헬라어 문장 검색 - Πλυταρ́Αεμιλιύ10́

(플루타르코스, Aemilius Paulus, chapter 10)

ταῦτα τοῖσ Ῥωμαίοισ πυνθανομένοισ ἐδόκει τὰσ τῶν στρατηγιώντων χάριτασ καὶ παραγγελίασ ἐάσαντασ αὐτοὺσ καλεῖν ἐπὶ τὴν ἡγεμονίαν ἄνδρα νοῦν ἔχοντα καὶ πράγμασι χρῆσθαι μεγάλοισ ἐπιστάμενον. οὗτοσ ἦν Παῦλοσ Αἰμίλιοσ, ἡλικίασ μὲν ἤδη πρόσω καὶ περὶ ἑξήκοντα γεγονὼσ ἔτη, ῥώμῃ δὲ σώματοσ ἀκμάζων, πεφραγμένοσ δὲ κηδεσταῖσ καὶ παισὶ νεανίαισ καὶ φίλων πλήθει καὶ συγγενῶν μέγα δυναμένων, οἳ πάντεσ αὐτὸν ὑπακοῦσαι καλοῦντι τῷ δήμῳ πρὸσ τὴν ὑπατείαν ἔπειθον. ὁ δὲ κατ’ ἀρχὰσ μὲν ἐθρύπτετο πρὸσ τοὺσ πολλούσ καὶ διέκλινε τὴν φιλοτιμίαν αὐτῶν καὶ σπουδήν, ὡσ μὴ δεόμενοσ τοῦ ἄρχειν, φοιτώντων δὲ καθ’ ἡμέραν ἐπὶ θύρασ καὶ προκαλουμένων αὐτὸν εἰσ ἀγορὰν καὶ καταβοώντων ἐπείσθη·

καὶ φανεὶσ εὐθὺσ ἐν τοῖσ μετιοῦσι τὴν ὑπατείαν ἔδοξεν οὐκ ἀρχὴν ληψόμενοσ, ἀλλὰ νίκην καὶ κράτοσ πολέμου κομίζων καὶ διδοὺσ τοῖσ πολίταισ καταβαίνειν εἰσ τὸ πεδίον μετὰ τοσαύτησ ἐλπίδοσ καὶ προθυμίασ ἐδέξαντο πάντεσ αὐτὸν καὶ κατέστησαν ὕπατον τὸ δεύτερον, οὐκ ἐάσαντεσ κλῆρον γενέσθαι, καθάπερ εἰώθει, περὶ τῶν ἐπαρχιῶν, ἀλλ’ εὐθὺσ ἐκείνῳ ψηφισάμενοι τοῦ Μακεδονικοῦ πολέμου τὴν ἡγεμονίαν. λέγεται δ’ αὐτόν, ὡσ ἀνηγορεύθη κατὰ τοῦ Περσέωσ στρατηγόσ, ὑπὸ τοῦ δήμου παντὸσ οἴκαδε προπεμφθέντα λαμπρῶσ εὑρεῖν τὸ θυγάτριον τὴν Τερτίαν δεδακρυμένην ἔτι παιδίον οὖσαν ἀσπαζόμενον οὖν αὐτὴν ἐρωτᾶν ἐφ’ ὅτῳ λελύπηται·

"ὦ πάτερ, ὅτι ἡμῖν ὁ Περσεὺσ τέθνηκε ;

λέγουσαν κυνίδιον σύντροφον οὕτω προσαγορευόμενον· "ὦ θύγατερ, καὶ δέχομαι τὸν οἰωνόν. ταῦτα μὲν οὖν Κικέρων ὁ ῥήτωρ ἐν τοῖσ περὶ μαντικῆσ ἱστόρηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 10

(플루타르코스, Aemilius Paulus, chapter 10)

상위

목록

SEARCH

MENU NAVIGATION