Hippocrates, Oeuvres Completes D'Hippocrate., ΠΕΡΙ ΑΓΜΩΝ., 25.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 25.)

Ἄλλοι δ’ αὖ τινέσ εἰσιν, οἳ ὀθονίοισι τὰ τοιαῦτα ἰητρεύουσιν εὐθέωσ, καὶ ἔνθεν μὲν καὶ ἔνθεν ἐπιδέουσι τοῖσιν ὀθονίοισι, κατὰ δὲ τὸ ἕλκοσ αὐτὸ διαλείπουσι, καὶ ἐῶσιν ἀνεψύχθαι‧ ἔπειτα ἐπιτιθέασιν ἐπὶ τὸ ἕλκοσ τῶν καθαρτικῶν τι, καὶ σπλήνεσιν οἰνηροῖσιν, ἢ εἰρίοισι Ῥυπαροῖσι θεραπεύουσιν. Αὕτη ἡ ἰήσισ κακὴ, καὶ εἰκὸσ τοὺσ οὕτωσ ἰητρεύοντασ τὰ μέγιστα ἀσυνετέειν, καὶ ἐν τοῖσιν ἄλλοισι κατήγμασι, καὶ ἐν τοῖσι τοιούτοισιν. Μέγιστον γάρ ἐστι τὸ γινώσκειν, καθ’ ὁποῖον τρόπον χρὴ τὴν ἀρχὴν βάλλεσθαι τοῦ ὀθονίου, καὶ καθ’ ὁποῖον μάλιστα πεπιέχθαι, καὶ οἱᾶ́ τε ὠφελέονται, ἢν ὀρθῶσ τισ βάλληται τὴν ἀρχὴν καὶ πιέζῃ ᾗ μάλιστα χρὴ, καὶ οἱᾶ βλάπτονται, ἢν μὴ ὀρθῶσ τισ βάλληται, μηδὲ πιέζῃ ᾗ μάλιστα χρὴ, ἀλλὰ ἔνθεν καὶ ἔνθεν. Εἴρηται μὲν οὖν καὶ ἐν τοῖσι πρόσθεν γεγραμμένοισιν, ὁποῖα ἀφ’ ἑκατέρου ἀποβαίνει‧ μαρτυρέει δὲ καὶ αὐτὴ ἡ ἰητρική‧ ἀνάγκη γὰρ τῷ οὕτωσ ἐπιδεομένῳ τὸ οἶδοσ ἐξαείρεσθαι ἐσ αὐτὸ τὸ ἕλκοσ. Καὶ γὰρ εἰ ὑγιὴσ χρὼσ ἔνθεν καὶ ἔνθεν ἐπιδεθείη, ἐν μέσῳ δὲ διαλειφθείη, μάλιστα κατὰ τὴν διάλειψιν οἰδήσειεν ἂν, καὶ ἀχροιήσειεν‧ πῶσ οὖν οὐχὶ ἕλκοσ γε ταῦτα ἂν πάθοι; Ἀναγκαίωσ οὖν ἔχει ἄχροον μὲν καὶ ἐκπεπλιγμένον τὸ ἕλκοσ εἶναι, δακρυῶδέσ τε καὶ ἀνεκπύητον, ὀστέα δὲ, καὶ μὴ μέλλοντα ἀποστῆναι, ἀποστατικὰ γενέσθαι‧ σφυγμῶδέσ τε καὶ πυρῶδεσ τὸ ἕλκοσ ἂν εἰή. Ἀναγκάζονται δὲ διὰ τὸ οἶδοσ ἐπικαταπλάσσειν‧ ἀσύμφορον δὲ καὶ τοῦτο τοῖσιν ἔνθεν καὶ ἔνθεν ἐπιδεομένοισιν‧ ἄχθοσ γὰρ ἀνωφελὲσ πρὸσ τῷ ἄλλῳ σφυγμῷ ἐπιγίνεται. Τελευτῶντεσ δὲ ἀπολύουσι τὰ ἐπιδέσματα, ὁπόταν σφιν παλιγκοτέῃ, καὶ ἰητρεύουσι τὸ λοιπὸν ἄνευ ἐπιδέσιοσ‧ οὐδὲν δ’ ἧσσον, καὶ ἤν τι ἄλλο τρῶμα τοιοῦτο λάβωσι, τῷ αὐτῷ τρόπῳ ἰητρεύουσιν‧ οὐ γὰρ οἰόνται τὴν ἐπίδεσιν τὴν ἔνθεν καὶ ἔνθεν, καὶ τὴν ἀνάψυξιν τοῦ ἕλκεοσ αἰτίην εἶναι, ἀλλ’ ἄλλην τινὰ ἀτυχίην. Οὐ μέντοι γε ἂν ἔγραφον περὶ τουτέου τοσαῦτα, εἰ μὴ εὖ μὲν ᾔδειν ἀσύμφορον ἐοῦσαν τὴν ἐπίδεσιν, συχνοὺσ δὲ οὕτωσ ἰητρεύοντασ, ἐπίκαιρον δὲ τὸ ἀπομάθημα, μαρτύριον δὲ τοῦ ὀρθῶσ γεγράφθαι τὰ πρόσθεν γεγραμμένα, εἴτε μάλιστα πιεστέα τὰ κατήγματα, εἴτε ἥκιστα.

일치하는 문장이 없습니다.

SEARCH

MENU NAVIGATION