헬라어 문장 검색 - Ηιπποξ́Οευϝρεσ́10́48́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 48.)

Ἐπιδεῖν δὲ χρὴ, τήν τε ἀρχὴν τοῦ πρώτου ὀθονίου βαλλόμενον κατὰ τὸ βλαφθὲν, ἤν τε καταγῇ, ἤν τε ἐκστῇ, ἤν τε διαστῇ, καὶ τὰσ περιβολὰσ τὰσ πρώτασ κατὰ τοῦτο ποιέεσθαι‧ καὶ ἐρηρείσθω μάλιστα ταύτῃ, ἔνθεν δὲ καὶ ἔνθεν ἐπὶ ἧσσον. Τὴν δὲ ἐπίδεσιν κοινὴν ποιέεσθαι χρὴ τοῦ τε πήχεοσ καὶ τοῦ βραχίονοσ, καὶ ἐπὶ πουλὺ πλέον ἑκάτερον ἢ ὡσ οἱ πλεῖστοι ποιέουσιν, ὅκωσ ἐξαρύηται ὡσ μάλιστα ἀπὸ τοῦ σίνεοσ τὸ οἴδημα ἔνθεν καὶ ἔνθεν. Προσπεριβαλλέσθω δὲ καὶ τὸ ὀξὺ τοῦ πήχεοσ, ἢν τὸ σίνοσ κατὰ τοῦτο ᾖ, ἤν τε μὴ, ἵνα μὴ τὸ οἴδημα ἐνταῦθα περὶ αὐτὸ ξυλλέγηται. Περιφεύγειν δὲ χρὴ ἐν τῇ ἐπιδέσει, ὅκωσ μὴ κατὰ τὴν καμπὴν πολλὸν τοῦ ὀθονίου ἠθροισμένον ἔσται ἐκ τῶν δυνατῶν‧ πεπιέχθαι δὲ κατὰ τὸ σίνοσ ὡσ μάλιστα. Καὶ τὰ ἄλλα καταλαβέτω αὐτὸν περὶ τῆσ πιέξιοσ καὶ τῆσ χαλάσιοσ ταὐτὰ, καὶ κατὰ τοὺσ αὐτοὺσ χρόνουσ ἕκαστα, ὥσπερ τῶν ὀστέων τῶν κατεηγότων ἐν τῇ ἰητρείῃ πρόσθεν γέγραπται‧ καὶ αἱ μετεπιδέσιεσ διὰ τρίτησ ἔστωσαν‧ χαλᾷν δὲ δοκεέτω τῇ τρίτῃ, ὥσπερ καὶ τότε. Καὶ νάρθηκασ προσπεριβάλλειν ἐν τῷ ἱκνεομένῳ χρόνῳ οὑ̓δὲν γὰρ ἀπὸ τρόπου, καὶ τοῖσι τα ὀστέα κατεηγόσι, καὶ τοῖσι μὴ, ἢν μὴ πυρεταίνᾐ, ὡσ χαλαρωτάτουσ δὲ, τοὺσ μὲν ἀπὸ τοῦ βραχίονοσ κατατεταγμένουσ, τοὺσ δὲ ἀπὸ τοῦ πήχεοσ ἀνειμένουσ‧ ἔστωσαν δὲ μὴ παχέεσ οἱ νάρθηκεσ‧ ἀναγκαῖον δὲ καὶ ἀνίσουσ αὐτοὺσ εἶναι ἀλλήλοισιν, παραλλάσσειν δὲ παρ’ ἀλλήλουσ, ᾗ ἂν ξυμφέρῃ, τεκμαιρόμενον πρὸσ τὴν ξύγκαμψιν. Ἀτὰρ καὶ τῶν σπληνῶν τὴν πρόσθεσιν τοιαύτην χρὴ ποιέεσθαι, ὥσπερ καὶ τῶν ναρθήκων εἴρηται, ὀγκηροτέρουσ δὲ ὀλίγῳ κατὰ τὸ σίνοσ προστιθέναι. Τοὺσ δὲ χρόνουσ τοὺσ ἀπὸ τῆσ φλεγμονῆσ τεκμαίρεσθαι καὶ ἀπὸ τῶν πρόσθεν γεγραμμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 48.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 48.)

상위

목록

SEARCH

MENU NAVIGATION