헬라어 문장 검색 - Ηιπποξ́Οευϝρεσ́10́11́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 11.)

Ὅσοι δὲ πηδήσαντεσ ἀφ’ ὑψηλοῦ τινοσ ἐστηρίξαντο τῇ πτέρνῃ ἰσχυρῶσ, τουτέοισι διισταται μὲν τὰ ὀστέα, φλέβια δ’ ἐκχυμοῦνται ἀμφιφλασθείσησ τῆσ σαρκὸσ ἀμφὶ τὸ ὀστέον, οἴδημα δὲ ἐπιγίνεται καὶ πόνοσ πουλύσ. Τὸ γὰρ ὀστέον τοῦτο οὐ σμικρόν ἐστι, καὶ ὑπερέχει μὲν ὑπὸ τὴν ἰθυωρίην τῆσ κνήμησ, κοινωνέει δὲ φλεψὶ καὶ νεύροισιν ἐπικαίροισιν‧ ὁ τένων δὲ ὁ ὀπίσθιοσ τούτῳ προσήρτηται τῷ ὀστέῳ. Τούτουσ χρὴ ἰητρεύειν μὲν κηρωτῇ καὶ σπλήνεσι καὶ ὀθονίοισιν‧ ὕδατι δὲ θερμῷ πλείστῳ ἐπὶ τουτέοισι χρῆσθαι‧ καὶ ὀθονίων πλειόνων ἐπὶ τουτέοισι δεῖ, καὶ ἄλλωσ ὡσ βελτίστων καὶ προσηνεστάτων. Καὶ ἢν μὲν τύχῃ ἁπαλὸν τὸ δέρμα φύσει ἔχων τὸ ἀμφὶ τῇ πτέρνῃ, ἐᾷν οὕτωσ‧ ἢν δὲ παχὺ καὶ σκληρὸν, οἱᾶ μετεξέτεροι ἴσχουσιν, κατᾶτάμνειν χρὴ ὁμαλῶσ, καὶ διαλεπτύνειν μὴ διατιτρώσκντ. Ἐπιδεῖν δὲ ἀγαθῶσ οὐ παντὸσ ἀνδρόσ ἐστι τὰ τοιαῦτα‧ ἢν γάρ τισ ἐπιδέῃ, ὥσπερ καὶ τὰ ἄλλα τὰ κατὰ τὰ σφυρὰ ἐπιδεῖται, ὁτὲ μὲν περὶ τὸν πόδα περιβαλλόμενοσ, ὁτὲ δὲ περὶ τὸν τένοντα, αἱ ἀποσφίγξιεσ αὗται χωρίζουσι τὴν πτέρνην, ᾗ τὸ φλάσμα ἐγένετο‧ καὶ οὕτω κίνδυνοσ σφακελίσαι τὸ ὀστέον τὸ τῆσ πτέρνησ‧ καίτοι ἢν σφακελίσῃ, τὸν αἰῶνα πάντα ἱκανὸν ἀντίσχειν τὸ νόσημα. Καὶ γὰρ τἄλλα ὅσα μὴ ἐκ τοιούτου τρόπου σφακελίζει, ἀλλ’ ἐν κατακλίσει μελανθείσησ τῆσ πτέρνησ ὑπὸ ἀμελείησ τοῦ σχήματοσ, ἢ ἐν κνήμῃ τρώματοσ γενομένου ἐπικαίρου καὶ χρονίου καὶ κοινοῦ τῇ πτέρνῃ, ἢ ἐν μηρῷ, ἢ ἐπὶ ἄλλῳ νουσήματι ὑπτιασμοῦ χρονίου γενομένου, ὁμῶσ καὶ τοῖσι τοιούτοισι χρόνια, καὶ ὀχλώδεα, καὶ πολλάκισ ἀναῤῬηγνύμενα, ἢν μὴ χρηστῇ μὲν μελέτῃ θεραπευθῇ, πολλῇ δ’ ἡσυχίῃ, ὡσ τά γε σφακελίζοντα‧ ἐκ τοῦ τοιούτου δὲ τρόπου σφακελίζοντα καὶ κινδύνουσ μεγάλουσ τῷ σώματι παρέχει πρὸσ τῇ ἄλλῃ λύμῃ Καὶ γὰρ πυρετοὶ ὑπεροξέεσ, ξυνεχέεσ, τρομώδεεσ, λυγγώδεεσ, γνώμησ ἁπτόμενοι, καὶ ὀλιγήμεροι, κτείνοντέσ τε‧ γένοιντο δ’ ἂν καὶ φλεβῶν αἱμοῤῬόων πελιώσιεσ, ναυσιώσιεσ, καὶ γαγγραινώσιεσ ὑπὸ τῆσ πιέξιοσ‧ γένοιτο δ’ ἂν ταῦτα ἔξω τοῦ ἄλλου σφακελισμοῦ. Ταῦτα μὲν οὖν εἴρηται, οἱᾶ τὰ ἰσχυρότατα φλάσματα ίνεται‧ τὰ μέντοι πλεῖστα ἡσυχαίωσ ἀμφιφλᾶται, καὶ οὐδεμίη πολλὴ σπουδὴ τῆσ μελέτησ, ἀλλ’ ὅμωσ ὀρθῶσ γε χρὴ χειρίζειν. Ἐπὴν μέντοι ἰσχυρὸν δόξῃ εἶναι τὸ ἔρεισμα, τά τε εἰρημένα ποιέειν χρὴ, καὶ τὴν ἐπίδεσιν τὴν πλείστην ποιέεσθαι ἀμφὶ τὴν πτέρνην περιβάλλοντα, ἄλλοτε πρὸσ τὰ ἄκρα τοῦ ποδὸσ ἀντιπεριβάλλοντα, ἄλλοτε πρὸσ τὰ μέσα, ἄλλοτε πρὸσ τὰ περὶ τὴν κνήμην‧ προσεπιδεῖν δὲ καὶ τὰ πλησίον πάντα ἔνθεν καὶ ἔνθεν, ὥσπερ καὶ πρόσθεν εἴρηται‧ καὶ ἰσχυρὴν μὲν μὴ ποιέεσθαι τὴν πίεξιν, ἐν πολλοῖσι δὲ τοῖσιν ὀθονίοισιν‧ ἄμεινον δὲ καὶ ἐλλέβορον πιπίσκειν αὐθημερὸν, ἢ τῇ ὑστεραίῃ‧ ἀπολῦσαι δὲ τριταῖον, καὶ αὖθισ μετεπιδῆσαι. Σημεῖα δὲ τάδε, ἢν παλιγκοταίνῃ, ἢ οὔ‧ ἐπὴν μὲν τὰ ἐκχυμώματα τῶν φλεβῶν, καὶ τὰ μελάσματα, καὶ τὰ ἐγγὺσ ἐκείνων ὑπέρυθρα γινηται καὶ ὑπόσκληρα, κίνδυνοσ παλιγκοτῆσαι. Ἀλλ’ ἢν μὲν ἀπύρετοσ ᾖ, φαρμακεύειν ἄνω χρὴ, ὥσπερ εἴρηται, καὶ ὅσα ἂν μὴ ξυνεχῆ πυρεταίνηται‧ ἢν δὲ ξυνεχῆ πυρεταίνηται, μὴ φάρμακεύειν, ἀπέχειν δὲ σιτίων καὶ Ῥοφημάτων, ποτῷ δὲ χρῆσθαι ὕδατι, καὶ μὴ οἴνῳ, ἀλλὰ τῷ ὀξυγλυκεῖ. Ἢν δὲ μὴ μέλλῃ παλιγκοταίνειν, τὰ ἐκχυμώματα καὶ τὰ μελάσματα καὶ τὰ περιέχοντα ὑπόχλωρα γίνεται καὶ οὐ σκληρά‧ ἀγαθὸν τοῦτο τὸ μαρτύριον ἐν πᾶσι τοῖσιν ἐκχυμώμασιν, τοῖσι μὴ μέλλουσι παλιγκοταίνειν‧ ὅσα δὲ σὺν σκληρύσμασι πελιοῦται, κίνδυνοσ μὲν μελανθῆναι. Τὸν δὲ πόδα ἐπιτηδεύειν χρὴ, ὅκωσ ἀνωτέρω τοῦ ἄλλου σώματοσ ἔσται τὰ πλεῖστα ὀλίγον. Ὑγιὴσ δ’ ἂν γένοιτο ἐν ἑξήκοντα ἡμέρῃσιν, εἰ ἀτρεμέοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 11.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 11.)

상위

목록

SEARCH

MENU NAVIGATION