Hippocrates, Oeuvres Completes D'Hippocrate., ΠΕΡΙ ΑΓΜΩΝ., 47.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 47.)

Ὡσ μὲν οὖν ἕκαστα τῶν ὀλισθημάτων ἁρμόσσει μάλιστα ἰητρεύειν, γέγραπται, καὶ ὅτι παραχρῆμα ἐμβάλλειν μάλιστα ἄρθρον ξυμφέρει διὰ τὸ τάχοσ τῆσ φλεγμονῆσ τῶν νεύρων. Καὶ γὰρ ἢν ἐκπεσόντα αὐτίκα ἐμπέσῃ, ὅμωσ φιλέει τὰ νεῦρα ξύντασιν ποιέεσθαι, καὶ κωλύειν ἐπὶ ποσὸν χρόνον τήν τε ἔκτασιν ὅσην περ φιλέει ποιέεσθαι, τήν τε ξύγκαμψιν. Ιἠτρεύειν δὲ πάντα παραπλησίωσ ταῦτα ξυμφέρει, καὶ ὁκόσα ἀπάγνυται, καὶ ὁκόσα διίσταται, καὶ ὁκόσα ὀλισθάνει‧ πάντα γὰρ χρὴ ὀθονίοισι πολλοῖσι καὶ σπλήνεσι καὶ κηρωτῇ ἰητρεύειν, ὥσπερ καὶ τἄλλα κατήγματα. Τὸ δὲ σχῆμα τοῦ ἀγκῶνοσ ἐν τούτοισι παντάπασι δεῖ τοιοῦτον ποιέεσθαι, οἱο͂́ν περ οἷσι βραχίων ἐπεδεῖτο καταγεὶσ, καὶ πῆχυσ. Κοινότατον μὲν γὰρ πᾶσι τοῖσιν ὀλισθήμασι καὶ τοῖσι κινήμασι καὶ τοῖσι κατήγμασι τοῦτο τὸ σχῆμά ἐστιν‧ κοινότατον δὲ πρὸσ τὴν ἔπειτα διάτασιν, καὶ τὸ ἐκτανύειν ἕκαστα, καὶ ξυγκάμπτειν‧ ἐντεῦθεν γὰρ ὁδοὶ ἐσ ἀμφότερα παραπλήσιοι. Εὐοχώτατον δὲ καὶ εὐανάληπτον αὐτῷ τῷ κάμνοντι τοῦτο τὸ σχῆμα. Ἔτι δὲ πρὸσ τούτοισιν, εἴ ἄρα κρατηθείη ὑπὸ τοῦ πωρώματοσ, εἰ μὲν ἐκτεταμένη ἡ χεὶρ κρατηθείη, κρέσσων ἂν εἰή μὴ προσεοῦσα, πολλῷ μὲν γὰρ κώλυμα εἰή, ὠφελοίη δὲ ὀλίγῳ‧ εἰ δ’ αὖ ξυγκεκαμμένη, μᾶλλον εὔχρηστοσ ἂν εἰή‧ πολλῷ δὲ εὐχρηστοτέρη, εἰ τὸ διὰ μέσου σχῆμα ἔχουσα πωρωθείη. Τὰ μὲν περὶ τοῦ σχήματοσ τοιαῦτα.

일치하는 문장이 없습니다.

SEARCH

MENU NAVIGATION