Plutarch, Κίμων, chapter 12 3:

ἐπιπλεύσασ δὲ τῇ πόλει τῶν Φασηλιτῶν, Ἑλλήνων μὲν ὄντων, οὐ δεχομένων δὲ τὸν στόλον οὐδὲ βουλομένων ἀφίστασθαι βασιλέωσ, τήν τε χώραν κακῶσ ἐποίει καὶ προσέβαλλε τοῖσ τείχεσιν. οἱ δὲ Χῖοι συμπλέοντεσ αὐτῷ, πρὸσ δὲ τοὺσ Φασηλίτασ ἐκ παλαιοῦ φιλικῶσ ἔχοντεσ, ἅμα μὲν τὸν Κίμωνα κατεπράϋνον, ἅμα δὲ τοξεύοντεσ ὑπὲρ τὰ τείχη βιβλίδια προσκείμενα τοῖσ ὀϊστοῖσ ἐξήγγελλον τοῖσ Φασηλίταισ.