헬라어 문장 검색 - Ηιπποξ́Οευϝρεσ́10́09́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 9.)

Ποὺσ δὲ ἀνθρώπου ἐκ πολλῶν καὶ μικρῶν ὀστέων ξύγκειται, ὥσπερ χεὶρ ἄκρη. Κατάγνυται μὲν οὐ πάνυ τι ταῦτα τὰ ὀστέα, ἢν μὴ ξὺν τῷ χρωτὶ τιτρωσκομένῳ ὑπὸ ὀξέοσ τινὸσ ἢ βαρέοσ‧ τὰ μὲν οὖν τιτρωσκόμενα, ἐν ἑλκωσίων μέρει εἰρήσεται, ὡσ χρὴ ἰητρεύειν. Ἢν δέ τι κινηθῇ ἐκ τῆσ χώρησ, ἢ τῶν δακτύλων ἄρθρον, ἢ ἄλλο τι τῶν ὀστέων τοῦ ταρσοῦ καλεομένου, ἀναγκάζειν μὲν χρὴ ἐσ τὴν ἑωυτοῦ χώρην ἕκαστον, ὥσπερ καὶ τὰ ἐν τῇ χειρὶ εἴρηται‧ ἰητρεύειν δὲ κηρωτῇ καὶ σπλήνεσι καὶ ὀθονίοισιν, ὥσπερ καὶ τὰ κατήγματα, πλὴν τῶν ναρθήκων, τὸν μὲν ατὸν τρόπον πιεζεῦντα, διὰ τρίτησ δὲ ἐπιδέοντα‧ ὑποκρινέσθω δὲ ὁ ἐπιδεόμενοσ παραπλήσια, οἱᾶ́ περ καὶ ἐν τοῖσι κατήγμασι, καὶ περὶ τοῦ πεπιέχθαι, καὶ περὶ τοῦ χαλᾷν. Ὑγιέα δὲ γίνεται ἐν εἴκοσιν ἡμέρῃσι τελέωσ ἅπαντα, πλὴν ὁκόσα κοινωνέει τοῖσι τῆσ κνήμησ ὀστέοισι‧ καὶ αὐτέῃ τῇ ἴξει. Ξυμφέρει δὲ κατακεῖσθαι τοῦτον τὸν χρόνον‧ ἀλλὰ γὰρ οὐ τολμέουσιν ὑπερορῶντεσ τὸ νόσημα, ἀλλὰ περιέρχονται, πρὶν ὑγιέεσ γενέσθαι. Διὰ τοῦτο καὶ οἱ πλεῖστοι οὐκ ἐξυγιαίνουσι τελέωσ. Ἀλλὰ πολλάκισ αὐτοὺσ ὁ πόνοσ ὑπομιμνήσκει‧ εἰκότωσ‧ ὅλον γὰρ τὸ ἄχθοσ τοῦ σώματοσ οἱ πόδεσ ὀχέουσιν. Ὁκόταν οὖν μήπω ὑγιέεσ ἐόντεσ ὁδοιπορέωσι, φλαύρωσ ξυναλθάσσεται τὰ ἄρθρα τὰ κινηθέντα‧ διὰ τοῦτο ἄλλοτε καὶ ἄλλοτε ὁδοιπορέοντεσ ὀδυνῶνται τὰ πρὸσ τῇ κνήμῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 9.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 9.)

상위

목록

SEARCH

MENU NAVIGATION