Hippocrates, Oeuvres Completes D'Hippocrate., ΠΕΡΙ ΑΓΜΩΝ., 9.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 9.)

Ποὺσ δὲ ἀνθρώπου ἐκ πολλῶν καὶ μικρῶν ὀστέων ξύγκειται, ὥσπερ χεὶρ ἄκρη. Κατάγνυται μὲν οὐ πάνυ τι ταῦτα τὰ ὀστέα, ἢν μὴ ξὺν τῷ χρωτὶ τιτρωσκομένῳ ὑπὸ ὀξέοσ τινὸσ ἢ βαρέοσ‧ τὰ μὲν οὖν τιτρωσκόμενα, ἐν ἑλκωσίων μέρει εἰρήσεται, ὡσ χρὴ ἰητρεύειν. Ἢν δέ τι κινηθῇ ἐκ τῆσ χώρησ, ἢ τῶν δακτύλων ἄρθρον, ἢ ἄλλο τι τῶν ὀστέων τοῦ ταρσοῦ καλεομένου, ἀναγκάζειν μὲν χρὴ ἐσ τὴν ἑωυτοῦ χώρην ἕκαστον, ὥσπερ καὶ τὰ ἐν τῇ χειρὶ εἴρηται‧ ἰητρεύειν δὲ κηρωτῇ καὶ σπλήνεσι καὶ ὀθονίοισιν, ὥσπερ καὶ τὰ κατήγματα, πλὴν τῶν ναρθήκων, τὸν μὲν ατὸν τρόπον πιεζεῦντα, διὰ τρίτησ δὲ ἐπιδέοντα‧ ὑποκρινέσθω δὲ ὁ ἐπιδεόμενοσ παραπλήσια, οἱᾶ́ περ καὶ ἐν τοῖσι κατήγμασι, καὶ περὶ τοῦ πεπιέχθαι, καὶ περὶ τοῦ χαλᾷν. Ὑγιέα δὲ γίνεται ἐν εἴκοσιν ἡμέρῃσι τελέωσ ἅπαντα, πλὴν ὁκόσα κοινωνέει τοῖσι τῆσ κνήμησ ὀστέοισι‧ καὶ αὐτέῃ τῇ ἴξει. Ξυμφέρει δὲ κατακεῖσθαι τοῦτον τὸν χρόνον‧ ἀλλὰ γὰρ οὐ τολμέουσιν ὑπερορῶντεσ τὸ νόσημα, ἀλλὰ περιέρχονται, πρὶν ὑγιέεσ γενέσθαι. Διὰ τοῦτο καὶ οἱ πλεῖστοι οὐκ ἐξυγιαίνουσι τελέωσ. Ἀλλὰ πολλάκισ αὐτοὺσ ὁ πόνοσ ὑπομιμνήσκει‧ εἰκότωσ‧ ὅλον γὰρ τὸ ἄχθοσ τοῦ σώματοσ οἱ πόδεσ ὀχέουσιν. Ὁκόταν οὖν μήπω ὑγιέεσ ἐόντεσ ὁδοιπορέωσι, φλαύρωσ ξυναλθάσσεται τὰ ἄρθρα τὰ κινηθέντα‧ διὰ τοῦτο ἄλλοτε καὶ ἄλλοτε ὁδοιπορέοντεσ ὀδυνῶνται τὰ πρὸσ τῇ κνήμῃ.

일치하는 문장이 없습니다.

SEARCH

MENU NAVIGATION