Hippocrates, Oeuvres Completes D'Hippocrate., ΠΕΡΙ ΑΓΜΩΝ., 38.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 38.)

Τὰ δὲ ὀλισθήματα τὰ κατὰ τὰ γούνατα, καὶ τὰ διακινήματα τῶν ὀστέων εὐηθέστερα πουλὺ τῶν κατ’ ἀγκῶνα κινημάτων καὶ ὀλισθημάτων. Τό τε γὰρ ἄρθρον τοῦ μηροῦ εὐσταλέστερον ὡσ ἐπὶ μεγέθει, ἢ τὸ τοῦ βραχίονοσ, καὶ δικαίην φύσιν μοῦνον ἔχον, καὶ ταύτην περιφερέα‧ τὸ δὲ τοῦ βραχίονοσ ἄρθρον μέγα τε καὶ βαθμίδασ πλείονασ ἔχον. Πρὸσ δὲ τούτοισ, τὰ μὲν τῆσ κνήμησ ὀστέα παραπλήσια μῆκόσ ἐστι, καὶ σμικρόν τι οὐκ ἄξιον λόγου τὸ ἔξω ὀστέον ὑπερέχει, οὐδενὸσ μεγάλου κώλυμα ἐὸν, ἀφ’ οὗ περ πέφυκεν ὁ ἔξω τένων ὁ παρὰ τὴν ἰγνύην‧ τὰ δὲ τοῦ πήχεοσ ὀστέα ἄνισά ἐστιν, καὶ τὸ βραχύτερον παχύτερον συχνῷ, τὸ δὲ λεπτότερον πολλῷ ὑπερβάλλει καὶ ὑπερέχει τὸ ἄρθρον‧ ἑξήρτηται μέντοι καὶ τοῦτο τῶν νεύρων κατὰ τὴν κοινὴν ξύμφυσιν τῶν ὀστέων‧ πλεῖον δὲ μέροσ ἔχει τῆσ ἐξαρτήσιοσ των νεύρων ἐν τῷ βραχίονι τὸ λεπτὸν ὀστέον, ἤπερ τὸ παχύ. Ἡ μὲν οὖν φύσισ τοιουτότροποσ τῶν ἄρθρων τούτων καὶ τῶν ὀστέων τοῦ ἀγκῶνοσ. Καὶ διὰ τὸν τρόπον τῆσ φύσιοσ τὰ κατὰ τὸ γόνυ ὀστέα πολλάκισ μὲν ὀλισθάνει, Ῥηϊδίωσ δὲ ἐμπίπτει‧ φλεγμονὴ δὲ οὐ μεγαλη προσγίνεται, οὐδὲ δεσμὸσ τοῦ ἄρθρου. Ὀλισθάνει δὲ τὰ πλεῖστα ἐσ τὸ ἔσω μέροσ, ἔστι δ’ ὅτε καὶ ἐσ τὸ ἔξω, ποτὲ δὲ καὶ ἐσ τὴ ἰγνύην. Τούτων ἁπάντων αἱ ἐμβολαὶ οὐ χαλεπαὶ, ἀλλὰ τὰ μὲν ἔξω καὶ ἔσω ὀλισθάνοντα, καθῆσθαι μὲν χρὴ τὸν ἄνθρωπον ἐπὶ χαμαιζήλου τινὸσ, τὸ δὲ σκέλοσ ἀνωτέρω ἔχειν, μὴ μὴν πολλῷ. Κατάτασισ δὲ ὡσ ἐπὶ τὸ πουλὺ μετρίη ἀρκέει, τῇ μὲν κατατείνειν τὴν κνήμην, τῇ δὲ ἀντιτείνειν τὸν μηρόν.

일치하는 문장이 없습니다.

SEARCH

MENU NAVIGATION