헬라어 문장 검색 - Πλυταρ́Αεμιλιύ27́0́1́

(플루타르코스, Aemilius Paulus, chapter 27 1:)

οὐ μὴν ἀλλὰ τοῦτον μὲν ἀναστήσασ καὶ δεξιωσάμενοσ Τουβέρωνι παρέδωκεν, αὐτὸσ δὲ τοὺσ παῖδασ καὶ τοὺσ γαμβροὺσ καὶ τῶν ἄλλων ἡγεμονικῶν μάλιστα τοὺσ νεωτέρουσ ἔσω τῆσ σκηνῆσ ἐπισπασάμενοσ πολὺν χρόνον ἦν πρὸσ αὑτῷ σιωπῇ καθήμενοσ, ὥστε θαυμάζειν ἅπαντασ. "ἄξιον εὐπραγίασ παρούσησ ἄνθρωπον ὄντα θρασύνεσθαι καὶ μέγα φρονεῖν ἔθνοσ ἢ πόλιν ἢ βασιλείαν καταστρεψάμενον, ἢ τὴν μεταβολὴν ταύτην τῆσ τύχησ, ἡ παράδειγμα τῷ πολεμοῦντι κοινῆσ ἀσθενείασ προθεῖσα παιδεύει μηδὲν ὡσ μόνιμον καὶ βέβαιον διανοεῖσθαι; "ποῖοσ γὰρ ἀνθρώποισ τοῦ θαρρεῖν καιρόσ, ὅταν τὸ κρατεῖν ἑτέρων μάλιστα δεδοικέναι τὴν τύχην ἀναγκάζῃ, καὶ τῷ χαίροντι δυσθυμίαν ἐπάγῃ τοσαύτην ὁ τῆσ περιφερομένησ καὶ προσισταμένησ ἄλλοτ’ ἄλλοισ εἱμαρμένησ λογισμόσ; "ἢ τὴν Ἀλεξάνδρου διαδοχήν, ὃσ ἐπὶ πλεῖστον ἤρθη δυνάμεωσ καὶ μέγιστον ἔσχε κράτοσ, ὡρ́ασ μιᾶσ μορίῳ πεσοῦσαν ὑπὸ πόδασ θέμενοι, καὶ τοὺσ ἄρτι μυριάσι πεζῶν καὶ χιλιάσιν ἱππέων τοσαύταισ ὁπλοφορουμένουσ βασιλεῖσ ὁρῶντεσ ἐκ τῶν πολεμίων χειρῶν ἐφήμερα σιτία καὶ ποτὰ λαμβάνοντασ, οἰέσθε τὰ καθ’ ἡμᾶσ ἔχειν τινὰ βεβαιότητα τύχησ διαρκῆ πρὸσ τὸν χρόνον; "οὐ καταβαλόντεσ ὑμεῖσ οἱ νέοι τὸ κενὸν φρύαγμα τοῦτο καὶ γαυρίαμα τῆσ νίκησ ταπεινοὶ καταπτήξετε πρὸσ τὸ μέλλον, ἀεὶ καραδοκοῦντεσ εἰσ ὅ τι κατασκήψει τέλοσ ἑκάστῳ τὴν τῆσ παρούσησ εὐπραγίασ ὁ δαίμων νέμεσιν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aemilius Paulus, chapter 27 1:

(플루타르코스, Aemilius Paulus, chapter 27 1:)

상위

목록

SEARCH

MENU NAVIGATION