Plutarch, Aemilius Paulus, chapter 26

(플루타르코스, Aemilius Paulus, chapter 26)

Γναῖοσ δὲ Ὀκτάβιοσ ὁ ναυαρχῶν Αἰμιλίῳ προσορμισάμενοσ τῇ Σαμοθρᾴκῃ τὴν μὲν ἀσυλίαν παρεῖχε τῷ Περσεῖ διὰ τοὺσ θεούσ, ἔκπλου δὲ καὶ φυγῆσ εἶργεν. οὐ μὴν ἀλλὰ λανθάνει πωσ ὁ Περσεὺσ Ὀροάνδην τινὰ Κρῆτα λέμβον ἔχοντα συμπείσασ μετὰ χρημάτων ἀναλαβεῖν αὐτόν, ὁ δὲ κρητισμῷ χρησάμενοσ τὰ μὲν χρήματα νύκτωρ ἀνέλαβεν, ἐκεῖνον δὲ τῆσ ἑτέρασ νυκτὸσ ἥκειν κελεύσασ ἐπὶ τὸν πρὸσ τῷ Δημητρίῳ λιμένα μετὰ τῶν τέκνων καὶ θεραπείασ ἀναγκαίασ, εὐθὺσ ἀφ’ ἑσπέρασ ἀπέπλευσεν. ὁ δὲ Περσεὺσ οἰκτρὰ μὲν ἔπασχε διὰ στενῆσ θυρίδοσ παρὰ τὸ τεῖχοσ ἐκμηρυόμενοσ αὑτὸν καὶ παιδία καὶ γυναῖκα πόνων καὶ πλάνησ ἀπείρουσ, οἰκτρότατον δὲ στεναγμὸν ἀφῆκεν, ὥσ τισ αὐτῷ πλανωμένῳ παρὰ τὸν αἰγιαλὸν ἤδη πελάγιον τὸν Ὀροάνδην θέοντα κατιδὼν ἔφρασεν.

ὑπέλαμπε γὰρ ἡμέρα, καὶ πάσησ ἐλπίδοσ ἔρημοσ ὑπεχώρει φυγῇ πρὸσ τὸ τεῖχοσ, οὐ λαθὼν μέν, ὑποφθάσασ δὲ τοὺσ Ῥωμαίουσ, μετὰ τῆσ γυναικόσ, τὰ δὲ παιδία συλλαβὼν αὐτοῖσ Ιὤν ἐνεχείρισεν, ὃσ πάλαι μὲν ἐρώμενοσ ἦν τοῦ Περσέωσ, τότε δὲ προδότησ γενόμενοσ αἰτίαν παρέσχε τὴν μάλιστα συναναγκάσασαν τὸν ἄνθρωπον, ὡσ θηρίον ἁλισκομένων τῶν τέκνων, εἰσ χεῖρασ ἐλθεῖν καὶ παραδοῦναι τὸ σῶμα τοῖσ ἐκείνων κρατοῦσιν.

ἐπίστευε μὲν οὖν μάλιστα τῷ Νασικᾷ, κἀκεῖνον ἐκάλει μὴ παρόντοσ δὲ κατακλαύσασ τὴν τύχην καὶ τὴν ἀνάγκην περισκεψάμενοσ ἔδωκεν αὑτὸν ὑποχείριον τῷ Γναίῳ, τότε μάλιστα ποιήσασ φανερόν ὅτι τῆσ φιλαργυρίασ ἦν ἐν αὐτῷ τι κακὸν ἀγεννέστερον ἡ φιλοψυχία, δι’ ἥν, ὃ μόνον ἡ τύχη τῶν ἐπταικότων οὐκ ἀφαιρεῖται, τὸν ἔλεον, ἀπεστέρησεν ἑαυτοῦ, δεηθεὶσ γὰρ ἀχθῆναι πρὸσ τὸν Αἰμίλιον, ὁ μὲν ὡσ ἀνδρὶ μεγάλῳ πεπτωκότι πτῶμα νεμεσητὸν καὶ δυστυχὲσ ἐξαναστὰσ ὑπήντα μετὰ τῶν φίλων δεδακρυμένοσ·

"ὦ ταλαίπωρε, τὸ μέγιστον ἀφαιρεῖσ τῶν ἐγκλημάτων, ταῦτα πράττων ἀφ’ ὧν δόξεισ οὐ παρ’ ἀξίαν ἀτυχεῖν, οὐδὲ τοῦ νῦν, ἀλλὰ τοῦ πάλαι δαίμονοσ ἀνάξιοσ γεγονέναι;

"τί δέ μου καταβάλλεισ τὴν νίκην, καὶ τὸ κατόρθωμα ποιεῖσ μικρόν, ἐπιδεικνύμενοσ ἑαυτὸν οὐ γενναῖον οὐδὲ πρέποντα Ῥωμαίων ἀνταγωνιστήν; "ἀρετή τοι δυστυχοῦσι μεγάλην ἔχει μοῖραν αἰδοῦσ καὶ παρὰ πολεμίοισ, δειλία δὲ Ῥωμαίοισ, κἂν εὐποτμῇ, πάντη ἀτιμότατον.

일치하는 문장이 없습니다.

SEARCH

MENU NAVIGATION