Plutarch, Aemilius Paulus, chapter 9

(플루타르코스, Aemilius Paulus, chapter 9)

οὐ μὴν ἀλλὰ, καίπερ ὢν ἀγεννὴσ καὶ ταπεινόσ, ὑπὸ ῥώμησ τῶν πραγμάτων ἀναφερόμενοσ πρὸσ τὸν πόλεμον ἔστη καὶ διηρείσατο πολὺν χρόνον, ἡγεμόνασ τε Ῥωμαίων ὑπατικοὺσ καὶ στρατεύματα καὶ στόλουσ μεγάλουσ ἀποτριψάμενοσ, ἐνίων δὲ καὶ κρατήσασ. Πόπλιόν τε γὰρ Λικίννιον ἐμβαλόντα πρῶτον εἰσ Μακεδονίαν τρεψάμενοσ ἱππομαχίᾳ δισχιλίουσ πεντακοσίουσ ἄνδρασ ἀγαθοὺσ ἀπέκτεινε καὶ ζῶντασ ἄλλουσ ἑξακοσίουσ ἔλαβε, τοῦ τε ναυστάθμου περὶ Ὠρεὸν ὁρμοῦντοσ ἀπροσδόκητον ἐπίπλουν θέμενοσ εἴκοσι μὲν αὐτοφόρτουσ ὁλκάδασ ἐχειρώσατο, τὰσ δ’ ἄλλασ σίτου γεμούσασ κατέδυσεν·

ἐκράτησε δὲ καὶ πεντηρικά τέσσαρα, καὶ μάχην ἐπολέμησε τὸ δεύτερον, ἐν ᾗ τὸν ὑπατικὸν Ὁστίλιον ἀπεκρούσατο καταβιαζόμενον κατὰ τὰσ Ἐλιμίασ· λάθρα δὲ διὰ Θεσσαλίασ ἐμβαλόντα προκαλούμενοσ εἰσ μάχην ἐφόβησε.

πάρεργον δὲ τοῦ πολέμου στρατείαν ἐπὶ Δαρδανεῖσ θέμενοσ, ὡσ δὴ τοὺσ Ῥωμαίουσ ὑπερορῶν καὶ σχολάζων, μυρίουσ τῶν βαρβάρων κατέκοψε καὶ λείαν ἠλάσατο πολλήν. ὑπεκίνει δὲ καὶ Γαλάτασ τοὺσ περὶ τὸν Ἴστρον ᾠκημένουσ, οἳ Βαστέρναι καλοῦνται, στρατὸν ἱππότην καὶ μάχιμον, Ἰλλυριούσ τε διὰ Γενθίου τοῦ βασιλέωσ παρεκάλει συνεφάψασθαι τοῦ πολέμου, καὶ λόγοσ κατέσχεν ὡσ τῶν βαρβάρων μισθῷ πεπεισμένων ὑπ’ αὐτοῦ διὰ τῆσ κάτω Γαλατίασ παρὰ τὸν Ἀδρίαν ἐμβαλεῖν εἰσ τὴν ’ Ἰταλίαν.

일치하는 문장이 없습니다.

SEARCH

MENU NAVIGATION