헬라어 문장 검색 - Ηιπποξ́Οευϝρεσ́10́18́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 18.)

Τῶν δὲ ὀστέων τὸ μὲν ἔσω τοῦ ἀντικνημίου καλεομένου ὀχλω δέστερον ἐν τῇ ἰητρείῃ ἐστὶ, καὶ κατατάσιοσ μᾶλλον δεόμενον, καὶ ἢν μὴ ὀρθῶσ τὰ ὀστέα τεθῇ, ἀδύνατον κρύψαι, φανερὸν γὰρ καὶ ἄσαρκον πᾶν ἐστιν‧ καὶ ἐπιβαίνειν ἐπὶ τὸ σκέλοσ πολλῷ βραδύτερον δύναιντ’ ἂν, τουτέου κατεηγότοσ. Ἢν δὲ τὸ ἔξω ὀστέον κατεηγῇ, πουλὺ μὲν εὐφορώτερον φέρουσι, πουλὺ δ’ εὐκρυπτότερον, καὶ ἢν μὴ καλῶσ ξυντεθῇ, ἐπίσαρκον γάρ ἐστιν‧ ἐπὶ πόδασ τε ταχέωσ ἵστανται, τὸ πλεῖστον γὰρ τοῦ ἄχθεοσ ὀχέει τὸ ἔσωθεν τοῦ ἀντικνημίου ὀστέον. Ἅμα μὲν γὰρ αὐτῷ τῷ σκέλει καὶ τῇ ἰθυωρίῃ τοῦ ἄχθεοσ τοῦ κατὰ τὸ σκέλοσ, τὸ πλεῖον ἔχει τοῦ πόνου τὸ ἔσω ὀστέον‧ τοῦ γὰρ μηροῦ ἡ κεφαλὴ ὑπεροχέει τὸ ὕπερθεν τοῦ σώματοσ, αὕτη δὲ εἴσωθεν πέφυκε τοῦ σκέλεοσ, καὶ οὐκ ἔξωθεν, ἀλλὰ κατὰ τὴν τοῦ ἀντικνημίου ἴξιν‧ ἅμα δὲ τὸ ἄλλο ἥμισυ τοῦ σώματοσ γειτονεύεται μᾶλλον ταύτῃ τῇ ἴξει, ἀλλ’ οὐχὶ τῇ ἔξωθεν‧ ἅμα δὲ, ὅτι παχύτερον τὸ ἔσω τοῦ ἐξωθεν, ὥσπερ τὸ ἐν τῷ πήχει τὸ κατὰ τὴν τοῦ μικροῦ δακτύλου ἴξιν λεπτότερον καὶ μακρότερον. Ἐν μέντοι τῷ ἄρθρῳ τῷ κάτω οὐχ ὁμοίη ἡ ὑπότασισ τοῦ ὀστέου τοῦ μακροτέρου‧ ἀνομοίωσ γὰρ ὁ ἀγκὼν καὶ ἡ ἰγνύη κάμπτεται. Διὰ οὖν ταύτασ τὰσ προφάσιασ, τοῦ μὲν ἔξωθεν ὀστέου κατεηγότοσ, ταχεῖαι αἱ ἐπιβάσιεσ, τοῦ δὲ ἔσωθεν κατεηγότοσ, βραδεῖαι αἱ ἐπιβάσιεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 18.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 18.)

상위

목록

SEARCH

MENU NAVIGATION