헬라어 문장 검색 - Πλυταρ́Αεμιλιύ20́

(플루타르코스, Aemilius Paulus, chapter 20)

τῶν δὲ Ῥωμαίων, ὡσ ἀντέστησαν τῇ φάλαγγι, μὴ δυναμένων βιάζεσθαι, Σάλουιοσ ὁ τῶν Πελιγνῶν ἡγούμενοσ ἁρπάσασ τὸ σημεῖον τῶν ὑφ’ αὑτὸν εἰσ τοὺσ πολεμίουσ ἔρριψε. τῶν δὲ Πελιγνῶν οὐ γάρ ἐστιν Ἰταλοῖσ θεμιτὸν οὐδ’ ὅσιον ἐγκαταλιπεῖν σημεῖον ἐπιδραμόντων πρὸσ ἐκεῖνον τὸν τόπον ἔργα δεινὰ καὶ πάθη παρ’ ἀμφοτέρων ἀπήντα συμπεσόντων. οἱ μὲν γὰρ ἐκκρούειν τε τοῖσ ξίφεσι τὰσ σαρίσασ ἐπειρῶντο καὶ πιέζειν τοῖσ θυρεοῖσ καὶ ταῖσ χερσὶν αὐταῖσ ἀντιλαμβανόμενοι παραφέρειν, οἱ δὲ τὴν προβολὴν κρατυνάμενοι δι’ ἀμφοτέρων καὶ τοὺσ προσπίπτοντασ αὐτοῖσ ὅπλοισ διελαύνοντεσ, οὔτε θυρεοῦ στέγοντοσ οὔτε θώρακοσ τὴν βίαν τῆσ σαρίσησ, ἀνερρίπτουν ὑπὲρ κεφαλὴν τὰ σώματα τῶν Πελιγνῶν καὶ Μαρρουκινῶν, κατ’ οὐδένα λογισμὸν, ἀλλὰ θυμῷ θηριώδει, πρὸσ ἐναντίασ πληγὰσ καὶ προὖπτον ὠθουμένων θάνατον.

οὕτω δὲ τῶν προμάχων διαφθαρέντων ἀνεκόπησαν οἱ κατόπιν αὐτῶν ἐπιτεταγμένοι·

καὶ φυγὴ μὲν οὐκ ἦν, ἀναχώρησισ δὲ πρὸσ ὄροσ τὸ καλούμενον Ὀλόκρον, ὥστε καὶ τὸν Αἰμίλιον ἰδόντα φησὶν ὁ Ποσειδώνιοσ καταρρήξασθαι τὸν χιτῶνα, τούτων μὲν ἐνδιδόντων, τῶν δ’ ἄλλων Ῥωμαίων διατρεπομένων τὴν φάλαγγα προσβολὴν οὐκ ἔχουσαν, ἀλλ’ ὥσπερ χαρακώματι τῷ πυκνώματι τῶν σαρισῶν ὑπαντιάζουσαν πάντοθεν ἀπρόσμαχον. ἐπεὶ δὲ τῶν τε χωρίων ἀνωμάλων ὄντων, καὶ διὰ τὸ μῆκοσ τῆσ παρατάξεωσ οὐ φυλαττούσησ ἀραρότα τὸν συνασπισμόν, κατεῖδε τὴν φάλαγγα τῶν Μακεδόνων κλάσεισ τε πολλὰσ καὶ διασπάσματα λαμβάνουσαν, ὡσ εἰκὸσ ἐν μεγάλοισ στρατοῖσ καὶ ποικίλαισ ὁρμαῖσ τῶν μαχομένων, τοῖσ μὲν ἐκθλιβομένην μέρεσι, τοῖσ δὲ προπίπτουσαν, ἐπιὼν ὀξέωσ καὶ διαιρῶν τὰσ σπείρασ ἐκέλευεν εἰσ τὰ διαλείμματα καὶ κενώματα τῆσ τῶν πολεμίων τάξεωσ παρεμπίπτοντασ καὶ συμπλεκομένουσ μὴ μίαν πρὸσ ἅπαντασ, ἀλλὰ πολλὰσ καὶ μεμιγμένασ κατά μέροσ τὰσ μάχασ τίθεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 20

(플루타르코스, Aemilius Paulus, chapter 20)

상위

목록

SEARCH

MENU NAVIGATION