Plutarch, Κίμων, chapter 13 1:

τῶν δὲ πεζῶν ἐπικαταβάντων πρὸσ τὴν θάλασσαν μέγα μὲν ἔργον ἐφαίνετο τῷ Κίμωνι τὸ βιάζεσθαι τὴν ἀπόβασιν καὶ κεκμηκότασ ἀκμῆσι καὶ πολλαπλασίοισ ἐπάγειν τοὺσ Ἕλληνασ, ὅμωσ δὲ ῥώμῃ καὶ φρονήματι τοῦ κρατεῖν ὁρῶν ἐπηρμένουσ καὶ προθύμουσ ὁμόσε χωρεῖν τοῖσ βαρβάροισ, ἀπεβίβαζε τοὺσ ὁπλίτασ ἔτι θερμοὺσ τῷ κατὰ τὴν ναυμαχίαν ἀγῶνι μετὰ κραυγῆσ καὶ δρόμου προσφερομένουσ.