρεσβυτέρουσ γενομένουσ ᾤετο δεῖν ἀποδίδοσθαι καὶ μὴ βόσκειν ἀχρήστουσ.

ὅλωσ δὲ μηδὲν εὐώνον εἶναι τῶν περιττῶν, ἀλλ’ οὗ τισ οὐ δεῖται, κἂν ἀσσαρίου πιπράσκηται, πολλοῦ νομίζειν· κτᾶσθαι δὲ τὰ σπειρόμενα καὶ νεμόμενα μᾶλλον ἢ τὰ ῥαινόμενα καὶ σαιρόμενα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 4

(플루타르코스, Marcus Cato, chapter 4)

상위

목록

SEARCH

MENU NAVIGATION