헬라어 문장 검색 - Πλυταρ́Αεμιλιύ36́

(플루타르코스, Aemilius Paulus, chapter 36)

οὐ μὴν ἀλλ’ ὁ Αἰμίλιοσ ὀρθῶσ λογιζόμενοσ ἀνδρείασ καὶ θαρραλεότητοσ ἀνθρώποισ οὐ πρὸσ ὅπλα καὶ σαρίσασ χρῆσιν εἶναι μόνον, ἀλλὰ πρὸσ πᾶσαν ὁμαλῶσ τύχησ ἀντίστασιν, οὕτωσ ἡρμόσατο καὶ κατεκόσμησε τὴν τῶν παρόντων σύγκρασιν ὥστε τοῖσ ἀγαθοῖσ τὰ φαῦλα καὶ τὰ οἰκεῖα τοῖσ δημοσίοισ ἐναφανισθέντα μὴ ταπεινῶσαι τὸ μέγεθοσ μηδὲ καθυβρίσαι τὸ ἀξίωμα τῆσ νίκησ, τὸν μέν γε πρότερον τῶν παίδων ἀποθανόντα θάψασ εὐθὺσ ἐθριάμβευσεν, ὡσ λέλεκται· τοῦ δὲ δευτέρου μετὰ τὸν θρίαμβον τελευτήσαντοσ συναγαγὼν εἰσ ἐκκλησίαν τὸν Ῥωμαίων δῆμον ἐχρήσατο λόγοισ ἀνδρὸσ οὐ δεομένου παραμυθίασ, ἀλλὰ παραμυθουμένου τοὺσ πολίτασ δυσπαθοῦντασ ἐφ’ οἷσ ἐκεῖνοσ ἐδυστύχησεν.

ἔφη γάρ ὅτι τῶν ἀνθρωπίνων οὐδὲν οὐδέποτε δείσασ, τῶν δὲ θείων ὡσ ἀπιστότατον καὶ ποικιλώτατον πρᾶγμα τὴν τύχην ἀεὶ φοβηθείσ, μάλιστα περὶ τοῦτον αὐτῆσ τὸν πόλεμον, ὥσπερ πνεύματοσ λαμπροῦ, ταῖσ πράξεσι παρούσησ, διατελοίη μεταβολήν τινα καὶ παλίρροιαν προσδεχόμενοσ. "ἡμέρᾳ τὸν Ιὄνιον ἀπὸ Βρεντεσίου περάσασ εἰσ Κέρκυραν κατήχθην πεμπταῖοσ δ’ ἐκεῖθεν ἐν Δελφοῖσ τῷ θεῷ θύσασ, ἑτέραισ αὖθισ αὖ πέντε τὴν δύναμιν ἐν Μακεδονίᾳ παρέλαβον, καὶ τὸν εἰωθότα συντελέσασ καθαρμὸν αὐτῆσ καὶ τῶν πράξεων εὐθὺσ ἐναρξάμενοσ ἐν ἡμέραισ ἄλλαισ πεντεκαίδεκα τὸ κάλλιστον ἐπέθηκα τῷ πολέμῳ τέλοσ, ἀπιστῶν δὲ τῇ Τύχῃ διὰ τὴν εὔροιαν τῶν πραγμάτων, ὡσ ἄδεια πολλὴ καὶ κίνδυνοσ οὐδεὶσ ἦν ἀπὸ τῶν πολεμίων, μάλιστα κατὰ πλοῦν ἐδεδίειν τὴν μεταβολὴν τοῦ δαίμονοσ ἐπ’ εὐτυχίᾳ, τοσοῦτον στρατὸν νενικηκότα καὶ λάφυρα καὶ βασιλεῖσ αἰχμαλώτουσ κομίζων, οὐ μὴν ἀλλὰ καὶ σωθεὶσ πρὸσ ὑμᾶσ καὶ τὴν πόλιν ὁρῶν εὐφροσύνησ καὶ ζήλου καὶ θυσιῶν γέμουσαν, ἔτι τὴν Τύχην δι’ ὑποψίασ εἶχον, εἰδὼσ οὐδὲν εἰλικρινὲσ οὐδ’ ἀνεμέσητον ἀνθρώποισ τῶν μεγάλων χαριζομένην.

"καὶ τοῦτον οὐ πρότερον ἡ ψυχὴ τὸν φόβον ὠδίνουσα καὶ περισκοπουμένη τό μέλλον ὑπὲρ τῆσ πόλεωσ ἀφῆκεν ἢ τηλικαύτῃ με προσπταῖσαι δυστυχίᾳ περὶ τὸν οἶκον, υἱῶν ἀρίστων, οὓσ ἐμαυτῷ μόνουσ ἐλιπόμην διαδόχουσ, ταφὰσ ἐπαλλήλουσ ἐν ἡμέραισ ἱεραῖσ μεταχειρισάμενον. "νῦν οὖν ἀκίνδυνόσ εἰμι τὰ μέγιστα καὶ θαρρῶ, καὶ νομίζω τὴν Τύχην ὑμῖν παραμενεῖν ἀβλαβῆ καὶ βέβαιον, ἱκανῶσ γὰρ ἐμοὶ καὶ τοῖσ ἐμοῖσ κακοῖσ εἰσ τὴν τῶν κατωρθωμένων ἀποκέχρηται νέμεσιν, οὐκ ἀφανέστερον ἔχουσα παράδειγμα τῆσ ἀνθρωπίνησ ἀσθενείασ τοῦ θριαμβευομένου τὸν θριαμβεύοντα πλὴν ὅτι Περσεὺσ μὲν ἔχει καὶ νενικημένοσ τοὺσ παῖδασ, Αἰμίλιοσ δὲ τοὺσ αὑτοῦ νικήσασ ἀπέβαλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 36

(플루타르코스, Aemilius Paulus, chapter 36)

상위

목록

SEARCH

MENU NAVIGATION