헬라어 문장 검색 - Πλυταρ́Ξιμον́17́

(플루타르코스, Κίμων, chapter 17)

ἐπεὶ δὲ βοηθήσασ τοῖσ Λακεδαιμονίοισ ἀπῄει διὰ Κορίνθου τὴν στρατιὰν ἄγων, ἐνεκάλει Λάχαρτοσ αὐτῷ πρὶν ἐντυχεῖν τοῖσ πολίταισ εἰσαγαγόντι τὸ στράτευμα· καὶ γὰρ θύραν κόψαντασ ἀλλοτρίαν οὐκ εἰσιέναι πρότερον ἢ τὸν κύριον κελεῦσαι. "ὦ Λάχαρτε, τὰσ Κλεωναίων καὶ Μεγαρέων πύλασ κόψαντεσ, ἀλλὰ κατασχίσαντεσ εἰσεβιάσασθε μετὰ τῶν ὅπλων ἀξιοῦντεσ ἀνεῳγέναι πάντα τοῖσ μεῖζον δυναμένοισ. οὕτω μὲν ἐθρασύνατο πρὸσ τὸν Κορίνθιον ἐν δέοντι, καὶ μετὰ τῆσ στρατιᾶσ διεξῆλθεν. οἱ δὲ Λακεδαιμόνιοι τοὺσ Ἀθηναίουσ αὖθισ ἐκάλουν ἐπὶ τοὺσ ἐν Ἰθώμῃ Μεσσηνίουσ καὶ εἵλωτασ, ἐλθόντων δὲ τὴν τόλμαν καὶ τὴν λαμπρότητα δείσαντεσ ἀπεπέμψαντο μόνουσ τῶν συμμάχων ὡσ νεωτεριστάσ.

οἱ δὲ πρὸσ ὀργὴν ἀπελθόντεσ ἤδη τοῖσ λακωνίζουσι φανερῶσ ἐχαλέπαινον, καὶ τὸν Κίμωνα μικρᾶσ ἐπιλαβόμενοι προφάσεωσ ἐξωστράκισαν εἰσ ἔτη δέκα· τοσοῦτον γὰρ ἦν χρόνου τεταγμένον ἅπασι τοῖσ ἐξοστρακιζομένοισ. ἐν δὲ τούτῳ τῶν Λακεδαιμονίων, ὡσ ἐπανήρχοντο Δελφοὺσ ἀπὸ Φωκέων ἐλευθερώσαντεσ, ἐν Τανάγρᾳ καταστρατοπεδευσάντων Ἀθηναῖοι μὲν ἀπήντων διαμαχούμενοι, Κίμων δὲ μετὰ τῶν ὅπλων ἧκεν εἰσ τὴν αὑτοῦ φυλὴν τὴν Οἰνηί̈δα, πρόθυμοσ ὢν ἀμύνεσθαι τοὺσ Λακεδαιμονίουσ μετὰ τῶν πολιτῶν.

ἡ δὲ βουλὴ τῶν πεντακοσίων πυθομένη καὶ φοβηθεῖσα, τῶν ἐχθρῶν αὐτοῦ καταβοώντων ὡσ συνταράξαι τὴν φάλαγγα βουλομένου καὶ τῇ πόλει Λακεδαιμονίουσ ἐπαγαγεῖν, ἀπηγόρευσε τοῖσ στρατηγοῖσ μὴ δέχεσθαι τὸν ἄνδρα.

κἀκεῖνοσ μὲν ᾤχετο δεηθεὶσ Εὐθίππου τοῦ Ἀναφλυστίου καὶ τῶν ἄλλων ἑταίρων, ὅσοι μάλιστα τὴν τοῦ λακωνίζειν αἰτίαν ἔσχον, ἐρρωμένωσ ἀγωνίσασθαι πρὸσ τοὺσ πολεμίουσ καὶ δι’ ἔργων ἀπολύσασθαι τὴν αἰτίαν πρὸσ τοὺσ πολίτασ. οἱ δὲ λαβόντεσ αὐτοῦ τὴν πανοπλίαν εἰσ τὸν λόχον ἔθεντο·

καὶ μετ’ ἀλλήλων συστάντεσ ἐκθύμωσ ἑκατὸν ὄντεσ ἔπεσον, πολὺν αὑτῶν πόθον καὶ μεταμέλειαν ἐφ’ οἷσ ᾐτιάθησαν ἀδίκωσ ἀπολιπόντεσ τοῖσ Ἀθηναίοισ. ὅθεν οὐδὲ τῷ πρὸσ Κίμωνα θυμῷ πολὺν χρόνον ἐνέμειναν, τὰ μέν, ὡσ εἰκόσ, ὧν ἔπαθον εὖ μεμνημένοι, τὰ δὲ τοῦ καιροῦ συλλαμβανομένου. νενικημένοι γὰρ ἐν Τανάγρᾳ μάχῃ μεγάλῃ καὶ προσδοκῶντεσ εἰσ ὡρ́αν ἔτουσ στρατιὰν Πελοποννησίων ἐπ’ αὐτοὺσ ἐκάλουν ἐκ τῆσ φυγῆσ τὸν Κίμωνα·

καὶ κατῆλθε τὸ ψήφισμα γράψαντοσ αὐτῷ Περικλέουσ. οὕτω τότε πολιτικαὶ μὲν ἦσαν αἱ διαφοραί, μέτριοι δ’ οἱ θυμοὶ καὶ πρὸσ τὸ κοινὸν εὐανάκλητοι συμφέρον, ἡ δὲ φιλοτιμία πάντων ἐπικρατοῦσα τῶν παθῶν τοῖσ τῆσ πατρίδοσ ὑπεχώρει καιροῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 17

(플루타르코스, Κίμων, chapter 17)

상위

목록

SEARCH

MENU NAVIGATION