헬라어 문장 검색 - Ηιπποξ́Οευϝρεσ́10́34́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 34.)

Ὁκόσα δὲ κατηπορήθη ὀστέα ἐμπεσεῖν, ταῦτα αὐτὰ εἰδέναι χρὴ ὅτι ἀποστήσεται, καὶ ὅσα τελέωσ ἐψιλώθη τῶν σαρκῶν‧ ψιλοῦται δὲ ἐνίων μὲν τὸ ἄνω μέροσ, μετεξετέρων δὲ κύκλωθεν ἀμφιθνήσκουσιν αἱ σάρκεσ‧ καὶ τῶν μὲν ἀπὸ τοῦ ἀρχαίου τρώματοσ σεσάπρισται ἔνια τῶν ὀστέων, τῶν δ’ οὔ‧ καὶ τῶν μὲν μᾶλλον, τῶν δ’ ἧσσον‧ καὶ τὰ μὲν σμικρὰ, τὰ δὲ μεγάλα. Διὰ οὖν ταῦτα τὰ εἰρημένα οὐκ ἔστιν ἑνὶ ὀνόματι εἰπεῖν, ὁκότε τὰ ὀστέα ἀποστήσεται. Τὰ μὲν γὰρ διὰ σμικρότητα, τὰ δὲ διὰ τὸ ἐπ’ ἄκρου ἔχεσθαι, θᾶσσον ἀφίσταται‧ τὰ δὲ, διὰ τὸ μὴ ἀφίστασθαι, ἀλλὰ λεπιδοῦσθαι, καταξηρανθέντα, καὶ σαπρὰ γενόμενα‧ πρὸσ δὲ τούτοισ, διαφέρει τι καὶ ἰητρείη ἰητρείησ. Ὡσ μὲν οὖν τὸ ἐπίπαν τάχιστα τουτέων ὀστέα ἀφίσταται, ὧν τάχισται μὲν αἱ ἐκπυήσιεσ, τάχισται δὲ καὶ κάλλισται αἱ σαρκοφυί̈αι‧ καὶ γὰρ αἱ ὑποφυόμεναι σάρκεσ κατὰ τὸ σιναρὸν αὗται μετεωρίζουσι τὰ ὀστέα ὡσ ἐπὶ τὸ πουλύ. Ὅλοσ μὴν ὁ κύκλοσ τοῦ ὀστέου, ἢν ἐν τεσσαράκοντα ἡμέρῃσιν ἀποστῇ, καλῶσ ἀποστήσεται‧ ἔνια γὰρ ἐσ ἑξήκοντα ἡμέρασ ἀφικνεῖται, ἢ καὶ πλείουσ‧ τὰ μὲν γὰρ ἀραιότερα τῶν ὀστέων θᾶσσον ἀφίσταται‧ τὰ δὲ στερεώτερα, βραδύτερον‧ τὰ δὲ ἄλλα τὰ μείω, πολλὸν ἐνδοτέρω, ἄλλα δ’ ἄλλωσ. Ἀποπρίειν δ’ ὀστέον ἐξέχον ἐπὶ τῶνδε τῶν προφασίων χρὴ, ἢν μὴ δύνηται ἐμβάλλειν, μικροῦ δέ τινοσ αὐτῷ δοκέῃ δεῖν παρελθεῖν, καὶ οἱο͂́ν τε ᾖ παραιρεθῆναι‧ ἤν τε ἀσηρὸν ᾖ καὶ θραῦόν τι τῶν σαρκίων, καὶ δυσθεσίην παρέχῃ, ψιλὸν δὲ τυγχάνῃ ἐὸν, καὶ τὸ τοιοῦτον ἀφαιρέειν χρή. Τὰ δ’ ἄλλα οὐδὲν μέγα διαφέρει, οὔτε ἀποπρῖσαι, οὔτε μὴ ἀποπρῖσαι. Σαφέωσ γὰρ εἰδέναι χρὴ, ὅτι ὀστέα, ὅσα τελέωσ στέρεται τῶν σαρκῶν καὶ ἐπιξηραίνεται, πάντα τελέωσ ἀποστήσεται. Ὅσα δὲ ἀπολεπιδοῦσθαι μέλλει, ταῦτα οὐ χρὴ ἀποπρίειν‧ τεκμαίρεσθαι δὲ χρὴ ἀπὸ τῶν τεταγμένων σημείων τὰ τελέωσ ἀποστησόμενα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 34.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 34.)

상위

목록

SEARCH

MENU NAVIGATION