헬라어 문장 검색 - Πλυταρ́Αεμιλιύ12́

(플루타르코스, Aemilius Paulus, chapter 12)

Αἰμίλιον δὲ Παῦλον, ὡσ ἐξώρμησεν ἐπὶ στρατείαν, πλοῦ μὲν εὐτυχίᾳ καὶ ῥᾳστώνῃ χρήσασθαι πορείασ κατὰ δαίμονα τίθημι, σὺν τάχει καὶ μετ’ ἀσφαλείασ εἰσ τὸ στρατόπεδον κομισθέντα· τοῦ δὲ πολέμου καὶ τῆσ στρατηγίασ αὑτοῦ τὸ μὲν τόλμησ ὀξύτητι, τὸ δὲ βουλεύμασι χρηστοῖσ, τὸ δὲ φίλων ἐκθύμοισ ὑπηρεσίαισ, τὸ δὲ τῷ παρὰ τὰ δεινὰ θαρρεῖν καὶ χρῆσθαι λογισμοῖσ ἀραρόσιν ὁρῶν διαπεπραγμένον, οὐκ ἔχω τῇ λεγομένῃ τοῦ ἀνδρὸσ εὐτυχίᾳ λαμπρὸν ἀποδοῦναι καὶ διάσημον ἔργον οἱο͂ν ἑτέρων στρατηγῶν. εἰ μή τισ ἄρα τὴν Περσέωσ φιλαργυρίαν Αἰμιλίῳ τύχην ἀγαθὴν περὶ τὰ πράγματα γενέσθαι φησίν, ἣ λαμπρὰ καὶ μεγάλα πρὸσ τὸν πόλεμον ἀρθέντα ταῖσ ἐλπίσι τὰ Μακεδόνων ἀνέτρεψε καὶ κατέβαλε, πρὸσ ἀργύριον ἀποδειλιάσαντοσ.

ἧκον μὲν γὰρ αὐτῷ δεηθέντι Βαστέρναι, μύριοι μὲν ἱππεῖσ, μύριοι δὲ παραβάται, μισθοφόροι πάντεσ, ἄνδρεσ οὐ γεωργεῖν εἰδότεσ, οὐ πλεῖν, οὐκ ἀπὸ ποιμνίων ζῆν νέμοντεσ, ἀλλ’ ἓν ἔργον καὶ μίαν τέχνην μελετῶντεσ ἀεὶ μάχεσθαι καὶ κρατεῖν τῶν ἀντιταττομένων. ὡσ δὲ περὶ τὴν Μαιδικὴν καταστρατοπεδεύσαντεσ ἐπεμίγνυντο τοῖσ παρὰ τοῦ βασιλέωσ ἄνδρεσ ὑψηλοὶ μὲν τὰ σώματα, θαυμαστοὶ δὲ τὰσ μελέτασ, μεγάλαυχοι δὲ καὶ λαμπροὶ ταῖσ κατὰ τῶν πολεμίων ἀπειλαῖσ, θάρσοσ παρέστησαν τοῖσ Μακεδόσι καὶ δόξαν ὡσ τῶν Ῥωμαίων οὐχ ὑπομενούντων, ἀλλ’ ἐκπλαγησομένων τὴν ὄψιν αὐτὴν καὶ τὴν κίνησιν ἔκφυλον οὖσαν καὶ δυσπρόσοπτον.

οὕτω διαθεὶσ τοὺσ ἀνθρώπουσ ὁ Περσεύσ καὶ τοιούτων ἐμπλήσασ ἐλπίδων, αἰτούμενοσ καθ’ ἕκαστον ἡγεμόνα χιλίουσ, πρὸσ τὸ γιγνόμενον τοῦ χρυσίου πλῆθοσ ἰλιγγιάσασ καὶ παραφρονήσασ ὑπὸ μικρολογίασ ἀπείπατο καὶ προήκατο τὴν συμμαχίαν, ὥσπερ οἰκονομῶν, οὐ πολεμῶν Ῥωμαίοισ, καὶ λογισμὸν ἀποδώσων ἀκριβῆ τῆσ εἰσ τὸν πόλεμον δαπάνησ οἷσ ἐπολέμει·

καίτοι διδασκάλουσ εἶχεν ἐκείνουσ, οἷσ ἄνευ τῆσ ἄλλησ παρασκευῆσ στρατιωτῶν δέκα μυριάδεσ ἦσαν ἠθροισμέναι καὶ παρεστῶσαι ταῖσ χρείαισ. ὁ δὲ πρὸσ δύναμιν ἀνταίρων τηλικαύτην καὶ πόλεμον οὗ τοσοῦτον ἦν τὸ παρατρεφόμενον, διεμέτρει καὶ παρεσημαίνετο τὸ χρυσίον, ἅψασθαι δεδιὼσ ὥσπερ ἀλλοτρίων.

καὶ ταῦτ’ ἔπραττεν οὐ Λυδῶν τισ οὐδὲ Φοινίκων γεγονώσ, ἀλλὰ τῆσ Ἀλεξάνδρου καὶ Φιλίππου κατὰ συγγένειαν ἀρετῆσ μεταποιούμενοσ, οἳ τῷ τὰ πράγματα τῶν χρημάτων ὠνητά, μὴ τὰ χρήματα τῶν πραγμάτων ἡγεῖσθαι πάντων ἐκράτησαν. ἐρρέθη γοῦν ὅτι τὰσ πόλεισ αἱρεῖ τῶν Ἑλλήνων οὐ Φίλιπποσ, ἀλλὰ τὸ Φιλίππου χρυσίου.

Ἀλέξανδροσ δὲ τῆσ ἐπ’ Ἰνδοὺσ στρατείασ ἁπτόμενοσ, καὶ βαρὺν ὁρῶν καὶ δύσογκον ἤδη τὸν Περσικὸν ἐφελκομένουσ πλοῦτον τοὺσ Μακεδόνασ, πρώτασ ὑπέπρησε τὰσ βασιλικὰσ ἁμάξασ, εἶτα τοὺσ ἄλλουσ ἔπεισε ταὐτὸ ποιήσαντασ ἐλαφροὺσ ἀναζεῦξαι πρὸσ τὸν πόλεμον ὥσπερ λελυμένουσ. Περσεύσ δὲ τὸν χρυσὸν αὐτὸσ αὑτοῦ καὶ τέκνων καὶ βασιλείασ καταχεάμενοσ οὐκ ἠθέλησε δι’ ὀλίγων σωθῆναι χρημάτων, ἀλλὰ μετὰ πολλῶν κομισθεὶσ ὁ πλούσιοσ αἰχμάλωτοσ ἐπιδείξασθαι Ῥωμαίοισ ὅσα φεισάμενοσ ἐτήρησεν αὐτοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aemilius Paulus, chapter 12

(플루타르코스, Aemilius Paulus, chapter 12)

상위

목록

SEARCH

MENU NAVIGATION