헬라어 문장 검색 - Πλυταρ́Ξιμον́07́

(플루타르코스, Κίμων, chapter 7)

Κίμων δέ, τῶν συμμάχων ἤδη προσκεχωρηκότων αὐτῷ, στρατηγὸσ εἰσ Θρᾴκην ἔπλευσε, πυνθανόμενοσ Περσῶν ἄνδρασ ἐνδόξουσ καὶ συγγενεῖσ βασιλέωσ Ηἰ̈όνα πόλιν παρὰ τῷ Στρυμόνι κειμένην ποταμῷ κατέχοντασ ἐνοχλεῖν τοῖσ περὶ τὸν τόπον ἐκεῖνον Ἕλλησι. πρῶτον μὲν οὖν αὐτοὺσ μάχῃ τοὺσ Πέρσασ ἐνίκησε καὶ κατέκλεισεν εἰσ τὴν πόλιν·

ἔπειτα τοὺσ ὑπὲρ Στρυμόνα Θρᾷκασ, ὅθεν αὐτοῖσ ἐφοίτα σῖτοσ, ἀναστάτουσ ποιῶν καὶ τὴν χώραν παραφυλάττων ἅπασαν εἰσ τοσαύτην ἀπορίαν τοὺσ πολιορκουμένουσ κατέστησεν, ὥστε Βούτην τὸν βασιλέωσ στρατηγὸν ἀπογνόντα τὰ πράγματα τῇ πόλει πῦρ ἐνεῖναι καὶ συνδιαφθεῖραι μετὰ τῶν φίλων καὶ τῶν χρημάτων ἑαυτόν. οὕτω δὲ λαβὼν τὴν πόλιν ἄλλο μὲν οὐδὲν ἀξιόλογον ὠφελήθη, τῶν πλείστων τοῖσ βαρβάροισ συγκατακαέντων, τὴν δὲ χώραν εὐφυεστάτην οὖσαν καὶ καλλίστην οἰκῆσαι παρέδωκε τοῖσ Ἀθηναίοισ.

καὶ τοὺσ Ἑρμᾶσ αὐτῷ τοὺσ λιθίνουσ ὁ δῆμοσ ἀναθεῖναι συνεχώρησεν, ὧν ἐπιγέγραπται τῷ μὲν πρώτῳ· ἦν ἄρα κἀκεῖνοι ταλακάρδιοι, οἵ ποτε Μήδων παισὶν ἐπ’ Ηἰ̈όνι, Στρυμόνοσ ἀμφὶ ῥοάσ, λιμόν τ’ αἴθωνα κρυερόν τ’ ἐπάγοντεσ Ἄρηα πρῶτοι δυσμενέων εὑρ͂ον ἀμηχανίην.

τῷ δὲ δευτέρῳ· ἡγεμόνεσσι δὲ μισθὸν Ἀθηναῖοι τάδ’ ἔδωκαν ἀντ’ εὐεργεσίησ καὶ μεγάλων ἀγαθῶν. μᾶλλόν τισ τάδ’ ἰδὼν καὶ ἐπεσσομένων ἐθελήσει ἀμφὶ περὶ ξυνοῖσ πράγμασι δῆριν ἔχειν. τῷ δὲ τρίτῳ·

ἔκ ποτε τῆσδε πόληοσ ἅμ’ Ἀτρείδῃσι Μενεσθεὺσ ἡγεῖτο ζάθεον Τρωϊκὸν ἐσ πεδίον· ὅν ποθ’ Ὅμηροσ ἔφη Δαναῶν πύκα θωρηκτάων κοσμητῆρα μάχησ ἔξοχον ὄντα μολεῖν. οὕτωσ οὐδὲν ἀεικὲσ Ἀθηναίοισι καλεῖσθαι κοσμηταῖσ πολέμου τ’ ἀμφὶ καὶ ἠνορέησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 7

(플루타르코스, Κίμων, chapter 7)

상위

목록

SEARCH

MENU NAVIGATION