헬라어 문장 검색 - Ηιπποξ́Οευϝρεσ́10́14́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 14.)

Ἐπὴν δὲ ἱκανῶσ κατατανύσῃσ, Ῥηί̈διον ἤδη τὸ ἄρθρον ἐμβαλεῖν‧ ὑπεραιωρέεται γὰρ ἐσ ἰθυωρίην ὑπὲρ τῆσ αρχαίησ ἕδρησ. κατορθοῦσθαι οὖν χρὴ τοῖσι θέναρσι τῶν χειρῶν, τοῖσι μὲν ἐσ τὸ ἐξεστηκὸσ ἐρείδοντα, τοῖσι δὲ ἐπὶ θάτερα κατώτερον τοῦ σφυροῦ ἀντερείδοντα. Ἐπὴν δὲ ἐμβάλῃσ, ἢν μὲν οἱο͂́ν τε ᾖ, κατατεταμένα ἐπιδεῖν χρή‧ ἢν δὲ κωλύηται ὑπὸ τῶν ἱμάντων, ἐκείνουσ λύσαντα ἀντικατατείνειν, ἔστ’ ἄν ἐπιδήσῃσ. Ἐπιδεῖν δὲ τὸν αὐτὸν τρόπον, καὶ τὰσ ἀρχὰσ ὡσαύτωσ βαλλόμενον κατὰ τὸ ἐξεστηκὸσ, καὶ τὰσ περιβολὰσ τὰσ πρώτασ πλείστασ κατὰ τοῦτο ποιέεσθαι, καὶ τοὺσ σπλῆνασ πλείστουσ κατὰ τοῦτο, καὶ τὴν πίεξιν μάλιστα κατὰ τωὐτό‧ προσεπιδεῖν δὲ καὶ ἔνθεν καὶ ἔνθεν ἐπὶ συχνόν. Μᾶλλον δέ τι τοῦτο τὸ ἄρθρον πεπιέχθαι χρὴ ἐν τῇ πρώτῃ ἐπιδέσει, ἢ τὸ ἐν τῇ χειρί. Ἐπὴν δὲ ἐπιδήσῃσ, ἀνωτέρω μὲν τοῦ ἄλλου σώματοσ ἐχέτω τὸ ἐπιδεθὲν, τὴν δὲ θέσιν δεῖ ποιέεσθαι οὕτωσ, ὅκωσ ἥκιστα ἀπαιωρηθήσεται ὁ πούσ. Τὸν δὲ ἰσχνασμὸν τοῦ σώματοσ οὕτω ποιέεσθαι, ὁκοίην τινὰ δύναμιν ἔχει καὶ τὸ ὀλίσθημα‧ τὰ μὲν γὰρ σμικρὸν, τὰ δὲ μέγα ὀλισθάνει. Τὸ ἐπίπαν δὲ ἰσχναίνειν μᾶλλον καὶ ἐπὶ πλείω χρόνον χρὴ ἐν τοῖσι κατὰ τὰ σκέλεα τρώμασιν, ἢ ἐν τοῖσι κατὰ τὰσ χεῖρασ‧ καὶ γὰρ μέζω καὶ παχύτερα ταῦτα ἐκείνων‧ καὶ δὴ καὶ ἀναγκαῖον ἐλινύειν τὸ σῶμα καὶ κατακεῖσθαι. Μετεπιδῆσαι δὲ τὸ ἄρθρον, οὔτε τι κωλύει τριταῖον, οὔτε κατεπείγει. Καὶ τὰ ἄλλα πάντα παραπλησίωσ χρὴ ἰητρεύειν, ὥσπερ καὶ τὰ παροιχόμενα. Καὶ ἢν μὲν τολμᾷ ἀτρέμα κατακεῖσθαι, ἱκαναὶ τεσσαράκοντα ἡμέραι, ἢν μοῦνον ἐσ τὴν ἑωυτῶν χώρην τὰ ὀστέα αὖθισ καθίζηται‧ ἢν δὲ μὴ θέλῃ ἀτρεμέειν, χρῷτο μὲν ἂν οὐ Ῥᾳδίωσ τῶ σκέλεϊ, ἐπιδεῖσθαι δὲ ἀναγκάζοιτ’ ἂν πουλὺν χρόνον. Ὁκόσα μέντοι τῶν ὀστέων μὴ τελέωσ ἵζει ἐσ τὴν ἑωυτῶν χώρην, ἀλλά τι ἐπιλείπει, τῷ χρόνῳ λεπτύνεται ἰσχίον καὶ μηρὸσ καὶ κνήμη‧ καὶ ἢν μὲν εἴσω ὀλίσθῃ, τὸ ἔξω μέροσ λεπτύνεται, ἢν δὲ ἔξω, τὸ εἴσω. Τὰ πλεῖστα δὲ ἐσ τὸ ἔσω ὀλισθάνει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 14.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 14.)

상위

목록

SEARCH

MENU NAVIGATION