헬라어 문장 검색 - Ηιπποξ́Οευϝρεσ́10́42́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 42.)

Ἢν δὲ ἐσ τοὔμπροσθεν ὀλίσθῃ ὁ βραχίων, ἐλαχιστάκισ μὲν τοῦτο γίνεται, ἀλλὰ τί ἂν ἐξαπιναίη ἐκπάλησισ οὐκ ἐκβάλλοι; πολλὰ γὰρ καὶ παρὰ τὴν οἰκείην φύσιν ἐκπίπτει, κἢν μέγα τι ᾖ τὸ κωλῦον‧ ταύτῃ δὲ τῇ ἐκπαλήσει μέγα τι τὸ ὑπερβαινόμενον τὸ ὑπὲρ τὸ παχύτερον τῶν ὀστέων, καὶ τῶν νεύρων συχνὴ κατάτασισ‧ ὅμωσ δὲ δή τισιν ἐξεπάλησεν. Σημεῖον δὲ τοῖσιν οὕτωσ ἐκπαλήσασιν‧ οὐδὲν γὰρ χρῆμα τοῦ ἀγκῶνοσ κάμψαι δύνανται, εὔδηλον δὲ καὶ τὸ ἄρθρον ψαυόμενον. Ἢν μὲν οὖν μὴ αὐτίκα ἐμβληθῇ; ἰσχυραὶ καὶ βίαιοι φλεγμοναὶ καὶ πυρετώδεεσ γίνονται ἢν δὲ δὴ αὐίκα τισ παρατύχῃ, εὐέμβολον. Χρὴ δὲ ὀθόνιον σκληρὸν ὁ̓θόνιον γὰρ σκληρὸν εἱλιγμένον ἀρκέει μη μέγἀ ἐνθέντα πλάγιον ἐσ τὴν καμπὴν τοῦ ἀγκῶνοσ, ἐξαπίνησ ξυγκάμψαι τὸν ἀγκῶνα, καὶ προσαγαγεῖν ὡσ μάλιστα τὴν χεῖρα πρὸσ τὸν ὦμον. Ἱκανὴ μὲν οὖν αὕτη ἡ ἐμβολὴ τοῖσιν οὕτωσ ἐκπαλήσασιν‧ ἀτὰρ καὶ ἡ ἐσ τὸ ἰθὺ κατάτασισ δύναται εὐθετίζειν τοῦτον τὸν τρόπον τῆσ ἐκβολῆσ‧ τοῖσι μέντοι θέναρσι τῆσ χειρὸσ χρὴ, τὸν μὲν ἐμβάλλοντα ἐσ τὸ τοῦ βραχίονοσ ἐξέχον τὸ παρὰ τὴν καμπὴν ὀπίσω ἀπωθέειν, τὸν δέ τινα κάτωθεν ἐσ τὸ τοῦ ἀγκῶνοσ ὀξὺ ἐμβάλλοντα ἀντωθέειν ἐσ τὴν ἰθυωρίην τοῦ πήχεοσ Ῥέποντα. Δύναται δὲ ἐν τουτέῳ τῷ τρόπῳ τῆσ ὀλισθήσιοσ κἀκείνη ἡ κατάτασισ ἡ πρόσθεν γεγραμμένη, ὡσ χρὴ κατατείνειν τὰ ὀστέα τοῦ βραχίονοσ κατεηγότα, ἐπὴν μέλλωσιν ἐπιδεῖσθαι‧ ἐπὴν δὲ καταταθῇ, οὕτω χρὴ τοῖσι θέναρσι τὰσ προσβολὰσ ποιέεσθαι, ὥσπερ καὶ πρόσθεν γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 42.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 42.)

상위

목록

SEARCH

MENU NAVIGATION