호흡부호 보기
강세부호 보기
장단부호 보기
작은 Iota 보기
모든 부호 보기
τῶν δὲ θυγατέρων τῶν Αἰμιλίου τὴν μὲν ὁ Κάτωνοσ υἱὸσ ἔγημε, τὴν δὲ Αἴλιοσ Τουβέρων, ἀνὴρ ἄριστοσ καὶ μεγαλοπρεπέστατα Ῥωμαίων πενίᾳ χρησάμενοσ. ἦσαν γὰρ ἑκκαίδεκα συγγενεῖσ, Αἴλιοι πάντεσ· οἰκίδιον δὲ πάνυ μικρὸν ἦν αὐτοῖσ, καὶ χωρίδιον ἓν ἤρκει πᾶσι, μίαν ἑστίαν νέμουσι μετὰ παίδων πολλῶν καὶ γυναικῶν, ἐν αἷσ καὶ ἡ Αἰμιλίου τοῦδε θυγάτηρ ἦν δὶσ ὑπατεύσαντοσ καὶ δὶσ θριαμβεύσαντοσ, οὐκ αἰσχυνομένη τὴν πενίαν τοῦ ἀνδρόσ, ἀλλὰ θαυμάζουσα τὴν ἀρετὴν δι’ ἣν πένησ ἦν. οἱ δὲ νῦν ἀδελφοὶ καὶ συγγενεῖσ, ἂν μὴ κλίμασι καὶ ποταμοῖσ καὶ διατειχίσμασιν ὁρίσωσι τὰ κοινά καὶ πολλὴν εὐρυχωρίαν ἒν μέσῳ λάβωσιν ἀπ’ ἀλλήλων, οὐ παύονται διαφερόμενοι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기