헬라어 문장 검색 - Ηιπποξ́Οευϝρεσ́10́25́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 25.)

Ἄλλοι δ’ αὖ τινέσ εἰσιν, οἳ ὀθονίοισι τὰ τοιαῦτα ἰητρεύουσιν εὐθέωσ, καὶ ἔνθεν μὲν καὶ ἔνθεν ἐπιδέουσι τοῖσιν ὀθονίοισι, κατὰ δὲ τὸ ἕλκοσ αὐτὸ διαλείπουσι, καὶ ἐῶσιν ἀνεψύχθαι‧ ἔπειτα ἐπιτιθέασιν ἐπὶ τὸ ἕλκοσ τῶν καθαρτικῶν τι, καὶ σπλήνεσιν οἰνηροῖσιν, ἢ εἰρίοισι Ῥυπαροῖσι θεραπεύουσιν. Αὕτη ἡ ἰήσισ κακὴ, καὶ εἰκὸσ τοὺσ οὕτωσ ἰητρεύοντασ τὰ μέγιστα ἀσυνετέειν, καὶ ἐν τοῖσιν ἄλλοισι κατήγμασι, καὶ ἐν τοῖσι τοιούτοισιν. Μέγιστον γάρ ἐστι τὸ γινώσκειν, καθ’ ὁποῖον τρόπον χρὴ τὴν ἀρχὴν βάλλεσθαι τοῦ ὀθονίου, καὶ καθ’ ὁποῖον μάλιστα πεπιέχθαι, καὶ οἱᾶ́ τε ὠφελέονται, ἢν ὀρθῶσ τισ βάλληται τὴν ἀρχὴν καὶ πιέζῃ ᾗ μάλιστα χρὴ, καὶ οἱᾶ βλάπτονται, ἢν μὴ ὀρθῶσ τισ βάλληται, μηδὲ πιέζῃ ᾗ μάλιστα χρὴ, ἀλλὰ ἔνθεν καὶ ἔνθεν. Εἴρηται μὲν οὖν καὶ ἐν τοῖσι πρόσθεν γεγραμμένοισιν, ὁποῖα ἀφ’ ἑκατέρου ἀποβαίνει‧ μαρτυρέει δὲ καὶ αὐτὴ ἡ ἰητρική‧ ἀνάγκη γὰρ τῷ οὕτωσ ἐπιδεομένῳ τὸ οἶδοσ ἐξαείρεσθαι ἐσ αὐτὸ τὸ ἕλκοσ. Καὶ γὰρ εἰ ὑγιὴσ χρὼσ ἔνθεν καὶ ἔνθεν ἐπιδεθείη, ἐν μέσῳ δὲ διαλειφθείη, μάλιστα κατὰ τὴν διάλειψιν οἰδήσειεν ἂν, καὶ ἀχροιήσειεν‧ πῶσ οὖν οὐχὶ ἕλκοσ γε ταῦτα ἂν πάθοι; Ἀναγκαίωσ οὖν ἔχει ἄχροον μὲν καὶ ἐκπεπλιγμένον τὸ ἕλκοσ εἶναι, δακρυῶδέσ τε καὶ ἀνεκπύητον, ὀστέα δὲ, καὶ μὴ μέλλοντα ἀποστῆναι, ἀποστατικὰ γενέσθαι‧ σφυγμῶδέσ τε καὶ πυρῶδεσ τὸ ἕλκοσ ἂν εἰή. Ἀναγκάζονται δὲ διὰ τὸ οἶδοσ ἐπικαταπλάσσειν‧ ἀσύμφορον δὲ καὶ τοῦτο τοῖσιν ἔνθεν καὶ ἔνθεν ἐπιδεομένοισιν‧ ἄχθοσ γὰρ ἀνωφελὲσ πρὸσ τῷ ἄλλῳ σφυγμῷ ἐπιγίνεται. Τελευτῶντεσ δὲ ἀπολύουσι τὰ ἐπιδέσματα, ὁπόταν σφιν παλιγκοτέῃ, καὶ ἰητρεύουσι τὸ λοιπὸν ἄνευ ἐπιδέσιοσ‧ οὐδὲν δ’ ἧσσον, καὶ ἤν τι ἄλλο τρῶμα τοιοῦτο λάβωσι, τῷ αὐτῷ τρόπῳ ἰητρεύουσιν‧ οὐ γὰρ οἰόνται τὴν ἐπίδεσιν τὴν ἔνθεν καὶ ἔνθεν, καὶ τὴν ἀνάψυξιν τοῦ ἕλκεοσ αἰτίην εἶναι, ἀλλ’ ἄλλην τινὰ ἀτυχίην. Οὐ μέντοι γε ἂν ἔγραφον περὶ τουτέου τοσαῦτα, εἰ μὴ εὖ μὲν ᾔδειν ἀσύμφορον ἐοῦσαν τὴν ἐπίδεσιν, συχνοὺσ δὲ οὕτωσ ἰητρεύοντασ, ἐπίκαιρον δὲ τὸ ἀπομάθημα, μαρτύριον δὲ τοῦ ὀρθῶσ γεγράφθαι τὰ πρόσθεν γεγραμμένα, εἴτε μάλιστα πιεστέα τὰ κατήγματα, εἴτε ἥκιστα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 25.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 25.)

상위

목록

SEARCH

MENU NAVIGATION