Plutarch, Κίμων, chapter 12 1:

καὶ μὴν αὐτοῦ γε τοῦ μεγάλου βασιλέωσ οὐδεὶσ ἐταπείνωσε καὶ συνέστειλε τὸ φρόνημα μᾶλλον ἢ Κίμων. οὐ γὰρ ἀνῆκεν ἐκ τῆσ Ἑλλάδοσ ἀπηλλαγμένον, ἀλλ’ ὥσπερ ἐκ ποδὸσ διώκων, πρὶν διαπνεῦσαι καὶ στῆναι τοὺσ βαρβάρουσ, τὰ μὲν ἐπόρθει καὶ κατεστρέφετο, τὰ δὲ ἀφίστη καὶ προσήγετο τοῖσ Ἕλλησιν, ὥστε τὴν ἀπ’ Ιὠνίασ Ἀσίαν ἄχρι Παμφυλίασ παντάπασι Περσικῶν ὅπλων ἐρημῶσαι.