헬라어 문장 검색 - Ηιπποξ́Οευϝρεσ́10́03́0́

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 3.)

Ἄλλοσ δ’ αὖ τισ τῶν ἰητρῶν ὑπτίην τὴν χεῖρα δοὺσ, οὕτω κατατείνειν ἐκέλευε, καὶ οὕτωσ ἔχουσαν ἐπέδει, τοῦτο νομίζων τὸ κατὰ φύσιν εἶναι, τῷ τε χροϊ σημαινόμενοσ, καὶ τὰ ὀστέα νομίζων κατὰ φύσιν εἶναι οὕτωσ, ὅτι φαίνεται τὸ ἐξέχον ὀστέον τὸ παρὰ τὸν καρπὸν, ἧ ὁ σμικρὸσ δάκτυλοσ, κατ’ ἰθυωρίην εἶναι τοῦ ὀστέου ἀφ’ ὁτέου τὸν πῆχυν οἱ ἄνθρωποι μετρέουσιν. Ταῦτα τὰ μαρτύρια ἐπήγετο, ὅτι κατὰ φύσιν οὕτωσ ἔχει, καὶ ἐδόκεεν εὖ λέγειν. Ἀλλὰ τοῦτο μὲν, εἰ ὑπτίη ἡ χεὶρ κατατείνοιτο, ἰσχυρῶσ πονοίη ἄν‧ γνοίη δ’ ἄν τισ τὴν ἑωυτοῦ χεῖρα κατατείνασ, ὡσ ἐπώδυνον τὸ σχῆμα. Ἐπεὶ καὶ ἀνὴρ ἥσσων κρέσσονα διαλαβὼν οὕτωσ εὖ τῇσιν ἑωυτοῦ χερσὶν, ὡσ κλᾶται ὁ ἄγκων ὕπτιοσ, ἄγοι ἂν ὅπῃ ἐθέλοι‧ οὔτε γὰρ εἰ ξίφοσ ἐν ταύτῃ τῇ χειρὶ ἔχοι, ἔχοι ἂν ὅ τι χρήσαιτο τῷ ξίφει, οὕτω βίαιον τοῦτο τὸ σχῆμά ἐστιν. Τοῦτο δὲ, εἰ ἐπιδήσασ τισ ἐν τουτέῳ τῷ σχήματι ἐῳή, μέζων μὲν πόνοσ, εἰ περιιοι, μέγασ δὲ καὶ εἰ κατακέοιτο. Τοῦτο δὲ, εἰ ξυγκάμψει τὴν χεῖρα, ἀνάγκη πᾶσα τούσ τε μύασ καὶ τὰ ὀστέα ἄλλο σχῆμα ἔχειν. Ἠγνόει δὲ καὶ τάδε τὰ ἐν τῷ σχήματι χωρὶσ τῆσ ἄλλησ λύμησ‧ τὸ γὰρ ὀστέον τὸ παρὰ τὸν καρπὸν ἐξέχον, τὸ κατὰ τὸν σμικρὸν δάκτυλον, τοῦτο μὲν τοῦ πήχεόσ ἐστιν‧ τὸ δ’ ἐν τῆ ξυγκάμψει ἐὸν, ἀπ’ ὅτευ τὸν πῆχυν οἱ ἄνθρωποι μετρέουσι, τοῦτο δὴ τοῦ βραχίονοσ ἡ κεφαλή ἐστιν. Ὁ δὲ ῳἔτο τωὐτὸ ὀστέον εἶναι τοῦτό τε κακεῖνο, πολλοὶ δὲ καὶ ἄλλοι‧ ἔστι δ’ ἐκείνῳ τῷ ὀστέῳ τωὐτὸ ὁ ἄγκων καλεόμενοσ, ᾧ ποτὶ στηριζόμεθα. Οὕτωσ οὖν ὑπτίην ἔχοντι τὴν χεῖρα, τοῦτο μὲν, τὸ ὀστέον διεστραμμένον φαίνεται‧ τοῦτο δὲ, τὰ νεῦρα τὰ ἀπὸ τοῦ καρποῦ τείνοντα ἐκ τοῦ εἴσω μέρεοσ καὶ ἀπὸ τῶν δακτύλων, ταῦτα ὑπτίην ἔχοντι τὴν χεῖρα διεστραμμένα γίνεται‧ τείνει τε γὰρ ταῦτα τὰ νεῦρα πρὸσ τὸ τοῦ βραχίονοσ ὀστέον, ὅθεν ὁ πῆχυσ μετρεῖται. Αὗται τοσαῦται καὶ τοιαῦται αἱ ἁμαρτάδεσ καὶ ἄγνοιαι τῆσ φύσιοσ τῆσ χειρόσ. Εἰ δ’, ὡσ ἐγὼ κελεύω, χεῖρα κατεαγυῖαν κατατείνοι τισ, ἐπιστρέψει μὲν τὸ ὀστέον ἐσ ἰθὺ, τὸ κατὰ τὸν σμικρὸν δάκτυλον, τὸ ἐσ τὸν ἀγκῶνα τεῖνον, ἰθυωρίην δὲ ἕξει τὰ νεῦρα τὰ ἀπὸ τοῦ καρποῦ πρὸσ τοῦ βραχίονοσ τὰ ἄκρα τείνοντα‧ ἀναλαμβανομένη δὲ ἡ χεὶρ ἐν παραπλησίῳ σχήματι ἔσται, ἐν ᾧ περ καὶ ἐπιδεομένη, ἄπονοσ μὲν ὁδοιπορέοντι, ἄπονοσ δὲ κατακειμένῳ καὶ ἀκάματοσ. Καθίννυσθαι δὲ χρὴ τὸν ἄνθρωπον οὕτωσ, ὅκωσ ᾖ τὸ ἐξέχον τοῦ ὀστέου πρὸσ τὴν λαμπροτάτην τῶν παρεουσέων αὐγέων, ὡσ μὴ λάθῃ τὸν χειρίζοντα ἐν τῇ κατατάσει, εἰ ἱκανῶσ ἐξίθυνται. Τοῦ γε μὴν ἐμπείρου οὐδ’ ἂν τὴν χεῖρα λάθοι ἐπαγομένην τὸ ἐξέχον‧ ἀτὰρ καὶ ἀλγέει μάλιστα κατὰ τὸ ἐξέχον ψαυόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΓΜΩΝ., 3.

(히포크라테스, Oeuvres Completes D'Hippocrate., ΠΕΡΙ ΑΓΜΩΝ., 3.)

상위

목록

SEARCH

MENU NAVIGATION