Hippocrates, Oeuvres Completes D'Hippocrate., ΠΕΡΙ ΑΓΜΩΝ., 4.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 4.)

Τῶν δὲ ὀστέων τοῦ πήχεοσ, ὧν μὴ ἀμφότερα κατέηγε, Ῥᾴων ἡ ἰήσισ, ἢν τὸ ἄνω ὀστέον τετρωμένον ἐῄ, καί περ παχύτερον ἐόν‧ ἅμα μὲν ὅτι τὸ ὑγιὲσ ὑποτεταμένον γίνεται ἀντὶ θεμελίου, ἅμα δ’ ὅτι εὐκρυπτότερον γίνεται, πλὴν εἰ τὸ ἐγγὺσ τοῦ καρποῦ‧ παχείη γὰρ ἡ τῆσ σαρκὸσ ἐπίφυσισ ἡ ἐπὶ τὸ ἄνω. Τὸ δὲ κάτω ὀστέον ἄσαρκον, καὶ οὐκ εὐξύγκρυπτον, καὶ κατατάσιοσ ἰσχυροτέρησ δέεται. Ἢν δὲ μὴ τοῦτο ξυντριβῇ, ἀλλὰ τὸ ἕτερον, φαυλοτέρη ἡ κατάτασισ ἀρκέει‧ ἢν δὲ ἀμφότερα κατεηγῇ, ἰσχυροτάτησ κατατάσιοσ δεῖται‧ παιδίου μὲν γὰρ ἤδη εἶδον καταταθέντα μᾶλλον ἢ ὡσ ἔδει, οἱ δὲ πλεῖστοι ἧσσον τείνονται ἢ ὡσ δεῖ. Χρὴ δ’, ἐπὴν τείνωσι, τὰ θέναρα προσβάλλοντα διορθοῦν‧ ἔπειτα χρίσαντα κηρωτῇ μὴ πάνυ πουλλῇ, ὡσ μὴ περιπλέῃ τὰ ἐπιδέσματα, οὕτωσ ἐπιδεῖν, ὅκωσ μὴ κατωτέρω ἄκρην τὴν χεῖρα ἕξει τοῦ ἀγκῶνοσ, ἀλλὰ σμικρῷ τινι ἀνωτέρω, ὡσ μὴ τὸ αἷμα ἐσ ἄκρον ἐπιῤῬέῃ, ἀλλὰ ἀπολαμβάνηται‧ ἔπειτα ἐπιδεῖν τῷ ὀθονίῳ, τὴν ἀρχὴν βαλλόμενοσ κατὰ τὸ κάτηγμα‧ ἐρείδων μὲν οὖν, μὴ πιέζων δὲ κάρτα. Ἐπὴν δὲ περιβάλλῃ κατὰ τωὐτὸ δὶσ ἢ τρὶσ, ἐπὶ τὸ ἄνω νεμέσθω ἐπιδέων, ἵνα αἱ ἐπιῤῬοαὶ τοῦ αἵματοσ ἀπολαμβάνωνται, καὶ τελευτησάτω κεῖθι‧ χρὴ δὲ μὴ μακρὰ εἶναι τὰ πρῶτα ὀθόνια. Τῶν δὲ δευτέρων ὀθονίων, τὴν μὲν ἀρχὴν βάλλεσθαι ἐπὶ τὸ κάτηγμα‧ περιβαλὼν δὲ ἅπαξ ἐσ τωὐτὸ, ἔπειτα νεμέσθω ἐσ τὸ κάτω, καὶ ἐπὶ ἧσσον πιέζων, καὶ ἐπὶ μέζον διαβιβάσκων, ὡσ ἂν αὐτὸ ἱκανὸν γένηται τὸ ὀθόνιον ἀναπαλινδρομῆσαι κεῖθι, ἵνα περ τὸ ἕτερον ἐτελεύτησεν. Ἐνταῦθα μὲν οὖν τὰ ὀθόνια ἐπ’ ἀριστερὰ ἢ ἐπὶ δεξιὰ ἐπιδεδέσθω ἢ ἐπὶ ὁκότερα ἂν ξυμφέρῃ πρὸσ τὸ σχῆμα τοῦ κατεηγότοσ, καὶ ἐφ’ ὁκότερα ἂν περιῤῬέπειν ξυμφέρῃ. Μετὰ δὲ ταῦτα, σπλῆνασ κατατείνειν χρὴ κεχρισμένουσ κηρωτῇ ὀλίγῃ‧ καὶ γὰρ προσηνέστερον καὶ εὐθετώτερον‧ ἔπειτα οὕτωσ ἐπιδεῖν τοῖσιν ὀθονίοισιν ὡσ ἐναλλὰξ, ὁτὲ μὲν ἐπὶ δεξιὰ, ὁτὲ δὲ ἐπ’ ἀριστερά‧ καὶ τὰ μὲν πλείω κάτωθεν ἀρχόμενοσ, ἐσ τὸ ἄνω ἄγειν, ἔστι δ’ ὅτε καὶ ἄνωθεν ἐσ τὸ κάτω. Τὰ δὲ ὑπόξηρα ἀκέεσθαι τοῖσι σπλήνεσι κυκλεῦντα‧ τῷ δὲ πλήθει τῶν. περιβολέων μὴ πᾶν ἀθρόον ξυνδιορθοῦντα, ἀλλὰ κατὰ μέροσ‧ περιβάλλειν δὲ χρὴ χαλαρὰ καὶ περὶ τὸν καρπὸν τῆσ χειρὸσ, ἄλλοτε καὶ ἄλλοτε. Πλῆθοσ δὲ τῶν ὀθονίων ἱκανὸν τὸ πρῶτον, αἱ δύο μοῖραι.

일치하는 문장이 없습니다.

SEARCH

MENU NAVIGATION