헬라어 문장 검색 - Πλυταρ́Αεμιλιύ29́

(플루타르코스, Aemilius Paulus, chapter 29)

διῳκημένων δὲ πάντων αὐτῷ καλῶσ ἀσπασάμενοσ τοὺσ Ἕλληνασ, καὶ παρακαλέσασ τοὺσ Μακεδόνασ μεμνῆσθαι τῆσ δεδομένησ ὑπὸ Ῥωμαίων ἐλευθερίασ σῴζοντασ αὐτὴν δι’ εὐνομίασ καὶ ὁμονοίασ, ἀνέζευξεν ἐπὶ τὴν Ἤπειρον, ἔχων δόγμα συγκλήτου τοὺσ συμμεμαχημένουσ αὐτῷ τὴν πρὸσ Περσέα μάχην στρατιώτασ ἀπὸ τῶν ἐκεῖ πόλεων ὠφελῆσαι. βουλόμενοσ δὲ πᾶσιν ἅμα καὶ μηδενὸσ προσδοκῶντοσ, ἀλλ’ ἐξαίφνησ ἐπιπεσεῖν, μετεπέμψατο τοὺσ πρώτουσ ἐξ ἑκάστησ πόλεωσ ἄνδρασ δέκα, καὶ προσέταξεν αὐτοῖσ, ὅσοσ ἄργυρόσ ἐστι καὶ χρυσὸσ ἐν οἰκίαισ καὶ ἱεροῖσ, ἡμέρᾳ ῥητῇ καταφέρειν.

ἑκάστοισ δὲ συνέπεμψεν ὡσ ἐπ’ αὐτὸ δὴ τοῦτο φρουρὰν στρατιωτῶν καὶ ταξίαρχον προσποιούμενον ζητεῖν καὶ παραλαμβάνειν τὸ χρυσίον. ἐνστάσησ δὲ τῆσ ἡμέρασ, ὑφ’ ἕνα καὶ τὸν αὐτὸν ἅμα καιρὸν ὁρμήσαντεσ ἐτράποντο πρὸσ καταδρομὴν καὶ διαρπαγὴν τῶν πόλεων, ὥστε ὡρ́ᾳ μιᾷ πεντεκαίδεκα ἀνθρώπων ἐξανδραποδισθῆναι μυριάδασ, ἑβδομήκοντα δὲ πόλεισ πορθηθῆναι, γενέσθαι δ’ ἀπὸ τοσαύτησ φθορᾶσ καὶ πανωλεθρίασ ἑκάστῳ στρατιώτῃ τὴν δόσιν οὐ μείζον’ ἕνδεκα δραχμῶν, φρῖξαι δὲ πάντασ ἀνθρώπουσ τὸ τοῦ πολέμου τέλοσ, εἰσ μικρὸν οὕτω τὸ καθ’ ἕκαστον λῆμμα καὶ κέρδοσ ἔθνουσ ὅλου κατακερματισθέντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 29

(플루타르코스, Aemilius Paulus, chapter 29)

상위

목록

SEARCH

MENU NAVIGATION