헬라어 문장 검색 - Πλυταρ́Αεμιλιύ17́

(플루타르코스, Aemilius Paulus, chapter 17)

ὁ δ’ Αἰμίλιοσ, ὡσ εἰσ ταὐτὸν συνέμιξε τῷ Νασικᾷ, κατέβαινε συντεταγμένοσ ἐπὶ τοὺσ πολεμίουσ, ὡσ δ’ εἶδε τὴν παράταξιν αὐτῶν καὶ τὸ πλῆθοσ, θαυμάσασ ἐπέστησε τὴν πορείαν, αὐτόσ τι πρὸσ ἑαυτὸν συλλογιζόμενοσ. οἱ δ’ ἡγεμονικοὶ νεανίσκοι προθυμούμενοι μάχεσθαι παρελαύνοντεσ ἐδέοντο μὴ μέλλειν, καὶ μάλιστα πάντων ὁ Νασικᾶσ τῇ περὶ τὸν Ὄλυμπον εὐτυχίᾳ τεθαρρηκώσ. "ἡλικίαν εἶχον αἱ δὲ πολλαί με νῖκαι διδάσκουσαι τὰ τῶν ἡττωμένων ἁμαρτήματα, κωλύουσιν ἐξ ὁδοῦ μάχην τίθεσθαι πρὸσ φάλαγγα συντεταγμένην ἤδη καὶ συνεστῶσαν.

ἐκ τούτου τὰ μὲν πρῶτα καὶ καταφανῆ πρὸσ τοὺσ πολεμίουσ ἐκέλευσεν εἰσ σπείρασ καθιστάμενα ποιεῖν σχῆμα παρατάξεωσ, τοὺσ δ’ ἀπ’ οὐρᾶσ στραφέντασ ἐν χώρᾳ χάρακα βαλέσθαι καὶ στρατοπεδεύειν. οὕτω δὲ τῶν συνεχῶν τοῖσ τελευταίοισ καθ’ ὑπαγωγὴν ἐξελιττομένων ἔλαθε τὴν παράταξιν ἀναλύσασ καὶ καταστήσασ ἀθορύβωσ εἰσ τὸν χάρακα πάντασ.

ἐπεὶ δὲ νὺξ γεγόνει καὶ μετὰ δεῖπνον ἐτράποντο πρὸσ ὕπνον καὶ ἀνάπαυσιν, αἰφνίδιον ἡ σελήνη πλήρησ οὖσα καὶ μετέωροσ ἐμελαίνετο καὶ τοῦ φωτὸσ ἀπολιπόντοσ αὐτὴν χρόασ ἀμείψασα παντοδαπὰσ ἠφανίσθη. τῶν δὲ Ῥωμαίων, ὥσπερ ἐστὶ νενομισμένον, χαλκοῦ τε πατάγοισ ἀνακαλουμένων τὸ φῶσ αὐτῆσ καὶ πυρὰ πολλὰ δαλοῖσ καὶ δᾳσὶν ἀνεχόντων πρὸσ τὸν οὐρανόν, οὐδὲν ὅμοιον ἔπραττον οἱ Μακεδόνεσ, ἀλλὰ φρίκη καὶ θάμβοσ τὸ στρατόπεδον κατεῖχε καὶ λόγοσ ἡσυχῇ διὰ πολλῶν ἐχώρει, βασιλέωσ τὸ φάσμα σημαίνειν ἔκλειψιν.

ὁ δ’ Αἰμίλιοσ οὐκ ἦν μὲν ἀνήκοοσ οὐδ’ ἄπειροσ παντάπασι τῶν ἐκλειπτικῶν ἀνωμαλιῶν, αἳ τὴν σελήνην περιφερομένην εἰσ τὸ σκίασμα τῆσ γῆσ ἐμβάλλουσι τεταγμέναισ περιόδοισ καὶ ἀποκρύπτουσιν, ἄχρι οὗ παρελθοῦσα τὴν ἐπισκοτουμένην χώραν πάλιν ἐπιλάμψῃ πρὸσ τὸν ἥλιον οὐ μὴν ἀλλὰ τῷ θείῳ πολὺ νέμων καὶ φιλοθύτησ ὢν καὶ μαντικόσ, ὡσ εἶδε πρῶτον τὴν σελήνην ἀποκαθαιρομένην, ἕνδεκα μόσχουσ αὐτῇ κατέθυσεν.

ἅμα δ’ ἡμέρᾳ τῷ Ἡρακλεῖ βουθυτῶν οὐκ ἐκαλλιέρει μέχρισ εἴκοσι·

τῷ δὲ πρώτῳ καὶ εἰκοστῷ παρῆν τὰ σημεῖα καὶ νίκην ἀμυνομένοισ ἔφραζεν. εὐξάμενοσ οὖν κατὰ βοῶν ἑκατὸν καὶ ἀγῶνοσ ἱεροῦ τῷ θεῷ, προσέταξε διακοσμεῖν τοῖσ ἡγεμόσι τὸν στρατὸν εἰσ μάχην αὐτόσ δὲ τὴν ἀπόκλισιν καὶ περιφορὰν ἀναμένων τοῦ φωτόσ, ὅπωσ μὴ κατὰ προσώπου μαχομένοισ αὐτοῖσ ἑώθεν ἥλιοσ ἀντιλάμποι, παρῆγε τὸν χρόνον ἐν τῇ σκηνῇ καθεζόμενοσ ἀναπεπταμένῃ πρὸσ τὸ πεδίον καὶ τὴν στρατοπεδείαν τῶν πολεμίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 17

(플루타르코스, Aemilius Paulus, chapter 17)

상위

목록

SEARCH

MENU NAVIGATION