헬라어 문장 검색 - Πλυταρ́ΞαιυσΓρ́14́

(플루타르코스, Caius Gracchus, chapter 14)

καὶ τότε μὲν ὄμβρου γενομένου διελύθησαν ἅμα δὲ ἡμέρᾳ τὴν μὲν βουλὴν ὁ ὕπατοσ συναγαγὼν ἔνδον ἐχρημάτιζεν, ἕτεροι δὲ τὸ τοῦ Ἀντυλλίου σῶμα γυμνὸν ἐπὶ κλίνησ προθέμενοι δι’ ἀγορᾶσ παρὰ τὸ βουλευτήριον ἐπίτηδεσ παρεκόμιζον, οἰμωγῇ χρώμενοι καὶ θρήνῳ, γιγνώσκοντοσ μὲν τοῦ Ὀπιμίου τὰ πραττόμενα, προσποιουμένου δὲ θαυμάζειν, ὥστε καὶ τοὺσ βουλευτὰσ προελθεῖν. κατατεθείσησ δὲ τῆσ κλίνησ εἰσ μέσον οἱ μὲν ἐσχετλίαζον ὡσ ἐπὶ δεινῷ καὶ μεγάλῳ πάθει, τοῖσ δὲ πολλοῖσ ἐπῄει μισεῖν καὶ προβάλλεσθαι τοὺσ ὀλιγαρχικούσ, ὡσ Τιβέριον μὲν Γράγχον ἐν Καπετωλίῳ φονεύσαντεσ αὐτοὶ δήμαρχον ὄντα καὶ τὸν νεκρὸν προσεξέβαλον, ὁ δ’ ὑπηρέτησ Ἀντύλλιοσ, οὐ δίκαια μὲν ἴσωσ πεπονθώσ, τὴν δὲ πλείστην αἰτίαν εἰσ τὸ παθεῖν αὑτῷ παρασχών, ἐν ἀγορᾷ πρόκειται, καὶ περιέστηκεν ἡ Ῥωμαίων βουλή θρηνοῦσα καὶ συνεκκομίζουσα μισθωτὸν ἄνθρωπον, ἐπὶ τῷ τὸν ἔτι λειπόμενον ἀνελεῖν τῶν τοῦ δήμου κηδομένων.

ἐκ τούτου πάλιν εἰσ τὸ βουλευτήριον ἀπελθόντεσ ἐψηφίσαντο καὶ προσέταξαν Ὀπιμίῳ τῷ ὑπάτῳ σῴζειν τὴν πόλιν ὅπωσ δύναιτο, καὶ καταλύειν τοὺσ τυράννουσ.

ἐκείνου δὲ προειπόντοσ ἐπὶ τὰ ὅπλα χωρεῖν τοὺσ συγκλητικούσ, καὶ τῶν ἱππέων ἑκάστῳ παράγγελμα δόντοσ ἄγειν ἑώθεν οἰκέτασ δύο καθωπλισμένουσ, ὁ μὲν Φούλβιοσ ἀντιπαρεσκευάζετο καὶ συνῆγεν ὄχλον, ὁ δὲ Γάιοσ ἐκ τῆσ ἀγορᾶσ ἀπερχόμενοσ ἔστη κατὰ τὸν τοῦ πατρὸσ ἀνδριάντα, καὶ πολὺν χρόνον ἐμβλέψασ εἰσ αὐτὸν οὐδὲν ἐφθέγξατο, δακρύσασ δὲ καὶ στενάξασ ἀπῄει.

τοῦτο πολλοῖσ τῶν ἰδόντων οἰκτεῖραι τὸν Γάιον ἐπῆλθε·

καὶ κακίσαντεσ αὑτοὺσ ὡσ ἐγκαταλείποντεσ τὸν ἄνδρα καὶ προδιδόντεσ ἧκον ἐπὶ τὴν οἰκίαν καὶ παρενυκτέρευον ἐπὶ τῶν θυρῶν, οὐχ ὁμοίωσ τοῖσ τὸν Φούλβιον φυλάττουσιν. ἐκεῖνοι μὲν γὰρ ἐν κρότοισ καὶ ἀλαλαγμοῖσ πίνοντεσ καὶ θρασυνόμενοι διετέλεσαν, αὐτοῦ τοῦ Φουλβίου πρώτου μεθυσκομένου καὶ πολλὰ φορτικῶσ παρ’ ἡλικίαν φθεγγομένου καὶ πράττοντοσ· οἱ δὲ περὶ τὸν Γάϊον, ὡσ ἐπὶ συμφορᾷ κοινῇ τῆσ πατρίδοσ ἡσυχίαν ἄγοντεσ καὶ περισκοπούμενοι τὸ μέλλον, ἐν μέρει φυλάττοντεσ καὶ ἀναπαυόμενοι διῆγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 14

(플루타르코스, Caius Gracchus, chapter 14)

상위

목록

SEARCH

MENU NAVIGATION