헬라어 문장 검색 - Πλυταρ́Αεμιλιύ14́

(플루타르코스, Aemilius Paulus, chapter 14)

Ἐνοχλουμένων δὲ τῶν ἀνθρώπων μάλιστα περὶ τὴν τοῦ ποτοῦ χρείαν καὶ γὰρ ὀλίγον καὶ πονηρὸν ἐπίδυε καὶ συνελείβετο παρ’ αὐτὴν τὴν θάλατταν, ὁρῶν ὁ Αἰμίλιοσ μέγα καὶ κατηρεφὲσ δένδρεσιν ὄροσ τὸν Ὄλυμπον ἐπικείμενον, καὶ τεκμαιρόμενοσ τῇ χλωρότητι τῆσ ὕλησ ναμάτων ἔχειν ἀρχὰσ διὰ βάθουσ ὑποφερομένων, ἀναπνοὰσ αὐτοῖσ καὶ φρέατα πολλὰ παρὰ τὴν ὑπώρειαν ὤρυττε. τὰ δ’ εὐθὺσ ἐπίμπλατο ῥευμάτων καθαρῶν, ἐπισυνδιδόντων ὁλκῇ καὶ φορᾷ τοῦ θλιβομένου πρὸσ τὸ κενούμενον.

καίτοι τινὲσ οὔ φασιν ὑδάτων ἑτοίμων κεκρυμμένων πηγὰσ ἐναποκεῖσθαι τοῖσ τόποισ ἐξ ὧν ῥέουσιν, οὐδ’ ἀποκάλυψιν οὐδὲ ῥῆξιν εἶναι τὴν ἐκβολὴν αὐτῶν, ἀλλὰ γένεσιν καὶ σύστασιν ἐνταῦθα τῆσ ὕλησ ἐξυγραινομένησ· ἐξυγραίνεσθαι δὲ πυκνότητι καὶ ψυχρότητι τὴν νοτερὰν ἀναθυμίασιν, ὅταν ἐν βάθει καταθλιβεῖσα ῥευστικὴ γένηται. καθάπερ γὰρ οἱ μαστοὶ τῶν γυναικῶν οὐχ ὥσπερ ἀγγεῖα πλήρεισ εἰσὶν ἐπιρρέοντοσ ἑτοίμου γάλακτοσ, ἀλλὰ μεταβάλλοντεσ τὴν τροφὴν ἐν αὑτοῖσ ἐργάζονται γάλα καὶ διηθοῦσιν, οὕτωσ οἱ περίψυκτοι καὶ πιδακώδεισ τόποι τῆσ γῆσ ὕδωρ μὲν οὐκ ἔχουσι καλυπτόμενον, οὐδὲ κόλπουσ ῥεύματα καὶ βάθη ποταμῶν τοσούτων ἐξ ἑτοίμησ καὶ ὑποκειμένησ ἀφιέντασ ἀρχῆσ, τὸ δὲ πνεῦμα καὶ τὸν ἀέρα τῷ πιέζειν καὶ καταπυκνοῦν ἀποθλίβοντεσ εἰσ ὕδωρ τρέπουσι.

τὰ γοῦν ὀρυττόμενα τῶν χωρίων μᾶλλον ἀναπιδύει καὶ διανάει πρὸσ τὴν τοιαύτην ψηλάφησιν, ὥσπερ οἱ μαστοὶ τῶν γυναικῶν πρὸσ τὸν θηλασμόν, ἀνυγραίνοντα καὶ μαλάττοντα τὴν ἀναθυμίασιν ὅσα δ’ ἀργὰ τῆσ γῆσ συμπέφρακται, τυφλὰ πρὸσ γένεσιν ὑδάτων ἐστίν, οὐκ ἔχοντα τὴν ἐργαζομένην τὸ ὑγρὸν κίνησιν.

οἱ δὲ ταῦτα λέγοντεσ ἐπιχειρεῖν δεδώκασι τοῖσ ἀπορητικοῖσ, ὡσ οὐδὲ τὸ αἷμα τοῖσ ζῴοισ ἔνεστιν, ἀλλὰ γεννᾶται πρὸσ τὰ τραύματα πνεύματόσ τινοσ ἢ σαρκῶν μεταβολῇ, ῥύσιν ἀπεργασαμένῃ καὶ σύντηξιν.

ἐλέγχονται δὲ τοῖσ πρὸσ τοὺσ ὑπονόμουσ καὶ τὰσ μεταλλείασ ἀπαντῶσιν εἰσ βάθη ποταμοῖσ, οὐ κατ’ ὀλίγον συλλεγομένοισ, ὥσπερ εἰκόσ ἐστιν εἰ γένεσιν ἐκ τοῦ παραχρῆμα κινουμένησ τῆσ γῆσ λαμβάνουσιν, ἀλλ’ ἀθρόοισ ἀναχεομένοισ. ὁρῶν δὲ καὶ πέτρασ πληγῇ ῥαγείσησ ἐξεπήδησε ῥεῦμα λάβρον ὕδατοσ, εἶτα ἐπέλιπε. ταῦτα μὲν περὶ τούτων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 14

(플루타르코스, Aemilius Paulus, chapter 14)

상위

목록

SEARCH

MENU NAVIGATION