헬라어 문장 검색 - Πλυταρ́Ξιμον́13́

(플루타르코스, Κίμων, chapter 13)

τῶν δὲ πεζῶν ἐπικαταβάντων πρὸσ τὴν θάλασσαν μέγα μὲν ἔργον ἐφαίνετο τῷ Κίμωνι τὸ βιάζεσθαι τὴν ἀπόβασιν καὶ κεκμηκότασ ἀκμῆσι καὶ πολλαπλασίοισ ἐπάγειν τοὺσ Ἕλληνασ, ὅμωσ δὲ ῥώμῃ καὶ φρονήματι τοῦ κρατεῖν ὁρῶν ἐπηρμένουσ καὶ προθύμουσ ὁμόσε χωρεῖν τοῖσ βαρβάροισ, ἀπεβίβαζε τοὺσ ὁπλίτασ ἔτι θερμοὺσ τῷ κατὰ τὴν ναυμαχίαν ἀγῶνι μετὰ κραυγῆσ καὶ δρόμου προσφερομένουσ. ὑποστάντων δὲ τῶν Περσῶν καὶ δεξαμένων οὐκ ἀγεννῶσ κρατερὰ μάχη συνέστη·

καὶ τῶν Ἀθηναίων ἄνδρεσ ἀγαθοὶ καὶ τοῖσ ἀξιώμασι πρῶτοι καὶ διαπρεπεῖσ ἔπεσον. πολλῷ δ’ ἀγῶνι τρεψάμενοι τοὺσ βαρβάρουσ ἔκτεινον, εἶτα ᾕρουν αὐτούσ τε καὶ σκηνὰσ παντοδαπῶν χρημάτων γεμούσασ. Κίμων δ’ ὥσπερ ἀθλητὴσ δεινὸσ ἡμέρᾳ μιᾷ δύο καθῃρηκὼσ ἀγωνίσματα, καὶ τὸ μὲν ἐν Σαλαμῖνι πεζομαχίᾳ, τὸ δ’ ἐν Πλαταιαῖσ ναυμαχίᾳ παρεληλυθὼσ τρόπαιον, ἐπηγωνίσατο ταῖσ νίκαισ, καὶ τὰσ ὀγδοήκοντα Φοινίσσασ τριήρεισ, αἳ τῆσ μάχησ ἀπελείφθησαν, Ὕδρῳ προσβεβληκέναι πυθόμενοσ διὰ τάχουσ ἔπλευσεν, οὐδὲν εἰδότων βέβαιον οὔπω περὶ τῆσ μείζονοσ δυνάμεωσ τῶν στρατηγῶν, ἀλλὰ δυσπίστωσ ἔτι καὶ μετεώρωσ ἐχόντων·

ᾗ καὶ μᾶλλον ἐκπλαγέντεσ ἀπώλεσαν τὰσ ναῦσ ἁπάσασ, καὶ τῶν ἀνδρῶν οἱ πλεῖστοι συνδιεφθάρησαν.

τοῦτο τὸ ἔργον οὕτωσ ἐταπείνωσε τὴν γνώμην τοῦ βασιλέωσ, ὥστε συνθέσθαι τὴν περιβόητον εἰρήνην ἐκείνην, ἵππου μὲν δρόμον ἀεὶ τῆσ Ἑλληνικῆσ ἀπέχειν θαλάσσησ, ἔνδον δὲ Κυανέων καὶ Χελιδονίων μακρᾷ νηὶ̈ καὶ χαλκεμβόλῳ μὴ πλέειν. καίτοι Καλλισθένησ οὔ φησι ταῦτα συνθέσθαι τὸν βάρβαρον, ἔργῳ δὲ ποιεῖν διὰ φόβον τῆσ ἥττησ ἐκείνησ, καὶ μακρὰν οὕτωσ ἀποστῆναι τῆσ Ἑλλάδοσ, ὥστε πεντήκοντα ναυσὶ Περικλέα καὶ τριάκοντα μόναισ Ἐφιάλτην ἐπέκεινα πλεῦσαι Χελιδονίων καὶ μηδὲν αὐτοῖσ ναυτικὸν ἀπαντῆσαι παρὰ τῶν βαρβάρων.

ἐν δὲ τοῖσ ψηφίσμασιν, ἃ συνήγαγε Κρατερόσ, ἀντίγραφα συνθηκῶν ὡσ γενομένων κατατέτακται.

φασὶ δὲ καὶ βωμὸν εἰρήνησ διὰ ταῦτα τοὺσ Ἀθηναίουσ ἱδρύσασθαι, καὶ Καλλίαν τὸν πρεσβεύσαντα τιμῆσι διαφερόντωσ. πραθέντων δὲ τῶν αἰχμαλώτων λαφύρων εἴσ τε τὰ ἄλλα χρήμασιν ὁ δῆμοσ ἐρρώσθη, καὶ τῇ ἀκροπόλει τὸ νότιον τεῖχοσ κατεσκεύασεν ἀπ’ ἐκείνησ εὐπορήσασ τῆσ στρατείασ. λέγεται δὲ καὶ τῶν μακρῶν τειχῶν, ἃ σκέλη καλοῦσι, συντελεσθῆναι μὲν ὕστερον τὴν οἰκοδομίαν, τὴν δὲ πρώτην θεμελίωσιν εἰσ τόπουσ ἑλώδεισ καὶ διαβρόχουσ τῶν ἔργων ἐμπεσόντων ἐρεισθῆναι διὰ Κίμωνοσ ἀσφαλῶσ, χάλικι πολλῇ καὶ λίθοισ βαρέσι τῶν ἑλῶν πιεσθέντων, ἐκείνου χρήματα πορίζοντοσ καὶ διδόντοσ.

πρῶτοσ δὲ ταῖσ λεγομέναισ ἐλευθερίοισ καὶ γλαφυραῖσ διατριβαῖσ, αἳ μικρὸν ὕστερον ὑπερφυῶσ ἠγαπήθησαν, ἐκαλλώπισε τὸ ἄστυ, τὴν μὲν ἀγορὰν πλατάνοισ καταφυτεύσασ, τὴν δ’ Ἀκαδήμειαν ἐξ ἀνύδρου καὶ αὐχμηρᾶσ κατάρρυτον ἀποδείξασ ἄλσοσ ἠσκημένον ὑπ’ αὐτοῦ δρόμοισ καθαροῖσ καὶ συσκίοισ περιπάτοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 13

(플루타르코스, Κίμων, chapter 13)

상위

목록

SEARCH

MENU NAVIGATION