헬라어 문장 검색 - Ηιπποξ́Οευϝρεσ́10́16́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 16.)

Ἐπὴν δὲ κατορθώσῃ, ἐπιδεῖν τοῖσιν ὀθονίοισι κατατεταμένα, ἤν τ’ ἐπὶ δεξιὰ, ἤν τ’ ἐπ’ ἀριστερὰ περιφέρειν ξυμφέρῃ αὐτέοισι τὰ πρῶτα ὀθόνια‧ βαλλέσθω δὲ τὴν ἀρχὴν τοῦ ὀθονίου κατὰ τὸ κάτηγμα, καὶ περιβαλλέσθω κατὰ τοῦτο τὰσ πρώτασ περιβολάσ‧ κἄπειτα νεμέσθω ἐπὶ τὴν ἄνω κνήμην ἐπιδέων, ὥσπερ ἐπὶ τοῖσιν ἄλλοισι κατήγμασιν εἴρηται. Τὰ δὲ ὀθόνια πλατύτερα χρὴ εἶναι, καὶ μακρότερα καὶ πλέω πουλὺ τὰ κατὰ τὸ σκέλοσ τῶν ἐν τῇ χειρί. Ἐπὴν δὲ ἐπιδήσῃσ, καταθεῖναι ἐφ’ ὁμαλοῦ τινοσ καὶ μαλθακοῦ, ὥστε μὴ διεστράφθαι ἢ τῇ, ἢ τῇ, μήτε λορδὸν, μήτε κυφὸν εἶναι‧ μάλιστα δὲ ξυμφέρει προσκεφάλαιον, ἢ λίνεον, ἢ ἐρίνεον, μὴ σκληρὸν, λαπαρὸν μέσον κατὰ μῆκοσ ποιήσαντα, ὑποθεῖναι, ἢ ἄλλο τι ὃ τούτῳ ἐοίκεν. Περὶ γὰρ τῶν σωλήνων τῶν ὑποτιθεμένων ὑπὸ τὰ σκέλεα τὰ κατεηγότα, ἀπορέω ὅ τι ξυμβουλεύσω, εἰ ὑποτιθέναι χρὴ ἢ οὔ. Ὠφελέουσι μὲν γὰρ, οὐχ ὅσον δὲ οἱ ὑποτιθέντεσ οἰόνται. Οὐ γὰρ ἀναγκάζουσιν οἱ σωλῆνεσ ἀτρεμέειν, ὡσ οἰόνται‧ οὔτε γὰρ τῷ ἄλλῳ σώματι στρεφομένῳ ἢ ἔνθα, ἢ ἔνθα, ἐπαναγκάζει ὁ σωλὴν μὴ ἐπακολουθέειν τὸ σκέλοσ, ἢν μὴ ἐπιμελῆται αὐτὸσ ὥνθρωποσ. οὔτε αὖ τὸ σκέλοσ ἄνευ τοῦ σώματοσ κωλύει ὁ σωλὴν κινηθῆναι ἢ τῇ ἢ τῇ. Ἀλλὰ μὴν ἀστεργέστερον ξύλον ὑποτετάσθαι, ἢν μὴ ὁμῶσ ἄν τισ μαλθακόν τι ἐσ αὐτὸ ἐντεθῇ. Εὐχρηστότατον δέ ἐστιν ἐν τῇσι μεθυποστρώσεσι, καὶ ἐν τῇσιν ἐσ ἄφοδον προχωρήσεσιν. Ἔστιν οὖν σὺν σωλῆνι καὶ ἄνευ σωλῆνοσ καὶ καλῶσ καὶ αἰσχρῶσ κατασκευάσασθαι‧ πιθανώτερον δὲ τοῖσι δημότῃσίν ἐστι, καὶ τὸν ἰητρὸν ἀναμαρτητότερον εἶναι, ἢν σωλὴν ὑποκέηται‧ καίτοι ἀτεχνέστερόν γέ ἐστιν. Δεῖ μὲν γὰρ ἐφ’ ὁμαλοῦ καὶ μαλθακοῦ κεῖσθαι πάντη πάντωσ ἐσ ἰθύ‧ ἐπεί τοί γε ἀνάγκη κρατηθῆναι τὴν ἐπίδεσιν ὑπὸ τῆσ διαστροφῆσ τῆσ ἐν τῇ θέσει, ὅποι ἂν Ῥέπῃ, καὶ ὁκόσα ἂν Ῥέπῃ. Ὑποκρινέσθω δὲ ὁ ἐπιδεδεμένοσ ταὐτὰ, ἅπερ καὶ πρότερον εἴρηται‧ καὶ γὰρ τὴν ἐπίδεσιν χρὴ τοιαύτην εἶναι, καὶ τὸ οἴδημα οὕτωσ ἐξαείρεσθαι ἐσ τὰ ἄκρεα, καὶ τὰσ χαλάσιασ οὕτω, καὶ τὰσ μετεπιδέσιασ διὰ τρίτησ, καὶ εὑρισκέσθω ἰσχνότερον τὸ ἐπιδεόμενον, καὶ τὰσ ἐπιδέσιασ ἐπὶ μᾶλλον ποιέεσθαι, καὶ πλέοσι τοῖσιν ὀθονίοισιν‧ περιλαμβάνειν τε καὶ τὸν πόδα χαλαρῶσ, ἢν μὴ ἄγαν ἐγγὺσ ᾖ τοῦ γούνατοσ τὸ τρῶμα. Κατατείνειν δὲ μετρίωσ καὶ ἐπικατορθοῦν ἐφ’ ἑκάστῃ ἐπιδέσει χρὴ τὰ ὀστέα‧ ἢν γὰρ ὀρθῶσ μὲν ἰητρεύηται, κατὰ λόγον δὲ τὸ οἴδημα χωρέῃ, ἔτι μὲν λεπτότερον καὶ ἰσχνότερον τὸ ἐπιδεόμενον χωρίον ἔσται, ἔτι δὲ αὖ παραγωγότερα τὰ ὀστέα, ἐνακούοντα τῆσ κατατάσιοσ μᾶλλον. Ἐπὴν δὲ ἑβδομαῖοσ, ἢ ἐναταῖοσ, ἢ ἑνδεκαταῖοσ γένηται, τοὺσ νάρθηκασ προστιθέναι, ὥσπερ καὶ ἐπὶ τοῖσιν ἄλλοισι κατήγμασιν εἴρηται. Τῶν δὲ ναρθήκων τὰσ ἐνέδρασ χρὴ φυλάσσεσθαι κατά τε τῶν σφυρῶν τὴν ἴξιν, καὶ κατὰ τὸν τένοντα τὸν ἐν τῇ κνήμῃ τοῦ ποδόσ. Ὀστέα δὲ κνήμησ κρατύνεται ἐν τεσσαράκοντα ἡμέρῃσιν, ἢν ὀρθῶσ ἰητρεύηται. Ἢν δὲ ὑποπτεύῃσ τῶν ὀστέων τι δεῖσθαί τινοσ διορθώσιοσ, ἤ τινα ἕλκωσιν ὀῤῬωδέῃσ, ἐν τῷ μεσηγὺ χρόνῳ χρὴ λύσαντα καὶ εὐθετισάμενον μετεπιδῆσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 16.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 16.)

상위

목록

SEARCH

MENU NAVIGATION