헬라어 문장 검색 - Πλυταρ́Αεμιλιύ21́

(플루타르코스, Aemilius Paulus, chapter 21)

οἱ δὲ πολλοὶ καὶ ἀγαθοὶ γενόμενοι καὶ διασχόντεσ ὁρμῇ μιᾷ τοὺσ ἄλλουσ, περὶ αὐτὸν ὑφηγούμενον ἐμβάλλουσι τοῖσ ἐναντίοισ, μεγάλῳ δ’ ἀγῶνι καὶ φόνῳ πολλῷ καὶ τραύμασιν ὤσαντεσ ἐκ χώρασ καὶ τόπον ἔρημον καὶ γυμνὸν κατασχόντεσ ἐπὶ ζήτησιν ἐτράποντο τοῦ ξίφουσ, ὡσ δὲ μόλισ ἐν πολλοῖσ ὅπλοισ καὶ πτώμασι νεκρῶν κεκρυμμένον ἀνευρέθη, περιχαρεῖσ γενόμενοι καὶ παιανίσαντεσ ἔτι λαμπρότερον ἐνέκειντο τοῖσ συνεστῶσιν ἔτι τῶν πολεμίων, καὶ τέλοσ οἱ τρισχίλιοι λογάδεσ ἐν τάξει μένοντεσ καὶ μαχόμενοι κατεκόπησαν ἅπαντεσ· τῶν δ’ ἄλλων φευγόντων πολὺσ ἦν ὁ φόνοσ, ὥστε τὸ μὲν πεδίον καὶ τὴν ὑπώρειαν καταπεπλῆσθαι νεκρῶν, τοῦ δὲ Λεύκου ποταμοῦ τὸ ῥεῦμα τοὺσ Ῥωμαίουσ τῇ μετὰ τὴν μάχην ἡμέρᾳ διελθεῖν ἔτι μεμιγμένον αἵματι.

λέγονται γὰρ ὑπὲρ δισμυρίουσ πεντακισχιλίουσ ἀποθανεῖν. τῶν δὲ Ῥωμαίων ἔπεσον, ὡσ μὲν Ποσειδώνιόσ φησιν, ἑκατόν, ὡσ δὲ Νασικᾶσ, ὀγδοήκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 21

(플루타르코스, Aemilius Paulus, chapter 21)

상위

목록

SEARCH

MENU NAVIGATION