헬라어 문장 검색 - Πλυταρ́Ξιμον́01́

(플루타르코스, Κίμων, chapter 1)

Περιπόλτασ ὁ μάντισ ἐκ Θετταλίασ εἰσ Βοιωτίαν Ὀφέλταν τὸν βασιλέα καὶ τοὺσ ὑπ’ αὐτῷ λαοὺσ καταγαγὼν γένοσ εὐδοκιμῆσαν ἐπὶ πολλοὺσ χρόνουσ κατέλιπεν, οὗ τὸ πλεῖστον ἐν Χαιρωνείᾳ κατῴκησεν, ἣν πρώτην πόλιν ἔσχον ἐξελάσαντεσ τοὺσ βαρβάρουσ. οἱ μὲν οὖν πλεῖστοι τῶν ἀπὸ τοῦ γένουσ φύσει μάχιμοι καὶ ἀνδρώδεισ γενόμενοι καταναλώθησαν ἐν ταῖσ Μηδικαῖσ ἐπιδρομαῖσ καὶ τοῖσ Γαλατικοῖσ ἀγῶσιν ἀφειδήσαντεσ ἑαυτῶν· λείπεται δὲ παῖσ ὀρφανὸσ γονέων, ὄνομα Δάμων, παρωνύμιον δὲ Περιπόλτασ, πολὺ δή τι καὶ σώματοσ κάλλει καὶ ψυχῆσ φρονήματι τοὺσ καθ’ αὑτὸν ὑπεραίρων νέουσ, ἄλλωσ δ’ ἀπαίδευτοσ καὶ σκληρὸσ τὸ ἦθοσ. τούτου Ῥωμαῖοσ ἡγεμὼν σπείρασ τινὸσ ἐν Χαιρωνείᾳ διαχειμαζούσησ ἐρασθεὶσ ἄρτι τὴν παιδικὴν ἡλικίαν παρηλλαχότοσ, ὡσ οὐκ ἔπειθε πειρῶν καὶ διδούσ, δῆλοσ ἦν οὐκ ἀφεξόμενοσ βίασ, ἅτε δὴ καὶ τῆσ πατρίδοσ ἡμῶν τότε λυπρὰ πραττούσησ καὶ διὰ μικρότητα καὶ πενίαν παρορωμένησ.

καὶ τὴν πεῖραν αὐτὴν δι’ ὀργῆσ πεποιημένοσ, ἐπεβούλευε τῷ ἀνδρὶ καὶ συνίστη τῶν ἡλικιωτῶν τινασ ἐπ’ αὐτόν, οὐ πολλοὺσ ἕνεκα τοῦ λαθεῖν, ἀλλ’ οἱ σύμπαντεσ ἑκκαίδεκα γενόμενοι χρίονται μὲν αἰθάλῳ τὰ πρόσωπα νυκτόσ, ἐμπιόντεσ δὲ ἄκρατον ἅμ’ ἡμέρᾳ προσπίπτουσι τῷ Ῥωμαίῳ κατ’ ἀγορὰν θύοντι, καὶ καταβαλόντεσ αὐτόν τε καὶ τῶν περὶ αὐτὸν οὐκ ὀλίγουσ ἐκ τῆσ πόλεωσ μετέστησαν.

γενομένησ δὲ ταραχῆσ ἡ τῶν Χαιρωνέων βουλὴ συνελθοῦσα θάνατον αὐτῶν κατέγνω·

καὶ τοῦτο ἦν ὑπὲρ τῆσ πόλεωσ ἀπολόγημα πρὸσ τοὺσ Ῥωμαίουσ. ἑσπέρασ δὲ τῶν ἀρχόντων, ὥσπερ ἔθοσ ἐστί, κοινῇ δειπνούντων οἱ περὶ τὸν Δάμωνα παρεισπεσόντεσ εἰσ τὸ ἀρχεῖον ἀπέσφαξαν αὐτοὺσ καὶ πάλιν ᾤχοντο φεύγοντεσ ἐκ τῆσ πόλεωσ. ἔτυχε δὲ περὶ τὰσ ἡμέρασ ἐκείνασ Λεύκιοσ Λούκουλλοσ ἐπί τινα πρᾶξιν μετὰ δυνάμεωσ παρερχόμενοσ.

ἐπιστήσασ δὲ τὴν πορείαν καὶ τῶν γεγονότων προσφάτων ὄντων ἐξέτασιν ποιησάμενοσ εὑρ͂ε τὴν πόλιν οὐδενὸσ αἰτίαν, ἀλλὰ μᾶλλον συνηδικημένην· καὶ τοὺσ στρατιώτασ ἀναλαβὼν ἀπήγαγε μεθ’ ἑαυτοῦ. τὸν δὲ Δάμωνα λῃστείαισ καὶ καταδρομαῖσ πορθοῦντα τὴν χώραν καὶ τῇ πόλει προσκείμενον ὑπηγάγοντο πρεσβείαισ καὶ ψηφίσμασι φιλανθρώποισ οἱ πολῖται, κατελθόντα δὲ γυμνασίαρχον κατέστησαν·

εἶτ’ ἀλειφόμενον ἐν τῷ πυριατηρίῳ διέφθειραν. ἐπὶ πολὺν δὲ χρόνον εἰδώλων τινῶν ἐν τῷ τόπῳ προφαινομένων καὶ στεναγμῶν ἐξακουομένων, ὡσ οἱ πατέρεσ ἡμῶν λέγουσι, τὰσ θύρασ ἀνῳκοδόμησαν τοῦ πυριατηρίου· καὶ μέχρι νῦν οἱ τῷ τόπῳ γειτνιῶντεσ οἰόνταί τινασ ὄψεισ καὶ φωνὰσ ταραχώδεισ φέρεσθαι. τοὺσ δ’ ἀπὸ τοῦ γένουσ αὐτοῦ διασώζονται γὰρ ἔνιοι, μάλιστα τῆσ Φωκίδοσ περὶ Στεῖριν, αἰολίζοντεσ ἀσβολωμένουσ καλοῦσι διὰ τὸ τὸν Δάμωνα πρὸσ τὸν φόνον ἀσβόλῳ χρισάμενον ἐξελθεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Κίμων, chapter 1

(플루타르코스, Κίμων, chapter 1)

상위

목록

SEARCH

MENU NAVIGATION