Hippocrates, Oeuvres Completes D'Hippocrate., ΠΕΡΙ ΑΓΜΩΝ., 14.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 14.)

Ἐπὴν δὲ ἱκανῶσ κατατανύσῃσ, Ῥηί̈διον ἤδη τὸ ἄρθρον ἐμβαλεῖν‧ ὑπεραιωρέεται γὰρ ἐσ ἰθυωρίην ὑπὲρ τῆσ αρχαίησ ἕδρησ. κατορθοῦσθαι οὖν χρὴ τοῖσι θέναρσι τῶν χειρῶν, τοῖσι μὲν ἐσ τὸ ἐξεστηκὸσ ἐρείδοντα, τοῖσι δὲ ἐπὶ θάτερα κατώτερον τοῦ σφυροῦ ἀντερείδοντα. Ἐπὴν δὲ ἐμβάλῃσ, ἢν μὲν οἱο͂́ν τε ᾖ, κατατεταμένα ἐπιδεῖν χρή‧ ἢν δὲ κωλύηται ὑπὸ τῶν ἱμάντων, ἐκείνουσ λύσαντα ἀντικατατείνειν, ἔστ’ ἄν ἐπιδήσῃσ. Ἐπιδεῖν δὲ τὸν αὐτὸν τρόπον, καὶ τὰσ ἀρχὰσ ὡσαύτωσ βαλλόμενον κατὰ τὸ ἐξεστηκὸσ, καὶ τὰσ περιβολὰσ τὰσ πρώτασ πλείστασ κατὰ τοῦτο ποιέεσθαι, καὶ τοὺσ σπλῆνασ πλείστουσ κατὰ τοῦτο, καὶ τὴν πίεξιν μάλιστα κατὰ τωὐτό‧ προσεπιδεῖν δὲ καὶ ἔνθεν καὶ ἔνθεν ἐπὶ συχνόν. Μᾶλλον δέ τι τοῦτο τὸ ἄρθρον πεπιέχθαι χρὴ ἐν τῇ πρώτῃ ἐπιδέσει, ἢ τὸ ἐν τῇ χειρί. Ἐπὴν δὲ ἐπιδήσῃσ, ἀνωτέρω μὲν τοῦ ἄλλου σώματοσ ἐχέτω τὸ ἐπιδεθὲν, τὴν δὲ θέσιν δεῖ ποιέεσθαι οὕτωσ, ὅκωσ ἥκιστα ἀπαιωρηθήσεται ὁ πούσ. Τὸν δὲ ἰσχνασμὸν τοῦ σώματοσ οὕτω ποιέεσθαι, ὁκοίην τινὰ δύναμιν ἔχει καὶ τὸ ὀλίσθημα‧ τὰ μὲν γὰρ σμικρὸν, τὰ δὲ μέγα ὀλισθάνει. Τὸ ἐπίπαν δὲ ἰσχναίνειν μᾶλλον καὶ ἐπὶ πλείω χρόνον χρὴ ἐν τοῖσι κατὰ τὰ σκέλεα τρώμασιν, ἢ ἐν τοῖσι κατὰ τὰσ χεῖρασ‧ καὶ γὰρ μέζω καὶ παχύτερα ταῦτα ἐκείνων‧ καὶ δὴ καὶ ἀναγκαῖον ἐλινύειν τὸ σῶμα καὶ κατακεῖσθαι. Μετεπιδῆσαι δὲ τὸ ἄρθρον, οὔτε τι κωλύει τριταῖον, οὔτε κατεπείγει. Καὶ τὰ ἄλλα πάντα παραπλησίωσ χρὴ ἰητρεύειν, ὥσπερ καὶ τὰ παροιχόμενα. Καὶ ἢν μὲν τολμᾷ ἀτρέμα κατακεῖσθαι, ἱκαναὶ τεσσαράκοντα ἡμέραι, ἢν μοῦνον ἐσ τὴν ἑωυτῶν χώρην τὰ ὀστέα αὖθισ καθίζηται‧ ἢν δὲ μὴ θέλῃ ἀτρεμέειν, χρῷτο μὲν ἂν οὐ Ῥᾳδίωσ τῶ σκέλεϊ, ἐπιδεῖσθαι δὲ ἀναγκάζοιτ’ ἂν πουλὺν χρόνον. Ὁκόσα μέντοι τῶν ὀστέων μὴ τελέωσ ἵζει ἐσ τὴν ἑωυτῶν χώρην, ἀλλά τι ἐπιλείπει, τῷ χρόνῳ λεπτύνεται ἰσχίον καὶ μηρὸσ καὶ κνήμη‧ καὶ ἢν μὲν εἴσω ὀλίσθῃ, τὸ ἔξω μέροσ λεπτύνεται, ἢν δὲ ἔξω, τὸ εἴσω. Τὰ πλεῖστα δὲ ἐσ τὸ ἔσω ὀλισθάνει.

일치하는 문장이 없습니다.

SEARCH

MENU NAVIGATION