Plutarch, Κίμων, chapter 1 6:

τὸν δὲ Δάμωνα λῃστείαισ καὶ καταδρομαῖσ πορθοῦντα τὴν χώραν καὶ τῇ πόλει προσκείμενον ὑπηγάγοντο πρεσβείαισ καὶ ψηφίσμασι φιλανθρώποισ οἱ πολῖται, κατελθόντα δὲ γυμνασίαρχον κατέστησαν· εἶτ’ ἀλειφόμενον ἐν τῷ πυριατηρίῳ διέφθειραν. ἐπὶ πολὺν δὲ χρόνον εἰδώλων τινῶν ἐν τῷ τόπῳ προφαινομένων καὶ στεναγμῶν ἐξακουομένων, ὡσ οἱ πατέρεσ ἡμῶν λέγουσι, τὰσ θύρασ ἀνῳκοδόμησαν τοῦ πυριατηρίου· καὶ μέχρι νῦν οἱ τῷ τόπῳ γειτνιῶντεσ οἰόνταί τινασ ὄψεισ καὶ φωνὰσ ταραχώδεισ φέρεσθαι.