Plutarch, Aemilius Paulus, chapter 34

(플루타르코스, Aemilius Paulus, chapter 34)

αὐτὸσ δὲ τῶν τέκνων ὁ Περσεὺσ καὶ τῆσ περὶ αὐτὰ θεραπείασ κατόπιν ἐπορεύετο, φαιὸν μὲν ἱμάτιον ἀμπεχόμενοσ καὶ κρηπῖδασ ἔχων ἐπιχωρίουσ, ὑπὸ δὲ μεγέθουσ τῶν κακῶν πάντα θαμβοῦντι καὶ παραπεπληγμένῳ μάλιστα τὸν λογισμὸν ἐοικώσ. καὶ τούτῳ δ’ εἵπετο χορὸσ φίλων καὶ συνήθων, βεβαρημένων τὰ πρόσωπα πένθει, καὶ τῷ πρὸσ Περσέα βλέπειν ἀεὶ καὶ δακρύειν ἔννοιαν παριστάντων τοῖσ θεωμένοισ ὅτι τὴν ἐκείνου τύχην ὀλοφύρονται τῶν καθ’ ἑαυτοὺσ ἐλάχιστα φροντίζοντεσ. καίτοι προσέπεμψε τῷ Αἰμιλίῳ δεόμενοσ μὴ πομπευθῆναι καὶ παραιτούμενοσ τὸν θρίαμβον.

"καὶ πρότερον ἦν ἐπ’ αὐτῷ καὶ νῦν ἐστιν, ἂν βούληται· δηλῶν τὸν πρὸ αἰσχύνησ θάνατον, ὃν οὐχ ὑπομείνασ ὁ δείλαιοσ, ἀλλ’ ὑπ’ ἐλπίδων τινῶν ἀπομαλακισθείσ ἐγεγόνει μέροσ τῶν αὑτοῦ λαφύρων. ἐφεξῆσ δὲ τούτοισ ἐκομίζοντο χρυσοῖ στέφανοι τετρακόσιοι τὸ πλῆθοσ, οὓσ αἱ πόλεισ ἀριστεῖα τῆσ νίκησ τῷ Αἰμιλίῳ μετὰ πρεσβειῶν ἔπεμψαν.

ἐδαφνηφόρει δὲ καὶ σύμπασ ὁ στρατόσ, τῷ μὲν ἁρ́ματι τοῦ στρατηγοῦ κατὰ λόχουσ καὶ τάξεισ ἑπόμενοσ, ᾄδων δὲ τὰ μὲν ᾠδάσ τινασ πατρίουσ ἀναμεμιγμένασ γέλωτι, τὰ δὲ παιᾶνασ ἐπινικίουσ καὶ τῶν διαπεπραγμένων ἐπαίνουσ εἰσ τὸν Αἰμίλιον περίβλεπτον ὄντα καὶ ζηλωτὸν ὑπὸ πάντων, οὐδενὶ δὲ τῶν ἀγαθῶν ἐπίφθονον πλὴν εἴ τι δαιμόνιον ἄρα τῶν μεγάλων καὶ ὑπερόγκων εἴληχεν εὐτυχιῶν ἀπαρύτειν καὶ μιγνύναι τὸν ἀνθρώπινον βίον, ὅπωσ μηδενὶ κακῶν ἄκρατοσ εἰή καὶ καθαρόσ, ἀλλὰ καθ’ Ὅμηρον ἄριστα δοκῶσι πράττειν οἷσ αἱ τύχαι τροπὴν ἐπ’ ἀμφότερα τῶν πραγμάτων ἔχουσιν.

일치하는 문장이 없습니다.

SEARCH

MENU NAVIGATION