Hippocrates, Oeuvres Completes D'Hippocrate., ΠΕΡΙ ΑΓΜΩΝ., 40.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 40.)

Ἔστι δὲ καὶ τούτων τὰ μὲν πλεῖστα σμικραὶ ἐγκλίσιεσ, ἄλλοτε ἐσ τὸ πρὸσ τῶν πλευρέων μέροσ, ἄλλοτε ἐσ τὸ ἔξω‧ οὐ πᾶν δὲ τὸ ἄρθρον μεταβεβηκὸσ, ἀλλὰ, μένον κατὰ τὸ κοῖλον τοῦ ὀστέου τοῦ βραχίονοσ, ᾗ τὸ τοὕ πήχεοσ ὀστέον τὸ ὑπερέχον, ἐξέσχεν. Τὰ μὲν οὖν τοιαῦτα, κἂν τῇ ἢ τῇ ὀλίσθῃ, Ῥηί̈διον ἐμβάλλειν, καὶ ἀπόχρη ἡ κατάτασισ ἡ ἐσ τὸ ἰθὺ γινομένη κατ’ ἰθυωρίην τοῦ βραχίονοσ, τὸν μὲν κατὰ τὸν καρπὸν τῆσ χειρὸσ τείνειν, τὸν δὲ κατὰ τὴν μασχάλην περιβάλλοντα, τὸν δὲ τῇ ἑτέρῃ πρὸσ τὸ ἐξεστεὸσ ἄρθρον τὸ θέναρ προσβάλλοντα ὠθέειν, τῇ δ’ ἑτέρῃ ἀντωθέειν προσβάλλοντα ἐγγὺσ τῷ ἄρθρῳ. Ἐνακούει δὲ οὐ βραδέωσ ἐμβαλλόμενα τὰ τοιαῦτα ὀλισθήματα, ἢν, πρὶν φλεγμήνῃ, ἐμβάλλῃ τισ. Ὀλισθάνει δὲ ὡσ ἐπὶ τὸ πουλὺ μᾶλλον ἐσ τὸ ἔσω μέροσ, ὀλισθάνει δὲ καὶ ἐσ τὸ ἔξω, εὔδηλα δὲ τῷ σχήματι. Καὶ πολλάκισ ἐμπίπτει τὰ τοιαῦτα, καὶ ἄνευ ἰσχυρῆσ κατατάσιοσ‧ χρὴ δὲ τῶν ἔσω ὀλισθανόντων, τὸ μὲν ἄρθρον ἀπωθέειν ἐσ τὴν φύσιν, τὸν δὲ πῆχυν ἐσ τὸ καταπρηνὲσ μᾶλλον Ῥέποντα περιάγειν Τὰ μὲν πλεῖστα ἀγκῶνοσ τοιαῦτα ὀλισθήματα.

일치하는 문장이 없습니다.

SEARCH

MENU NAVIGATION