헬라어 문장 검색 - Πλυταρ́ΔεΠψτηί21́

(플루타르코스, De Pythiae oraculis, section 21)

"ἀλλ’ αὖθισ ἄξιον μέν ἐστι διὰ μακροτέρων εἰπεῖν τι καὶ πυθέσθαι περὶ τούτων, τὰ δὲ νῦν ἐν βραχεῖ μαθόντεσ διαμνημονεύωμεν ὡσ σῶμα μὲν ὀργάνοισ χρῆται πολλοῖσ αὐτῷ δὲ σώματι ψυχὴ καὶ μέρεσι τοῖσ σώματοσ ψυχὴ δ’ ὄργανον θεοῦ γέγονεν ὀργάνου δ’ ἀρετὴ μάλιστα μιμεῖσθαι τὸ χρώμενον ᾗ πέφυκε δυνάμει καὶ παρέχειν τὸ ἔργον αὐτοῦ τοῦ νοήματοσ ἐν αὐτῷ δυναμένη, δεικνύναι δ’ οὐχ οἱο͂ν ἐν τῷ δημιουργῷ καθαρὸν καὶ ἀπαθὲσ καὶ ἀναμάρτητον, ἀλλὰ μεμιγμένον πολλῷ τῷ ἀλλοτρίῳ· "καθ’ ἑαυτὸ γὰρ ἄδηλον ἡμῖν, ἕτερον δὲ καὶ δι’ ἑτέρου φαινόμενον ἀναπίμπλαται τῆσ ἐκείνου φύσεωσ. "καὶ κηρὸν μὲν ἐῶ καὶ χρυσὸν ἄργυρόν τε καὶ χαλκόν, ὅσα τ’ ἄλλα πλαττομένησ οὐσίασ εἴδη δέχεται μὲν ἰδέαν μίαν ἐκτυπουμένησ ὁμοιότητοσ, ἄλλο δ’ ἄλλην ἀφ’ ἑαυτοῦ τῷ μιμήματι διαφορὰν προστίθησι καὶ τὰσ ἐν κατόπτροισ ἐπιπέδοισ τε καὶ κοίλοισ καὶ περιηγέσι φασμάτων καὶ εἰδώλων ἀφ’ ἑνὸσ εἴδουσ μυρίασ παρατυπώσεισ. "καὶ γάρ εἰσι οὐδὲν οὔτε μᾶλλον τὴν ἰδέαν ἐοίκεν οὔτε ὡσ ὄργανον χρῆσθαι φύσει γέγονεν εὐπειθέστερον σελήνησ· "λαμβάνουσα δὲ παρ’ ἡλίου τὸ λαμπρὸν καὶ πυρωπὸν οὐχ ὅμοιον ἀποπέμπει πρὸσ ἡμᾶσ, ἀλλὰ μιχθὲν αὐτῇ καὶ χρόαν μετέβαλε καὶ δύναμιν ἔσχεν ἑτέραν· "ἡ δὲ θερμότησ καὶ παντάπασιν ἐξοίχεται καὶ προλέλοιπε τὸ φῶσ ὑπ’ ἀσθενείασ. "οἶμαι δὲ σὲ γιγνώσκειν τὸ παρ’ Ἡρακλείτῳ λεγόμενον ὡσ ὁ ἄναξ, οὗ τὸ μαντεῖόν ἐστι τὸ ἐν Δελφοῖσ, οὔτε λέγει οὔτε κρύπτει ἀλλὰ σημαίνει. "πρόσλαβε δὲ τούτοισ εὖ λεγομένοισ καὶ νόησον τὸν ἐνταῦθα θεὸν χρώμενον τῇ Πυθίᾳ πρὸσ ἀκοήν, καθὼσ ἥλιοσ χρῆται σελήνῃ πρὸσ ὄψιν· "δείκνυσι μὲν γὰρ καὶ ἀναφαίνει τὰσ αὑτοῦ νοήσεισ, μεμιγμένασ δὲ δείκνυσι διὰ σώματοσ θνητοῦ καὶ ψυχῆσ ἡσυχίαν ἄγειν μὴ δυναμένησ μηδὲ τῷ κινοῦντι παρέχειν ἑαυτὴν ἀκίνητον ἐξ αὑτῆσ καὶ καθεστῶσαν, ἀλλ’ ὥσπερ ἐν σάλῳ ψοφοῦσαν καὶ συμπλεκομένην τοῖσ ἐν αὑτῇ κινήμασι καὶ πάθεσιν ἐπιταράττουσιν αὐτήν. ὡσ γὰρ οἱ δῖνοι τῶν ἅμα κύκλῳ καταφερομένων σωμάτων οὐκ ἐπικρατοῦσι βεβαίωσ, ἀλλὰ κύκλῳ μὲν ὑπ’ ἀνάγκησ φερομένων κάτω δὲ φύσει ῥεπόντων γίγνεταί τισ ἐξ ἀμφοῖν ταραχώδησ καὶ παράφοροσ ἑλιγμόσ, οὕτωσ ὁ καλούμενοσ ἐνθουσιασμὸσ ἐοίκε μῖξισ εἶναι κινήσεων δυοῖν, τὴν μὲν ὡσ πέπονθε τῆσ ψυχῆσ ἅμα τὴν δ’ ὡσ πέφυκε κινουμένησ. "ὅπου γὰρ ἀψύχοισ σώμασι καὶ κατὰ ταὐτὰ μονίμοισ οὐκ ἔστι χρήσασθαι παρ’ ὃ πέφυκε βιαζόμενον, οὐδὲ κινῆσαι σφαιρικῶσ κύλινδρον ἢ κυβικῶσ ἢ λύραν αὐλητικῶσ ἢ σάλπιγγα κιθαριστικῶσ· "ἀλλ’ οὐχ ἕτερον ὡσ ἐοίκε τὸ τεχνικῶσ ἑκάστῳ χρῆσθαι καὶ ὡσ πέφυκεν· "ἦπου τὸ ἔμψυχον καὶ αὐτοκίνητον ὁρμῆσ τε καὶ λόγου μετέχον ἄλλωσ ἄν τισ ἢ κατὰ τὴν ἐν αὐτῷ προϋπάρχουσαν ἕξιν ἢ δύναμιν ἢ φύσιν μεταχειρίσαιτο, μουσικῶσ κινῶν νοῦν ἄμουσον ἢ γραμματικῶσ τὸν ἀγράμματον ἢ λογίωσ τὸν ἐν λόγοισ ἀθεώρητον καὶ ἀνάσκητον; "οὐκ ἔστιν εἰπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De Pythiae oraculis, section 21

(플루타르코스, De Pythiae oraculis, section 21)

상위

목록

SEARCH

MENU NAVIGATION